CR de l’AG 2019 CREO academia Tolosa

PartagerShare on FacebookTweet about this on TwitterShare on Google+

Compte-rendut de l’Amassada Generela (AG) ordinària deu Centre Regionau deus Ensenhaires d’Occitan (CREO) de l’acadèmia de Tolosa.

L’AG deu CREO TLS se hascoc lo dissabte 12 d’octòbre de 2019, a la sala Joan Claret de l’Ostau d’Occitània, de 10h05 oras deu matin a 12h35. Mètro Esquiròl. 11, carrèra Maucosinat. Tolosa.

33 presents (lo noms en italicas son pas au CREO)  : Clamenç Pech ÒcBi, Sylvain Valette, Romain Brunel, Gwenael Cany, Joan-Marc Sutto, Nicolau Rei Bèthvéder, Bruno Duranton, Manu Isopet, Virginia Lago, Marielle Mirande, Olivier Capòni, Elodia Pujòl, Cristau Larrocan, Franc Bardòu, Julien Konopnicki, Nicòla Becvòrt, Gilabèrt Mercadièr, Linda de Lorenzo, Vincenç Ribièra, Marine Mazars, Delfina Castaing, Eric Barta, Fabiana Ròca, Cristòl Menassòl, Cyril Veyssière, Maxime Juniet, Estève Cròs OPLO, Cecília Chapduelh, Guilhèm Thomàs, Joan Thomàs, Camille Bertrand, J.B. Courcelle, Marc Castanet.

I a 7 personas de mèi qu’en 2018.

16 estón desencusats, 7, que dèn ua procuracion, son seguits deu nom de la persona qui avoc lo poder : Joan-Pau Ferrèr > NRB , Fabrici Bernissan, Miriam Bras (Calandreta), Arno Krispin, Daidièr Agar (IPR), Leticià Gròs, Estève Clerc, Muriel Batbie-Castell > E. Barta, Pèire Escudèr > Manú Isopet, Carolina García-Cròs, Magalí Henri > Vincenç Ribièra. Maria Boivert, Aurélie Almerge, J.F. Courouau, O. Dailhut > B. Duranton, Estela Comellas > E. Pujòl. Gautier Couffin > J. Konopnicki.

Nombres de votants : 38

L’AG

Introduccion de l’OPLO

La paraula estoc deishada a Estève Cròs de l’OPLO que mos balhèc los prumèrs resultats de l’enquista suus efectius d’occitan dins lo segondari. Confirman las chifras qu’avèm es a díser ua fòrta baishada deu nombres deus escolans que hèn de l’òc. Mès grèu son 150 oras qu’estón perdudas entà l’occitan dins lo segondari entà l’ensenhament de l’occitan. Aulhors, lo recul es particularament sensible dins l’acadèmia de Montpelhièr on dejà la situacion èra desastrosa.

Manú Isopet, SG, intervengoc en insistir que mos cau chifras precisas e seguras de tira.

Olivièr Capòni lancèc l’idèa de hèr ua telefonada, en tot aperar tots los professors d’occitan, dins cada CREO departamentau entà aver enfin las chifras precisa.

> L’AG validèc l’idèa de la telefonada departamentala.

Los rapòrts.

Rapòrt financièr hèit per Bruno Duranton se pòt consultar en clicar ací
> Adoptat a l’unanimitat.

Rapòrt morau per NRB  dambe un compte rendut de las accions hèitas (CAEOC, Entrevistas au rectorat e a París, dambe IENs, Manifestacion deu 17.2.19, Caisheroladas davant lo rectorat e lo DASEN 65, CPDs, Corruda de Bernissan, Eslegits locaus…)

> Adoptat a l’unanimitat.

Debats :

La manca de CPDs d’Occitan. Dins lo 1èr grad l’arrèst de la creacion de SBs. Cristòl Menassòl a de recuperar lo son pòste.

> L’AG demanda l’enviar d’ua letra dambe A/R entà aver un RDV dambe los DASENs 46 e 32.

