Compte rendut de l’AG de la FELCO – 9 de decembre 2017

PartagerShare on FacebookTweet about this on TwitterShare on Google+

L’amassada generala de la FELCO se tenguèt, coma de costuma, a la debuta de decembre, entre los collègas presents e los qu’avián mandadas de contribucions escrichas o donat un poder, es un quarantenat de collègas qu’an seguit lo trabalh.

Mercé a Sandre Arnaud que lo redigiguèt lo compte rendut e als collègas que l’an completat.

Presents

S. Arnaud, E. Barthe, C. Bataller, MC Ndiaye, B. Duranton, L. Gros, E. Lame, M.F. Lamotte, Y. Lespoux, J. Martin, E. Mazodier, G. Mercadier, O. Pasquetti, M. Poitavin, N. Rei Bèthvéder., MJ Verny

Desencusats

Patrici Roques CREO Talvèra ( poder MJ Verny), Manu Isopet, Clementina Mayzoue (poder MJ Verny), Joan Tomas (Poder Nicolau Rey-Bèthvéder), Devà Dauriac, Claudine Paul, Jean-Louis Ramel, Muriel Batbie (poder Yan Lespoux), C. Torreilles, Felip Martel, Melania Laupies (poder Yan Lespoux), Veronica Fiol, Danís Galvier, Joan-Luc Landi

Candidats al CA (en mai dels presents a l’AG)

J. M. Espinasse, Déva Dauriac, Felip Martel, Melania Laupies, Clara Torreilles, Joan-Luc Landi, Jeremia Marçais, Joan-Lois Ramèl (CREO Granòble), Patrici Roques (CREO Talvèra)

Òrdre delh jorn

  • Rapòrt morau e financièr
  • Torn de las académias
  • Reforma daus licèus
  • Collòqui de la FLAREP en Guiana
  • Audiéncia vèrs lo ministèri (21/12)

Rapòrt morau e rapòrt d’activitat (de consultar sus aquel ligam)

  • la circulara d’abriau nos a bailat un quadre un pauc mai solide ;
  • questionaris per las campanhas de la presidenciala e de las legislativas :  faguèrem çò que podiam. Quauques-uns respondiguèron, Macron per exemple. Amb l’Assemblada novèla, avèm fòrça mens de retorns qu’amb los ancians deputats quand li mandam un corrièr.
  • Lo dialòg se bastís pas aisidament amb lo ministèri. 4 o 5 letras son estadas mandadas. Un rendètz-vos es previst lo 20/12 amb Mathieu Lahaye, lo conselhièr per las lengas regionalas. Lo rendètz-vos qu’obtenguèt la FLAREP lo 10/07 o foguèt en passant per lo prefècte daus Pirenèus Atlantics. Un RV es previst lo lendeman amb la FLAREP.
  • Lo collòqui de la FLAREP en Guiana : Nicolau Rei-Bèthvéder representava la FELCO. Sandre Arnaud foguèt elegit vici-president per representar la FELCO alh burèu, e Martina Ralu vici-presidenta per representar Òc-Bi.
  • La FELCO es representada a l’APLV (Associacion daus Professors de Lengas Vivas) per Patrici Roques delh CREO de la Talvera.

Vida intèrna

  • Lo foncionament es puslèu bòn dempuèi quauquas annadas.
  • Lo monde que li es demandat son aviaire per mail reagisson sobre un subjècte e pas sobre un autre segon sos interès e sas competéncias.
  • La modificacion daus estatuts a per tòcha de rendre mai clara e mai eficaça la composicion delh C.A. S’agís d’intergrar de representants de totas las associacions e de totes los gras d’ensenhament.
  • Per lo rendètz-vos delh 20/12 : volèm obténer de pòstes en mai. Reprendrem mai nòstras problematicas generalas : nòstras demandas, nòstras cranhtas a prepaus de la reforma delh bachilierat, de la situacion de las universitats (barradura de la licéncia a Niça), e la situacion urgenta de las académias sinistradas.
  • Lo programa es doncas ja charjat per l’an que ven.
  • Per una part importanta de nòstras académias, l’O.P.L.O. es una ajuda importanta. I a de petitas victòrias de còps que i a.

Rendut-compte delh collòqui de la FLAREP en Guiana : Nicolau Rei-Bèthvéder. De legir aquí.

  • Dins las discussions, venguèt lo problèma daus remplaçaments daus professors e de lor formacion. Aquò será doncas lo tèma delh collòqui de l’an que ven, en Alsàcia.
  • L’idèa es estada evocada tornar d’una mena de collòqui per informar los deputats, que se poiriá téner a París. La tòcha seriá d’obténer una lei.
  • Los Catalans parlèron delh problèma que pausa l’accion de la rectritz de Montpelhièr : demandan aus occitans concernits (lo CREO Lengadòc) se seriàn consents per una accion publica comuna contra aquela rectritz.
  • I aguèt de moments de debat entre los actors de las lengas de Guiana, que s’èran jamai encontrats, çò sembla.

