27-02-21 – La DHG en occitan : qu’es aquò ?

PartagerShare on FacebookTweet about this on TwitterShare on Google+

Telecargar lo document amb una polida mesa en pagina (concepcion Virginia LAGO, cosecretària FELCO)

1- Lo ministèri

Lo Ministèri de l’Educacion Nacionala decidís de la dralha de seguir per l’ensemble dels establiments. Balha las linhas de sa politica educativa ambe las leis, decrets e circulàrias… Es el, entre autres, que fixa los programas e lo nombre d’oras obligatòrias per matièra. Lo Ministèri balha tanben una envelopa de mejans per cada acadèmia

2- Rectorat via lo DASEN

Lo rectorat manda una envelopa als servicis departamentals. Lo DASEN de cada departament s’encarga de repartir aquelas oras en enviar d’envelopas als establiments. Dins aquelas envelopas i a : – Las oras « matèras » qu’an un volume orari legal; Son las matièras obligatòrias (francés, math, ist-geo…).

  •  Las oras « flechadas » perlas matièras « protegidas ». Es lo cas de l’occitan.
  •  Un cert nombre d’HSA (oras suplementàrias annada)
  • Las oras ditas « d’autonomia ».

3- Establiment

L’establiment repartís totas aquelas oras entre las matièras :

  • Las oras « matèrias » : X oras de francés / Y nombres de classas. Aqui pòdon dintrar, de còps, en jòc las HSA .
  • Las oras « flechadas« : son plan desseparadas e mercadas per la matèria. Ex : 7 oras perl’occitan.
  • Las oras ditas « d’autonomia »: es lo marge d’establiment. Ambe aquelas oras e segon los mejans obtenguts, los establiments (en conselh pedagogic) decidissen de fargar grops en sciéncias, francés, lenga… i trobam tanben l’UNSS (qu’es una activitat estatutària, e son donc obligats de li balhar un minimum d’oras), la corala e autres projèctes coma aquò. S’i retròban tanben d’oras pel latin e…. per l’occitan.

La DGH es a la tota fin votada en conselh d’administracion.

4- Occitan

La DGH (dotacion globala) per l’occitan es donc la soma de las oras flechadas (oras balhadas directament pelrectorat e plan mercadas « occitan ») e de las oras balhadas sus l’autonomia /lo marge de l’establiment (las oras balhadas pel collègi o pel licèu).

La soma de las duas representa lo nombre d’oras que ne dispausam per ensenharl’occitan sus aquest establiment a la dintrada qu’arriba. De còps los nòstres besonhs reals en oras son diferents e mancam donc d’oras. Siá redusissèm lo nombre d’oras per setmana sus un o mantun nivèl, siá regropam…

5 – Que pòdi far s’ai pas las oras ?

De còps, podèm pèrdre d’oras sus un establiment e/o las oras aquesidas correspondon pas als besonhs reals e/ o respèctan pas los tèxtes. Aquelas situacions son sovent malaisidas de víure umanament, mes oblidetz pas qu’arriba a mantun (tròp) collèga e que sètz pas solet·a.

Dins aqueles cas, cal avisar vòstre CREO despartamental o academic, l’AELOC per Ais, l’APLR per Niça per que vos ajude, que pòsca far remontarlas informacions e menar las accions necessàrias (corrièls als elegits, alrector….) e que pòsca tanben far un bilanç perqué arriba sovent sus mantun establiment a l’encòp.

L’associacion pòt tanben intervenir al moment del conselh academic de las lengas regionalas e senhalar tal o tal disfoncionament local. Es tanben conselhat de contactar e informar vòstre sindicat.

Ce contenu a été publié dans Otisses militants. Vous pouvez le mettre en favoris avec ce permalien.