10-11-20 – rapòrt moral 2019 – 2020 – AG CREO 14 novembre 2020

PartagerShare on FacebookTweet about this on TwitterShare on Google+

2019-2020 annus horribilis ?

Es çò qu’escriguèri dins l’editorial del n° 75 de nòstre butletin de ligason, Ensenhad’òc

Annada marcada, disiái, al nivèl del licèu, per la concretizacion malurosa dels efièches de la reforma dels licèus… Puèi meses estranhs del confinhament que nos a calgut inventar de biaisses de pèrdre pas lo contacte amb los escolans : sabèm que sa participacion als corses es totjorn causa fragila.

Lo confinhament permetèt pas que se tenguèssen los recampaments pedagogics que devián venir coronar, mai que mai dins lo 1èrgra, una annada de trabalh en projècte academic. E puèi, un eveniment Total Festum del CREO, longament preparat, annulat tanben, que se devia tenir lo 16 de mai e que remandam a 2021.

Dintrada estranha encara, que la marrana ròda totjorn e qu’es pas evident, per un professor – de lenga en mai – de faire son trabalh amb una masqueta…

Una AG dins de condicions excepcionalas

Aquestas rasons sanitàrias fan que l’AG d’aquest an se tendrà dins de condicions excepcionalas e qu’anam ensajar de li donar los contorns los mai democratics que serà possible, en organizar un acamp electronic per aqueles qu’auràn lo coratge de ne téner un de mai. Los vòtes se faràn tanben per la via electronica (Cf. Butletin de vòte jonch al rapòrt moral).

Anam recondusir lo CA sortent, en defòra dels collègas que n’an sovetat sortir ; i anam faire dintrar qualques novèls dintrats dins l’acadèmia qu’an manifestada son intencion d’ajudar a la reflexion collectiva (Cf. Butletin de vòte).

Anam tanben votar un novèl burèu, alargat, coma explicat en fin de butletin.

2019-2020, annada militanta, pasmens…

Es la foncion màger del CREO, al nivèl academic : se batre per aparar l’ensenhament public de l’occitan e los collègas qu’an causit de ne faire lor mestièr.

Trobaretz la traça de totas las accions menadas sus nòstre site: http://www.felco-creo.org/creo-lengadoc/

Contacts regulièrs – e sovent a sens unic, mas sèm caputs e i tornam regularament… – amb lo Rectorat

Escambis de corrièrs

14-06-19-Continuité des cursus bilingues à Montpellier – le CREO interpelle le rectorat

07-11-19-Le CREO Lengadòc demande un RDV à Madame la Rectrice

16-02-20- Le CREO lengadòc écrit à la nouvelle rectrice

30-03-20-Menaces sur les postes fléchés « occitan » d’une école de Montpellier. Le CREO interpelle le rectorat

14-04-20-Défléchage d’un poste occitan dans l’Aude – le CREO réagit

21-04-20- suppression d’une heure d’occitan au collège de MARVEJOLS – le CREO écrit aux services rectoraux

13-05-20- réponse de Madame la rectrice à la lettre du CREO du14 avril – réponse du CREO

15-06-20 – la rectrice répond au courrier du CREO

21-04-20- suppression d’une heure d’occitan au collège de MARVEJOLS – le CREO écrit aux services rectoraux

Participacion al Conselh academic de las lengas regionalas (CALR) lo 1èr de julhet

Lo CREO i presentèt una mocion que foguèt cosignada per la FSU (SNUIPP e SNES) e per lo SE/UNSA. Trobaretz tanben en linha lo compte rendut d’aquel CALR.

I foguèt anonciada la signatura de la convencion adicionala a la convencion Estat / Regions signada en genièr de 2017.

Aquesta convencion adicionala èra esperada dempuèi d’annadas amb la Region… La signatura, prevista per lo 10 de novembre, que deviá èsser publica, se farà en privat per causa de confinament. N’auretz lo tèxt en mema temps que lo burèu. De remarcar que lo CREO es pas estat sollicitat per l’escritura del tèxt de la convencion adicionala. Sabèm just qu’aquesta deu conténer d’objectius chifrats de progression dels efectius… De seguir. Ne sauprem mai lo jorn de l’AG.