Lo rapòrt d’activitat es adoptat a l’unanimitat.

Rapòrt comptable

Lo rapòrt comptable es adoptat a l’unanimitat. ,Quitús es bailat alh clavaire.

Situacion de las académias

  • CREO de la Talvera
    L’informacion a prepaus de l’espròva facultativa alh bachilierat que se deuriá far dins los C.I.O. es pas faita.
    Doas candidatas a l’espròva facultativa son aprestadas per lo CREO.
    La demanda es tornada faita d’un licèu centrau dins la region parisenca qu’assegurariá un ensenhament de l’occitan, coma aquò se fai per lo creòl.
    Representacion de la FELCO a l’APLV : i a agut un chambiament delh C.A. de l’APLV. L’APLV demòra atentiva a la situacion de las LR.
  • CREO Aquitània (rendut-compte de J-L Landi)
    Lo CREO es urós de las discussions qu’a amb lo rectorat de Bordèu e lo DASEN daus Pirenèus Atlantics.
    Regreta que lo CREO siaja percebut coma un CREO Bearn.
    La progression es brava dins lo primièr gra. I a de dificultats dins lo segond gra.
    Una formacion es en plaça per los ensenhaires que son destachats lo temps de lor formacion, e acompanhats per la region.
    Lo CREO s’acampa regularament. Trabalha en liam amb Òc-Bi.
  • CREO Granòble
    Una collèga P.E. interven dins Droma. Un segond pòste qu’existava l’an passat apareis plus alh movement aqueste an.
    Una collèga interven dins lo segondari dins Droma mai.
    Una convencion es estada signada entre lo Conselh regionau Ròse-Aups e lo rectorat. Es pasmens pas aplicada.
  • CREO Auvèrnhe
    Dins lo primièr gra, Didier Huguet contunha son trabalh de sensibilizacion a la lenga dins las escòlas de Cantal. La question es evocada de sa retirada dins lo acamps academics sobre l’ensenhament de l’occitan. La collèga titulara delh CRPE bilingue a pas encara de pòste que li permeta d’utilisar sas competéncias. Mas amb la letra delh CREO d’aqueste estiu, la DASEN de Cantal es ja informada de sa situacion.
    En Léger-naut, la sensibilizacion es pas organizada per l’educacion nacionala e se dèu far autrament.
    Dins lo segondari : dins lo Cantal, una classa bilenga es estada creada a Montsalvy. Gràcia a las accions de sensiblizacion menadas dempuèi d’annadas dins lo sector, los collegians foguèron mai nombrós que çò apeitat : 24. L’an que ven, lo dispositiu premetrá aus escolans de contunhar l’occitan coma ensenhament de complement e de chausir una LV2.
    Dins Léger-naut, i a 6 collegians alh collègi delh Puèi e 6 alh collègi de Saugues. Lo trabalh començat a Canopé contunha.
    Totas las instàncias previstas amb la convencion son mesas en plaça : lo comitat de pilotatge, lo CALR, lo grop de trabalh. L’accion de la DASEN de Cantal, encharjada per la rectritz de la politica academica de l’ensenhament de l’occitan, es favorabla per aquò. Per lo comitat de pilotatge a la fin de novembre, se parlèt de la creacion d’un pòste dins Puèi-Domat a la dintrada que ven.
  • AELOC per l’académia d’Ais-Marselha
    Dins lo primièr gra, de pòstes son flechats mas son pas provesits.
    A l’E.S.P.E. : i a pas d’ensenhament levat a Dinha. L’accion mesa en plaça aquelas darrèiras annadas per l’AELOC fonciona pas aqueste an a Marselha, Ais e Avinhon. La subvencion regionala es pasmens estada versada. I a ges de formacion de contunh per los professors de las escòlas.
    I a gaire d’abilitacions aqueste an.
    L’AELOC a lo projècte d’un recampament de formacion per una jornada. Un rendètz-vos es estat pres amb l’inspeccion per o organisar.
    Per lo segond gra : pas de comunicacion oficiala amb l’IPR. Dins l’académia se meton en plaça de malhums de chaps d’establiment per crear de percors : son los chaps que chausisson la(s) lenga(s) que servaràn.
  • CREO Lengadòc
    La politica de la rectritz es un problèma : siam passats de 56 a 33 collègas (o 30).
    I a 100 o 200 liceans.
    De collègas son estats forçats de chambiar de valéncia.
    Dins Auda, demòra mas un licèu.
    De mai en mai de collègas son en dificultat.
    Lo rectorat demanda pas de dubertura de pòstes.
    Exemple de la situacion a Clarmont d’Erau : an levat d’oras a la collèga alh collègi quand i a una seccion bilingüa alh primari.
    A Narbona : la seccion bilenga ten dempuèi 4 ans amb d’estagiaris.
    Lo rectorat signa pas la convencion adicionala : aquò’s un problèma.                 Formacion iniciala 1er gra : Lo retorn de corses de lenga e cultura a las ESPE de Mende e Nîmes es una demanda renovelada cada an sens succès. Aquò fa 7 ans qu’aquestes 2 departaments informan pas pus los ensenhaires sus l’existéncia de l’ occitan. Autre problèma : los eissuts del CRPE bilingues son originaris d’Auda o d’Erau e i tornan tre que possible.