La baisha sensibla deus efectius d’occitan en collègi entre lo 10% e 20% en collègi chifras de consultar ací

La refòrma desastrosa deu licèu de JM Blanquèr e lo sua caijuda entà l’occitan : entre 40 e 50 % de baisha. en licèu chifras de consultar en clicar ací 

 

La fragilitat de la fac d’occitan la chifra es ua baisha quasi de – 6%

Lo problèma de la dotacion especifica entà l’occitan dins l’acadèmia de Tolosa.

> L’AG demanda l’enviar d’ua letra dambe A/R entà provocar un CAEOC avant la fin de l’annada entà tornar a la situacion iniciala. Demandaram tanben ua circulara rectorala que fixa ua lista deus licèus qu’an la LVB. Volèm pas deu SG Curnelle entà gerir los nòstes afars.

> Adoptat a l’unanimitat.

Letra comuna dambe l’Italian

> L’AG vòu que prepausem a l’AEIAT (Associacion deus Ensenhaires d’Italian de l’Acadèmia de Tolosa) de hèr ua letra comuna dambe lo rector. L’idèa es de comunicar dambe eres entà butar entà la reabilitacion de la LVC dambe un coeficient corrècte.

Mercadièr digoc qu’èm soent en concurréncia dambe l’italian e que la solucion es d’aver lo medish estatut que las LCAs. Avèm besonh deus politics entà aquò hèr.

Quin ròtle diu aver l’IPR d’Occitan ?

> L’AG demanda un rescontre en petit comitat, dambe la preséncia de G.M., dambe l’IPR d’Occitan entà reglar los problèmas de comunicacion. Volèm que l’IPR gère la dotacion especifica d’occitan.

> Adoptat a l’unanimitat.

Relacions dambe los eslegits occitans.

Son excellentas va caler utilizar los elegits entà obténguer l’estatut de las LCAs entà nosauts.

50 ans deu CREO

Pr’amor de la manifestacion a París, lo 50n aniversari deu CREO Tolosa (1969-2019) que se debanarà lo 18 de genèr de 2020 en medish temps que l’AG de la FELCO.

> Adoptat a l’unanimitat.

Quinas accions entà sortir de la crisi ?

> Manifestacion entà las LRs a París deu dissabte 30.11.19. Pas de bus. L’AG privilegia lo trin. Lo CREO TLS apèra a manifestar e privilegia la collaboracion dambe las autas associacions occitanistas entà organizar lo transpòrt d’un biais eficaç.

Atencion au cambiament de data !

Interrogacions neishón sus la pertinéncia de la data anonciada pr’amor que lo dissabte 16.11.19 seré estat l’aniversari deus 1 ans deus Gilets Jaunes. Fòrça avèvan pòur que la nòsta manifestacion devengosse invisibla entaus mèdias.

Finalament, desplaçan la manifestacion au dissabte 30 de noveme.

Se harà ua manifestacion de totas las lengas regionalas, lo  dissabte 30 de noveme, a París davant lo ministèri de l’educacion nacionala, carrèra de Grenela.

La FELCO e lo CREO de l’acadèmia de Tolosa apèran tots los ensenhaires d’occitan a i participar.

Lo CREO de l’acadèmia mondina vòu hèr ua partença collectiva en trin dumpuei Tolosa Cau véser coma podèm ajudar a collègas pas tròp adinerats d’anar a París.

L’organizacion se haré per la Coordinacion Occitana de Tolosa.

G. Mercadièr demanda tanben ua preséncia deu CREO a l’amassada sus la toponimia occitana al CR Occitània-PM lo 30 de noveme de 2019 a Tolosa.

> Adoptat a l’unanimitat.

Organizar ua corruda deu tipe LA PASSEM, sus la tematica de l’ensenhament de l’occitan, dins l’acadèmia de Tolosa 2020, benlèu caleré hèr ua LA PASSEM pan occitana. Se cau virar cap a la societat e se sortir d’ua cultura mortifèra.

