Compte rendut AG CREO Lengadòc – 14-10-2017

PartagerShare on FacebookTweet about this on TwitterShare on Google+
  • Presents: Fabienne Albert, Catarina Bataller, Beatrice Bringué, Eulalie Cantournet, Deva Dauriac, Cyril Fallet, Estela Lame, Mélanie Laupies, Clara Lopez, Jacmelina Martin, Clémentine Mayzoue, Estelle Mazodier, Geneviève Paulet, Celine Serva, Josette Soliva, Claire Torreilles, Marie-Jeanne Verny.
  • Desencusats : Nicole Bompieyre (poder Torreilles), Chantal Canal, Sarah Combès, Veronique Fiol (poder Martin), Noémie Giner, Marc-Andrieu Jullian, Michel Lafon, Yan Lespoux (poder Verny), Philippe Martel, Carine Maury (poder Laupies), Isabelle Nuel, Claudine Paul, Barbara Roqueta, Vincent Roch, Marine Ropars, Marie-José Villeneuve.L’AG comença a 14h.

    Bilan financier

    Claire Torreilles presenta lo rapòrt financièr.

  • Dificultats especificas ongan en causa del collòqui FLAREP en novembre : subvencions tocadas de la villa, aglo, despartament e region.
  • Los abonaments a Papagai e al Senhal per las escòlas an plan foncionat (Plumalhon es arrestat fins a decembre, mas nos fan dire que la revista es per reprene en 2018, e que podètz comandar tanben de numeros ancians…). Mas lo CREO poiriá porgir mai d’abonaments. Plan assabentar los regents e lor dire de ne far la demanda amb lo butletin d’adesion al CREO.
  • Pbs novèls per tocar la subvencion Total Festum per la jornada del 17 de junh (veire rapòrt moral de la jornada : http://www.felco-creo.org/journee-creo-cirdoc-du-17-juin-2017-theatre-et-enseignement-de-loccitan-au-cirdoc/). Las règlas an cambiat e se son complicadas : de regretar.
  • l’AG merceja la clavaira de son trabalh.
  • Crida a la succession pel pòste : Estela Lame e Joseta Soliva se prepausan per començar de s’assabentar sul trabalh.
  • Bilan financier votat a l’unanimitat (jos resèrva de l’aprobacion del comissari als comptes, Joan-Claudi Borie de rescontrar lo dimarç 17).
  • Quitus donat a l’unanimitat.

Rapòrt moral

  • Maria-Joana Verny presenta lo rapòrt moral. Veire document en linha : 1710-21-Rapòrt moral AG 14 oct. 2017-1.
  • Pbs demòran a l’escòla Sévigné. Lo disfoncionament foguèt senhalat : un estagiari a mièg temps non bilingue per completar la collèga bilingua a mièg-temps > los dròlles an d’occitan en debuta de setmana mas pas en fin de setmana.
    A Lesinhan de las Corbièras : la lucha, en sinergia collègas-sindicats-CREO, a ganhat. Mas gaire de resson ni en intèrn ni en extèrn. Zero adesion al CREO e pas de comunicat comun per anonciar la capitada de la lucha. Es de plànher : òm sap trobar lo CREO en cas de dificultat, òm sap pas o reconóisser ni solament o far conóisser.
  • Rapòrt moral votat a l’unanimitat
  • Lo burèu actual es renovelat per 2017-2018. Presidenta : M-J Verny; Tresorièra : M. Laupies; Clavaira : C. Torreilles.

    Discutida:

    Geneviève Paulet fa doas demandas :
    1-    relativa al pòste CPD Erau. L’apèl a candidatura foguèt pas fach per aquesta dintrada. Ara la situacion es çò qu’es mas cal demandar que siá fach dins las règlas un apèl a candidatura per aquel pòste essencial per la dintrada que ven.

    Responsa MJV : lo CREO faguèt una letra al DASEN dins aquel sens e mai en demandant que l’apèl siá dobèrt a l’acadèmia s’es de besonh e mai a las autras acadèmias : letra del 19 de setembre de legir sul site : http://www.felco-creo.org/category/actualitats-creo-lengadoc/

    2-    relativa a la preséncia d’una formacion en occitan dins las ESPE. I a dins las escòlas un ensenhament de la lenga a costat de l’ensenhament bilingue mas los regents son privats de formacion iniciala coma de formacion contunhada. Aquò’s un recul d’importància.

