– Òsca a Myriam Baffie, Florian Ponty e Nelly Pujol qu’an capitat lo CAPES d’occitan-lenga d’òc
– Òsca a Estela Harris e Rudy Rousset qu’an capitada l’agregacion.
Felicitacion tanben als formators de las Universitats de Tolosa e Montpelhièr qu’an preparats los candidats.
La FELCO espèra que retrobarem aquestes collègas dins nòstras associacions academicas (CREOs, AELOC, APLR).
Rampelam que los concorses son un aquesit relativament recent del trabalh collectiu, e que son totjorn menaçats : la mobilizacion collectiva, per lo biais de la FELCO e lo sosten de las organizacions sindicalas e dels elegits, es sempre necessària. Per l’agrèg 2026, mai que mai, a l’auton 2025, èra pas anonciada cap de dubertura de session. Calguèt una mobilizacion fòrta per forçar lo Ministèri a dubrir lo concors. Totas las informacions sus l’accion menada sus aqueste ligam :
Rampelam tanben que nòstre melhor argument per obténer mai de pòstes es lo nombre de candidat.as ! l’agrèg, mai que mai, a donat, dempuèi sa creacion una oportunitat de progression de carrièra a mai de 10 collègas, que totes s’èran marcats a las formacions de Tolosa o de Montpelhièr (e mai a las doas a l’encòp, per una laureata), formacions que son en part mutualizadas.
