01-01-20-Candidaturas recebudas al CA de la FELCO

PartagerShare on FacebookTweet about this on TwitterShare on Google+

 

  1. Tolosa – 2nd gra- Barthe Eric– ensenhament privat confessional

tòrni  èsser candidat al CA de la Felco coma representant de l’ensenhament privat catolic jos contracte ambe l’Estat.
Ensenhant dempuèi 1997, aprèp l’obtencion del Cafep-Capes, aguèri l’astre d’ensenhar a Fijac (dos ans) e a Rodés (9 ans, a Francés d’Estaing). Mas ai vist tampar la disciplina darrièrament dins aiceste, subretot per manca de mond per passar lo Cafep-Capes, coma d’alhors a Fijac o a Montalban. Ensenhi ara a Albi e Castras (dempuèi 2016).
Anèri dos còps en Bearn, ont an agudas devèrs 2010, doás Cafepianas-Capessianas, per la validacion de primièra annada.
Present a l’amassada annuala de la Felco dempuèi 2013-14, i ai fach la coneissença del collèga nissart. Darrièrament ai après que i a aviá una autra Cafepiana en Gasconha Pirenenca.
Sèm plan paucs, 5 o 6 a manténer la flamba de la lenga dins l’ensenhament catolic, assumissent una valença sens quina auriam pas de pòste complet. D’efièch en defòra de sant Gabrial, a sant-Africa, ont i a la LVB,  presentam qu’una ora  (LV3 tresmudada en LVC).
La refòrma precedenta interdiguèt l’opcion als tecnologics (mas pas las Arts plasticas) e ai encara de liceans que comprenon pas aquela injusticia. La reobertura, es autant vitala que la revalorisacion del coeficient.
I aurà de que fa (per conéisser los del privat e lor situacion) mas es a mantun qu’òm tòrna trapar vam,
Frequenti lo CREO dempuèi un quart de sègle, e cresi que  l’associacion  sosten los ensenhaires dins la transmission de la lor lenga als enfants de uèi e occitanofòns de deman, que lo 18 de genièr contribuiguèsse a aquel prètzfach.
Coralament,
Eric Barthe, professor al Licèu Amboise ( Albi)
  1. Tolosa – 2nd gra – Bernissan Fabrice 

Conscient de las dificultats de qui coneish l’ensenhament de la lenga e de la cultura d’Oc per aquesta passa qu’èi decidat de presentar la mia candidatura au CA de la Felco. Qu’espèri que la nosta accion collectiva permeterà de dessarrar lo carcant de qui escana lo noste ensenhament. E que lo desbat permeterà de hèr perpausicions concretas tà melhorar la transmission per l’ensenhament.

  1. Tolosa – 2nd gra – Cames Peir

Jo, Pierre CAMES, professor d’occitan en collègi en Bigòrra e aderent ath CREO dera academia de Tolosa, que desiri presentar era mia candidatura ath CA dera FELCO ath parat dera AG deth 18 de genèr de 2020.Compte tengut deth anar deth ensenhament deth occitan e deth mestièr taths ensenhaires de lengas regionaus, que sòi coencençut dera necessitat de m’engatjar a mes grana escala tà deféner era(s) nosta(s) lenga(s) e eths de qui s’encargan deth sué / loé ensenhament. Qu’ei pr’amor d’açò que presenti era mia candidatura ath CA dera FELCO.

  1. Tolosa – 2nd gra – Caponi Olivier, Président du CREO TARN

Je soussigné Olivier Caponi, professeur d’occitan, adhérent du CREO Tolosa, suis candidat au conseil d’administration de la FELCO à l’Assemblée générale du 18 janvier 2020. Président du CREO TARN, membre du Conseil d’administration du CREO Tolosa, je souhaite m’engager plus activement à la FELCO en prenant part aux décisions prises et aux actions qui seront décidées collectivement. Les attaques nombreuses contre l’enseignement de l’occitan motivent notamment ma candidature. Ma participation au rassemblement devant le ministère de l’Education nationale le samedi 30 Novembre 2019 et la création d’un financement participatif à l’initiative de la FELCO pour que cet évènement puisse avoir lieu témoignent de l’engagement militant qui m’anime. C’est donc pour ces raisons que je souhaite devenir membre du Conseil d’administration de la FELCO dès sa prochaine assemblée.

  1. Montpelhièr – Univ – CHABAUD Silvan

Me vòli ben presentar au CA de la FELCO. Coma musician e autor en lenga d’òc, trabalhi dempuèi d’annadas amb leis escòlas, collègis e licèus d’Occitania (Occitania, tota, de Provença a Gasconha etc.), meis activitats de cercaire a l’Universitat de Montpelhièr e, mai recentament, d’ensenhament dins lo superior, me menan tanben a m’implicar mai dins lo devenir d’aquela transmission de l’occitan, mesa a mau coma jamai. Se pòdi portar ma pèira e un pauc de mon energia dins aquela lucha collectiva, va farai.