 

  • APLR per l’académia de Niça
    Dins lo primièr gra : i a dos sits bilingües dins l’académia, Cuèrs e Niça. A Niça, la segonda classa ven de dubrir. Mas a Cuèrs, i aurá una partença a la retirada dins gaire.
    Las accions de sensibilizacion tòchan a pauc près 29 escòlas : la situacion es estabilizada.
    L’APLR aguèt son rendètz-vos annuau a l’IA daus Aups maritims. La sola accion de l’IA es estada la mesa en linha d’una informacion sobre l’ensenhament de la lenga, e pas mai.
    Per lo segond gra : una situacion sinistrada es a venir.
    En setembre 2014 l’occitan èra ensenhat dins 52 establiments. Aqueste an, es ensenhat dins 37.
    Lo professors certificats son passats de 17 a 13. Dempuèi 2014, i a pas mai de dintrada de professor d’occitan dins l’académia.
    De bassins d’ensenhament qu’èran estracturats son a se pèrdre : aiara, son totes incomplets levat dos.
    Lo CALR es previst per lo 19/12.
    I a pasmens una aussa daus efectius dins los establiments.
    Segon una prevesion de l’APLR, 10 ensenhaires partiràn a la retirada entre 2020 e 2030.
    A l’universitat : es anonciada la barradura de la licéncia suspenduda.
    Una letra es en projècte de la part de la FELCO, en liam amb los collègas de l’universitat de Niça.
  • CREO de Tolosa
    Primièr gra : i a pr’aquí 40 seccions bilingüas dins l’académia. Aqueste an, i aguèt mas una dubertura.
    Lo problèma màger es aquel daus remplaçaments dins las seccions bilingüas : los remplaçaments se fan en francés. D’aquel temps, de remplaçaires titulars delh CRPE bilingüe son mandats sobre d’autres pòstes.
    I a pas pro de candidats alh CRPE especiau : d’unes pòstes son pas provesits. I a mai de monde que passan lo concors per oportunitat, e qu’abandonan puèi l’ensenhament en occitan dins las 5 annadas que seguisson. Son mesme una majoritat.
    L’idèa es prepausada d’aumentar la part d’occitan dins lo CRPE.
    I a una baissa delh nombre daus conselhièrs pedagogics d’occitan. Lo monde competents fan manca.
    Dins lo segondari : l’occitan es ensenhat dins 110 collègis e 50 licèus. Aqueste an, de seccions bilingüas dubriguèron alh licèu de Lavaud e alh collègi de Milhau.
    I a una baissa daus efectius d’en pertot.
    Alh collègi Balma, la principala a decidit de redusir los oraris quand los efectius son en creis.
    Lo nombre d’escolans que passan de l’opcion a la LV2 es en creis de 33 %.
    La reforma delh bachilierat es una inquietuda.
    A l’universitat :
    Lo CREO organisèt la venguda d’estudiants dins las classas daus licèus, amb de desfraiament per los desplaçaments.
    D’unes collègas vòlon ensenhar en occitan : entre 5 e 10 passan una abilitacion chasque an.
    Lo CREO organizèt una formacion per los neo-professors amb l’EO.
    Las dictadas occitanas foguèron organizadas amb los òc-bi locaus.
    L’ensenhament de l’occitan a l’universitat d’Albi es amenaçat.
    Lo CREO Tolosa vòu demandar una campanha a l’OPLO per l’occitan dins los licèus.
    Son a renovelar los estatuts.
  • Académia de Lemòtges
    lo CREO es en sòm per lo moment. I a plus de collèga certificat dins l’académia. L’associacion Òc-Bi a encontrar de monde delh rectorat.

Reforma delh bachilierat e delh licèu

Se parla de la supression daus ensenhaments d’exploracion, de las opcions e de las espròvas facultativas.
Mas tot aquò son mas de bruits de corredors, e se sap pas exactament çò que n’es d’aquela reforma que se dèu aplicar a la dintrada que ven.
Per lo rendètz-vos delh 20/12, nos chau demandar çò qu’an previst per las lengas regionalas e far saupre nòstras revendicacions.

