La dimenjada de pentacòsta, deu 2 au 5 de junh 2022, que’s prepara per noste la dusau edicion de La Passem! ua corruda per la lenga occitana organizada per l’as
sociacion Ligams.
Que son 600km shens s’estangar, de nueit e de dia, tà transméter lo ligam deu dijaus a St Martin de Senhans (Lanas) au dimenge a Pau en passar per la Bigòra (Tarba).
Eveniment excepcionau augan puish a que si harà lo carnaval biarnés en seguir lo dimenge vrèspe.
En 2018, que son haut o baish 3000 personas qui an participat a l’ensemble deu percors.
Lo quilomètre qu’ei venut 100€ e los sòç amassats que seràn distribuits sus aperet a projècte tà promòver la lenga. En 2018, 48 000€ qu’eston atau emplegats tà projèctes.
Lo CREO Aquitània qu’a crompat un quilomètre sus Pau de cap a l’arribada.
Tots los membres de la FELCO e deus CREOs que son convidats a viéner correr aqueth quilomètre dab nosautes. Que’n podetz tanben crompar un mei si voletz.
Solucions d’ostalaria que pòden estar trobadas.
Sus l’arribada, que s’i tieneràn taulèrs, si la FELCO e vòu estar presenta qu’ei possible (25€ que son demandats tà participar aus frèsc de Barnum).
Per aver viscut la purmèra edicion que’vs poish diser que s’ac vòu lo còp deu desplaçament, sustot dab lo diluns caumat. Que serà tanben un bon moment tà ns’amassar de faiçon hestiva.
Aquiu lo siti entà véder lo detalh deu percors :
Qui vien ?
Portatz-ve plan !
Clement tau CREO Aquitània