7 -Bordèu – INSPE – CHATEAUREYNAUD Marie Anne

M’encargui de la formacion deus ensenhaires d’occitan e tribalhi dens tots los departaments de l’academia.
Soi estada presidenta deu CREO Aquitània e secretària de la Felco, (i a pausa), e organizèm lo collòqui Flarep en 2000 a Vilanòva d’Olt, e mantuns encontres interacademics d’ensenhaires d’occitan.

Uei ma preséncia suu terrenh e ma coneishença deus collègas d’occitan deu primari, segondari e de l’universitat me balhan ua amira globau sus la situacion deu noste ensenhament.

De mei tribalhi a las maquetas de formacion en relacion dab las autas lengas.

Me sembla donc coerent de participar au CA de la Felco.

8- Tolosa – 2nd gra – Gautièr Couffin

Ensenhaire en licèu dempuèi mai de dètz ans, patissi al mai pròche de las consequéncias de la Refòrma Blanquer e menam amb mos collègas del CREO d’Avairon del qual soi vici-president dempuèi 5ans la batèsta al prèp dels elegits e al costats de las organizacions sindicalas per garantir, promòure e desvolopar l’ensenhament de l’occitan dins lo servici public. Presenti ma candidatura al CA de la FELCO per poder portar la paraula dels collègas d’un departament aluenhat dels centres e dels rectorats, per sosténer las accions menadas fins a uèi per nòstra federacion e per son burèu per la desfensa de l’occitan dins lo servici public e portar ma modèsta contribucion a las accions avenidoiras

9- Montpelhièr – 1er gra – Dauriac Devà

Vòli ben èsser al CA de la felco, sul terren coma regenta en classa bilingua dempuèi 12 ans a Clarmont d’Erau. « se pòdi portar ma part per aparar e desvolopar aquel ensenhament que me ten a còr ».

ps: ensajarai d’èsser mai presenta dins los escambis mails ;

10 – Tolosa – 2nd gra – Bruno Duranton, clavaire

Me torni presentar al CA perque me sembla important de participer activament a la vida de la FELCO.  Serai tanben candidat per demorar clavaire.

11. Tolosa – 2nd gra – Ferré Joan-Pau

aderent e membre deth CREO dera acadèmia de Tolosa e donc membre de dret dera FELCO, que’m pòrti candidat ath CA dera FELCO ara AG deth 18 de gèr de 2020. Dejà militant deth CREO, e membre deth CA deth CREO en carga deth sector « Comenge », que voi contunhar era miá accion per Occitània tota e donc engatjà’m ena FELCO en tot hè’u profitar dera miá experiéncia de terrenc. Que participarè aras consultas per mail e aras presas de decisions collectivas.

12.Montpelhièr – 1er gra – Fiol Véronique

Candidature au CA de la FELCO
AG du 18 janvier 2020
Je soussignée Véronique FIOL, directrice de l’école maternelle Rachel CABANE à St Hippolyte du Fort, déclare porter ma candidature au CA de la FELCO.
Je participe au projet académique depuis sa créatlon et suis investie Iocalement dans divers projets en lien avec la langue et la culture occitanes. J’enseigne depuis 2004 dans une école maternelle et y efectue, sous la forme d’un décloisonnement, un enseignement d’occitan dans les six classes de cet établissement.
Je travaille actullement à la pérennite de l’enseignement de l’occitan dans cette école que je quitterai lorsque je vais prendre ma retraite. Un poste fléché devrait voir le jour. Un décloisonnement sera ainsi maintenu, dans le meilleur des cas un cursus bilingue sera créé. Le soutien du CREO et celui de la FELCO seront nécessaires .
La FELCO est une force de proposition riche de la diversité de ses membres. Elle est également un outil de pression lorsque la situation de l’enseignement est en péril, scénario répétitif dans le domaine qui nous intéresse. Parce qu’elle est representative d’un collectif ou chaoun-e a droit d’expression, je souhaite étre membre du CA. Les engagements de la FELCO rejoignent pleinement les miens et je veux soutenir les actions qu’elle mène.