    Discutida : l’empacha ven probable de las maquetas de las ESPE. La debuta de concertacion amb l’ESPE de Mende aguèt ges de seguit per aquesta rason.
    MJV fa remarcar que la question foguèt pausada mai d’un còp al MEN per la FELCO. Que cadun s’apròche de son ESPE aurà de resulta pas que se i a de sosten organizat. Es una question que se ne deuriá entrevar l’OPLO (Ofici public de la lenga occitana). Decision presa de lo contactar Escriure una letra. Amb aquò pausar la question de la convencion per l’acadèmia de Montpelhièr. Òm se pòt pas contentar d’una signatura de convencion voida, es a dire non chifrada.

    Joseta Soliva interven per demandar que lo CREO siá mai ofensiu sus la question dels cursus bilingues que totes son dins de posicions de precaritat. Dona d’exemples : los pòstes sagetats son insufisents, los remplaçaments se fan pas totjorn coma caldriá, a tota escasença l’especificitat del bilinguisme a paritat es remesa en causa.

    Decision presa d’escriure (un còp de mai) al rectorat mas d’instituir una mena de ret de susvelhança de las escòlas bilinguas e dels cursus. Téner un dorsièr a jorn del bilinguisme dins l’acadèmia, estent que l’institucion o fa pas.
    Joseta Soliva e Clementina Mayzoué se cargan de recampar las infos sul bilinguisme dins Erau, amb l’ajuda de Deva Dauriac (per Clarmont). Joseta accepta de centralizar las informacions recebudas sus l’ensemble de l’acadèmia.

    Cati Bataller parla de l’orror de la situacion dins son licèu (1h en 2nda, 1h en 1èra… per de LV2 !) e se vòl ben cargar de listar los disfoncionaments dels autres licèus, e dels collègis eventualament.

    Es important que lo CREO dins sas intervencions publicas siá plan al fial de la situacion actuala e pòsca donar d’exemples precises, estent, encara un còp, que lo CALR o fa pas, que d’alhors fa un an que foguèt pas recampat (letra de tornar far al rectorat : coratge !).
    En conclusion, los mots d’òrdre nòstres son :

  •  TENGUDA DEL CALR
  • CONSOLIDACION DELS SITES BILINGUES
  • LICÈUS, STÒP AL SABOTATGE !
  • CONSOLIDACION de l’ASSOCIACION : cada collèga ne deu venir un ambassador. Veire butletin d’adesion : 1709-29-BULLETIN adhésion CREO 2017-2018
  • Per acabar sus las accions del CREO en 2018 :
    La jornada CREO se farà pas ongan dins l’encastre de Total Festum. De segur, lo « label » portava una bona visibilitat a nòstra associacion, mas
    1-    d’una, lo mes de junh es tròp clafit per los ensenhaires
    2-    e de doas, las règlas de finançament nos son vengudas desfavorablas (escriure a la Region Occitania per o dire de la part de l’AG)

    La jornada CREO, sus la poesia, se farà debuta de mai (la data del 5 es prepausada), dins un luòc de trobar : CRDP, escòla Mandela o CIRDOC. De bastir pro lèu lo programa.

    Ajuda a las accions pedagogicas
    Lo CREO ajudarà tanben una manifestacion publica a l’entorn de las escòlas de la Metropòla de Montpelhièr que fan d’occitan : una mena de « fèsta de las escòlas », per carrièras amb un pichòt moment d’espetacle dobèrt al public, als parents mai que mai. Guy Barral, elegit en carga de l’occitan es estat assabentat e ajudarà.
    Es tanben una de las foncions del CREO d’ajudar aquela mena d’iniciativas que fan conóisser nòstre ensenhament. Pas crentar de demandar ajuda (cf. document en linha : 1710-21-Ajuda a projècte pedagogic).

    L’AG s’acaba a 16h15.

Ce contenu a été publié dans Actualitats CREO Lengadòc, Vida intèrna CREO Lengadòc. Vous pouvez le mettre en favoris avec ce permalien.