Contact amb los elegits

De letras son regularament mandadas als deputats e senators

  • siá sus de questions generalas (dins l’encastre de la FELCO),
  • siá sus de problèmas especifics de nòstra acadèmia (Pòstes sagetats dins Aude o Erau, baissa d’oras en collègi en Losèra)

Contact amb lo departament d’Erau

Renaud Calvat, Vice-Psdt cultura e ensenhament, nos recebèt en novembre. Los rapòrts amb aquel elegit son regulars e caloroses dempuèi sa participacion al collòqui de la FLAREP d’octòbre 2016.

Contact es estat pres amb la novèla municipalitat de Montpelhièr

Audiéncia d’una ora ont participèron B. Bolano, vice-psdt del CREO, C. SERVA, conselhèra pedagogica departamentala e membre del CA, Clara Torreilles, membre del burèu e MJ Verny, psdta. Per la comuna, Fanny Dombre-Coste, 1èra adjunta, en carga de las escòlas, e Agnès Robin, adjunta a la cultura. La delegacion del CREO a remés a las elegidas un document de presentacion de l’ensenhament public de l’occitan.

Acuelh calorós. Legir lo compte rendut : http://www.felco-creo.org/16-09-20-audience-creo-lengadoc-mairie-de-montpellier/.

La comuna a sostengut oficalament l’accion del 10/10 (atribucion d’una sala municipala, preséncia de 4 adjunts (Fanny Dombre-Coste, 1èra adjunta en carga de las escòlas, representant lo conse Mickaël Delafosse,  Agnès Robin, adjunta a la cultura, Boris Bellanger, adjunt al Patrimòni, Agnès Saurat, que representava tanben Jean-Luc Gibelin, vice-president del Conselh Regional) e de Clara Gimenez, conselhièra municipala.

La comuna soveta una collaboracion regulara amb nosautres.

Contacts amb la Region

Dins l’encastre de la FELCO e del collectiu « Pour que vivent nos langues »

 

 

 Dins l’encastre de la FLAREP

Estela LAME e Maria-Joana Verny participèron al 34en collòqui a Perpinhan los 17 e 18 d’octòbre.

Lo CREO, un ligam entre los collègas

Coma o veiretz dins lo rapòrt financièr, avèm ajudat aquest an mantun projècte e n’auriam ajudat maites se la situacion sanitària n’aviá pas empachada la realizacion.

Avèm tanben prepausar d’ajudar los collègas per lor formacion contunhada e de prene en carga una part dels fraisses d’inscripcions a d’escòlas d’estiu o autras formacions sul temps de congièr. La situacion sanitària a pas permés de realizar aquela proposicion de l’AG de 2019. Mas la tornarem sotmetre al vòte aquest an.

Per acabar : lo CREO a besonh de vos !

La fòrça del CREO es tanben un burèu que s’es regularament recampat o qu’a foncionat per corrièr electronic. Es aquela d’un CA qu’ensajam de consultar regularament e mercejam aquí los membres elegits l’an passat que respondon a las consultacions, que pòdon probable semblar alassantas estent la subrecarga de nòstras messatjariá, mas que son necitas per la vida democratica.

La còla del burèu s’es rejovenida amb l’arribada de Benaset Bolano coma vice-president. Es estada tanben ajudada per lo polit trabalh que faguèt Clementina Mayzoue amb l’Ensenhad’òc de dintrada. Seriá de segur una bona idèa que Clementina dintrèsse al burèu amb la carga de la comunicacion.

Lo burèu se deu encara renfortir :

  • amb tres collègas per representar Aude, Gard e Losèra e n’acabar amb un CREO encara sentit coma tròp montpelhierenc.
  • amb una o doas personas cargadas del secretariat, carga que Clara Lopez pòt pas mai assegurar. Lo burèu a fachas de proposicions dins lo butletin de vòte.

Inutil de dire qu’una granda part del trabalh se fai per internet e mai se totes sovetam, lo mai lèu possible, nos rescontrar fisicament.

Mercé a totes los que fan viure nòstra ja vièlha e totjorn viva associacion.

Maria Joana Verny, presidenta del CREO

Ce contenu a été publié dans Vida intèrna CREO Lengadòc. Vous pouvez le mettre en favoris avec ce permalien.