13- Montpelhièr – 1èr gra – Galvier Danís

Gard, escòla mairala de Vilavielha.Prepausi ma candidatura al CA de la FELCO que me sembla un interlocutor indispensable per ensajar de contrar los marrits tusts que de longa plòvon sus l’esquina de l’ensenhament de l’occitan.Me sembla important que, dins aquel encastre, lo primari siá representat.Mon temps es limitat mas pensi d’aver mostrat me capacitat de reaccion a totes los corrièrs e demandas, e ma participacion o impulsion dins las accions a l’entorn de la defensa de l’ensenhament public de l’occitan es regulara.Pensi tanben que lo fach d’èstre a l’interfàcia entre lo mond de l’espectacle e lo de l’educacion es un atots. Fach a Someire, lo 31-12-2019

14. Tolosa – 2nd gra – Henri Magali

je souhaite candidater pour être représentante au Conseil d’Administration de la FELCO qui sera élu le 18 janvier 2020. Membre du CREO 32, et après quelques années de pérégrinations professionnelles, mon poste semble se stabiliser, ce qui me permet de m’investir davantage dans le milieu associatif occitan, et justifie mon avis de siéger au CA. Après une année où les enseignants se sont fortement mobilisés, je pense que la FELCO doit continuer à jouer un rôle moteur dans la sauvegarde de notre langue et culture, et je tiens à lui apporter mon soutien. Je me ferais également le relais de M.Ariès, président du CREO 32. Merci donc de bien vouloir prendre en compte ma candidature et de m’informer de la suite des démarches à effectuer. Cordialement. Magali HENRI, Enseignante d’occitan aux collèges les Chalets (Toulouse) et Louise Michel (Isle-Jourdain).

15. Tolosa – 2nd gra – Isopet Manu: president del CREO de l’academia de Tolosa

soi candidat.

16. Tolosa – 2nd gra – Konopnicki Julien

Soi clavaire del CREO Tolosa e soi candidat per esser al C.A de la Felco

17. Montpelhièr – 2nd gra Lame Estela

Coma ensenhaira d’occitan dins lo public e per defendre ma disciplina m’engagi a la FELCO. Participarai a las consultas per mail e a las presas de decisions collectivas.

18. Ais – 1er gra – Maria-Francesa Lamotte, psdta AELOC

19. Tolosa, 1èr gra, Cristòl Larrocan

Regent en occitan dempuèi 1998 (amb experiéncia de director e de mèstre-formator), clavaire del CREO MP de 2002 a 2013, ai participat al CA de la FELCO e a qualques acampadas de la FLAREP.

De rasons personalas e professionalas m’an empachat, un temps, de participar activament. Malgrat lo subrenombre de candidats al CA, amb la volontat de favorizar un trabalh comun interacademic, dins un dialòg constructiu e solidari, prepausi ma candidatura per portar mai de representacion del primari.

Se soi pas elegit, ensajarai de contribuïr a mon nivèl, dins la continuitat de çò qu’es estat bastit, al refortiment de nòstres escambis associatius necessaris al desvolopament d’un ensenhament qu’es la basa vitala d’una lenga, de la cultura e de plan mai.

20. Ais – 2nd gra – Laurent Sarah

Manteni ma candidatura – ges de problèma

21. Montpelhièr – Univ – Lespoux Yan –candidat CA e presidéncia

me vau presentar per un darrèr torn, que m’agradariá abans de partir d’acabar d’unas causas engimbradas, en particular dins lo seguit de las relacions amb lo ministèri e dins l’afar del collectiu Pour que vivent nos langues que participarai a son acamp del 20 de genièr.

22. Niça – 1èr gra – Marçais Jeremia

Siéu candidat per estre elegit au CA. Sabi que l’atualità toca puslèu lu licèu ma mi sembla impourtant d’avé de magistra rapresentant lou primari au CA. Pouòrti finda la vous de la Felco à l’aministracioun e ai elegit de la nouòstra academìa dòu far east embé lou cambarada Pasquetti.

23. Montpelhièr – Univ – Martel Philippe

sio pus en activitat, e tot çò que pòio adurre es mon experiéncia e ma disponibilitat de retirat per aguer lo temps de produrre de textes, de letras etc.

24. Bordèu – 1èr gra – Masseillou Clément

Adishatz, Solide que Audrey Pemoulié e jo (Clement Masseillou) desiram demorar au CA de la FELCO en tant que co-presidents deu CREO Aquitània.

25. Tolosa – 1èr gra – Menassol Christophe

Soi candidat al CA de la FELCO per l’AG del 18 de genièr de 2020.

26. Tolosa – Mercadier Gilbert, membre fondator de la Felco

Vòli ben demorar al CA e doncas tòrni candidatar en esperant que coma aqueste an poirai

pòrtar pèira al trabalh collectiu  que mancarà pas amb la situacion qu’avèm…contribuir a parar lo semenat comun de 40 ans de trabalh

27. Niça – 2nd gra – Pasquetti Olivier

Bònjorn, Vòli ben candidatar un còp de mai au CA. Amistats en toï e bòna fin d’anada

28. Granòble – 2nd gra – Pasturel Valeria

professora certificada membre del CA sortent. « Motivacions d’engatjament personau per ma candidatura tornar au CA :

  • relai d’informacions entre Felco – CREO Grenòble – Acadèmia – Rectorat
  • engatjament per manténer mau que mau l’ensenhament de l’occitan dins una Acadèmia onte cabussèt
  • participar a la reflexion sus leis argumentaris de transmetre ais eligits per leis encoratjar de defendre la lenga e son ensenhament
  • escambis e mutualisacions d’ideias e d’accions d’una acadèmia a l’autra
  • recercas de sostens, de partenaris per l’ensenhament ligats a la creacion artistica, a la cultura e au patrimòni, ai collectivitats (PNR etc.), ais actors de terren, a la pressa, per tornar enrasigar-infiltrar la lenga sus un territòri.