Cristau Larrocan insistiquèc sus la necessitat d’anar au rescontre deus ensenhaires deu prumèr grad e ua corruda populara i ajudaré.

> Adoptat a l’unanimitat.

Regèt de mocion CREO 12

Lo CREO Roèrgue (12) demandèn un vòte sus la lor mocion contra l’integracion dels ensenhaires de Calandreta diguens lo CREO academic. La podètz legir en tot clicar ací.

> Estoc refusada : Votaires : 38, Per : 5, Contra : 28, Abs : 5

Actualizacion deus Estatuts.

Podètz consultar los ancians estatuts de 2003 en bèth clicar ací.

Podètz legir los estatuts novèls que prenguen en compte las modificacions de 2016, 2017 e 2019 votadas per las diferentas AGs en tot clicar ací.

> Estoc adoptada a l’unanimitat.

Renovèlament deu CA.

Lo C.A nau dambe 21 membres :

1-Julien Konopnicki (2d grad)

2-Bruno Duranton (pdt CREO 12)

3-Virginia Lago (Internet)

4-Nicolau Rei Bèthvéder (2d grad)

5-Joan-Baptista Courcelle (1èr grad)

6-Joan-Francés Courouau, (Universitat)

7-Joan Thomàs (INSPE)

8-Eric Barta (Ensenhament privat catolic),

9-Muriel Batbie-Castell, (CREO 09),

10-Olivier Capòni (pdt CREO 81),

11-Joan-Pau Ferrèr (CREO 31),

12-Elodia Pujòl, (CREO 65),

13-Emmanuel Isopet (CREO 82),

14-Gilabèrt Mercadièr (Coordinacion),

15-Linda di Lorenzo (Internet),

16-Cecília Chapduelh (2d grad),

17-Sylvain Valette (1èr grad)

18-Gwenael Cany (2d grad),

20-Marielle Miranda (CREO 32),

21-Cristòl Menassòl (CREO 46, 1èr grad)

> Estón elegits a l’unanimitat.

Renovèlament deu burèu.

Nicolau Rei Bèthvéder confirmèc que dèisha la présidéncia deu CREO TLS. Digoc que se vòu presentar coma president de la FELCO. Emmanuel Isopet se pòrta candidat coma president. Estón los dus felicitats per l’AG entau trabalh hèit.

Emmanuel Isopet, president (CREO 82, 2d grad),

Virginia Lago, vice presidenta. (CREO 31, 2d grad),

Julien Konopnicki, dinerèr, (CREO 81, 2d grad),

Bruno Duranton, dinerèr adjunt, (CREO 12, 2d grad),

Nicolau Rei Bèthvéder, secretari generau, (CREO 32, 2d grad),

Joan-Baptista Courcelle, secretari adjunt, (CREO 81, 1èr grad).

> Estón elegits a l’unanimitat..

Collòqui de la FLAREP en Bascoat a Sent Joan de Lutz deu 19 au 21 d’octòbre de 2019.

Aqueste 33n collòqui amassa las associacions qu’òbran entà l’ensenhament de las LRs de tota la França.

Deu CREO TLS i van G. Mercadièr, E. Isopet, NRB (haràn un coveituratge), e C. Menassòl

Informacions clicatz ací.

Cotisa : Cau pagar 10 euros per estar sòci deu CREO de l’acadèmia de Tolosa au dinerèr adjunt. Se hè damb un chèc a l’òrde deu CREO e en l’enviant a l’adreça postala : Bruno Duranton, Résidence Les Cades, 32 avenue Jean Jaurès, 12100 Millau / Milhau.

Nicolau Rei Bèthvéder, Secretari Generau CREO TLS, vice pdt de la FELCO.

Anotat e validat per Emmanuel Isopet president CREO TLS.

Ce contenu a été publié dans Actualitats CREO Tolosa. Vous pouvez le mettre en favoris avec ce permalien.