Situacion de las universitats

Una letra e un comunicat de la FELCO son prevists a prepaus de la barradura de la licéncia d’occitan a Niça e de la situacion de l’occitan dins las universitats.
CF. Messatge recebut de Melania Laupies : Participacion a l’AG de la FELCO 09/12/17 de Mélanie LAUPIES, presa per d’autras
responsabilitats associativas aqueste jorn.
1) Òsca e mercés per lo trabalh menat aqueste an, per la reactivitat regulièra e eficaça !
2) Avèm aprés debuta de novembre la barradura de la formacion en occitan a l’universitat de Ni-ça .
An barrat ja : Pau, Bordèu e ara Niça. A Albi, a la facultat Champollion an ja barrat, lo modul I, daissan los qu’èran inscriches acabar en segonda e tresena annada.
Demòran coma formacion en occitan : Montpelhièr e Tolosa… Mas per quant de temps ?
Perqué an barrat?
Ara, i a l’autonomia de las universitats que devon virar amb una envelopa limitada donada pel Ministèri segon lo nombre d’estudiants marcats en Licéncia Màster Doctorat (los concorses e DU comptan pas). Aquò constrenh las universitats a dintrar dins una logica comptabla, e mai las que son favorablas als pichòts departaments. D’un costat, de formacions amb pas gaire d’estudiants, de l’autre costat de formacions en josencadrament. Pas de creacion de pòstes, e las seccions gròssas mancan d’ensenhaires > redistribucion dels pòstes. Es mai rentable un ensenhaire davant 300 estudiants de psicologia que non pas 1 ensenhaire davant 5 estudiants d’occitan.
Quinas solucions?
– Per cada universitat concernida : aumentar los efectius. Complicat quand los efectius dels licèus son traces. A Montpelhièr, dempuèi tres ans, fasèm lo torn dels licèus, leugièra aumentacion dels efectius mas pas pro encara. De tot biais, passarem pas jamai de 5 a 50 estudiants.
– la FELCO: alertar e demandar una proteccion.
– Alertar lo ministèri sus la situacion, la coneis plan segur, mas aquò empacha pas de li rampelar que sèm aquí
– Alertar OPLO e Region Occitanie
– Comunicar sus las barraduras precedentas al prèp dels deputats concernits e alertar del dangièr per las doas universitats que demòran al prèp dels deputats concernits
– Comunicat premsa sus las barraduras
– Rescontrar Presidents universitat ?
– Demandar sosten AIEO e autras universitats que fòrman en occitan.
– Demandar una envelopa excepcionala per las universitats que se veurián constrencha a barrar una formacion en occitan… un pauc sul principi de las oras fòra DGH dins lo segondari.
Las barraduras de Niça, de Pau, de Bordèu, las an fachas dins lo silenci. Degun n’a pas parlat. [A Albi, a la facultat Champollion an ja barrat, lo modul I, daissan los qu’èran inscriches acabar en segonda e tresena annada] NB : mercé a Eric Barthe d’aquel apondon sus Albi.

D’universitats barran de seccions dins lo silenci e la resignacion de la comunautat universitària. Degun n’a pas parlat.
D’universitats barran de seccions dins lo silenci e la resignacion de la comunautat universitària. Me sembla qu’es lo ròtle de la FELCO de denonciar aquò e de prevenir.

Eleccion del CA

1.    Sandre Arnaud
2.    Eric Barthe
3.    Bruno Duranton
4.    Joan-Miquèl Espinassa
5.    Déva Dauriac
6.    Catarina Bataller-Gallizia
7.    Laetitia Gros
8.    Yan Lespoux
9.    Estela Lame
10.    MF Lamotte
11.    Joan-Luc Landi (CREO Aquitània)
12.    Melania Laupies
13.    Jérémie Marçais
14.    Felip Martel
15.    Jaumeta Martin
16.    Estela Mazodier
17.    Marie-Catherine Ndiaye
18.    Olivièr Pasquetti
19.    Matthieu Poitavin
20.    JL Ramèl (CREO Granòble)
21.    Nicolau Rey-Bèthvéder
22.    Patrici Roques (CREO Talvèra)
23.    Clara Torreilles
24.    M.J. Verny

Eleccion del burèu

Psdt : Yan Lespoux
Vice-psdt : Nicolau Rey-Bèthvéder
Cosecretaris : Sandre Arnaud e MJ Verny
Clavaire : Bruno Duranton
Clavaira adjunta : Maria Francesa Lamotte

Ce contenu a été publié dans Non classé, Vida intèrna. Vous pouvez le mettre en favoris avec ce permalien.