    29. Bordèu – 1èr gra – Pemoulié Audrey

Adishatz, Solide que Audrey Pemoulié e jo (Clement Masseillou) desiram demorar au CA de la FELCO en tant que co-presidents deu CREO Aquitània.

30. Ais – 2nd gra – Poitavin Matieu

Vole ben representar Ais. Mai se quauqu’un mai se prepausa me fa ren. Sabe que seguiretz meis espèras e que tota soscadissa serà collectiva. L’important es de faire abans. E sabèm lei tresaurs de diplomacia qu’avèm desenvelopat cadun per luchar ensems dins una acadèmia (aquela das Ais) que cresiam divisida (a tort). Avèm ajudat de collègas provençaus en difficultat e la màger part nos an entenduts mentre qu’èran pas « FELCO ». va fau dire:  l’associacion ganha de mai en mai de reconéissença per son seriós e lo seguit dei dorsiers.

31. Tolosa – 2nd gra – Rei Bèthvéder Nicolau

Adishatz monde, Tanben soi candidat au CA pr’amor qu’anoncièi dejà la mia candidatura coma president de la FELCO.

32. Talvèra – 2nd gra – Roques Patrici

me presenti tornar al CA per representar las/los  collègas occitanistas de la Talvera (París, regions fòra las Acadèmias occitanas e paises « estrangièrs »).Me presenti tanben per contunhar de representar la FELCO al CA de l’APLV, associacion que nos ajuda ambe fòrça conviccion; i soi elegit a títol personal.

33.Montpelhièr – 1er gra – Soliva Joseta

Ensenhaira en mairala e clavaira del CREO Lengadòc, prepausi ma candidatura al CA de la FELCO.

Successivament ensenhaira en sensibilizacion e en cursus bilingue, conneissi personalament las difficultats de la profession dins lo primièr gra.

Coma animatritz lenga, ai gardat lo contacte amb los ensenhaires d’Erau engajats dins lo projècte academic e que fan viure la lenga sul terren. Me sembla important de portar lor votz dins la FELCO.

A travers los differents projèctes, ai tamben gardat los contactes amb los regents dels differents sitis bilingues en oc de l’ Acadèmia (Aude, Gard e Losera).

Coma militanta de basa e per portar la votz de la basa de l’ensenhament public de la lenga, vòli plan participar a las consultacions e las presas de decision de la FELCO.

34. Montpelhièr – ex-IPR / univ – Clara Torreilles

Tòrni presentar ma candidatura al CA en fasent valer ma longa practica del terren e l’ajuda  -logistica o redaccionala – que pòdi encara portar dins la batèsta.

35. Montpelhièr – Univ. – Verny Maria Joana, candidata CA e cosecretariat

Nòstra federacion sarra los 35 ans de temps, amb d’annadas « fastas », que nos semblan ara luenh, per nòstre ensenhament : una augmentacion del nombre de collègas, ganhat per l’engatjament de nòstres davancièrs, que faguèron crèisser, d’a cha pauc, la professionalizacion de nòstre ensenhament, amb la conquista dels concors especializats, l’adopcion de tèxtes novèls per las LR (Savary, Bayrou, Lang) que nos permetèron de conquistar de terren. E tanben, ailàs, dempuèi 2004, de recuols terribles (baissa de pòstes al CAPES, baissa globala dels efectius, mai que mai en licèu e dins las universitats, situacions de trabalh dels collègas totjorn mai dificilas, dificultat de provesir los pòstes dins lo primièr gra fauta de candidats, aflaquiment de las ressorsas umanas dins las acadèmias « sinistradas » : Clarmont, Lemòtge, Granòble…).

Pensàvem d’aver tocat lo fons amb la reforma dels collègis e vesèm que i sèm pas encara amb aquela dels licèus.

Pasmens, la FELCO a totjorn tenguda sa plaça coma pòrta-paraula dels collègas, amb de biaisses de consultacion mai o mens « amators » (consultacion dels « savis », foguèt un temps, consultacion del CA tal coma definit recentament).

Los diferents burèus que i participèri an totjorn ausida la paraula dels collègas, quand se voliá plan manifestar, dins las AG, per los que i venián, dins los escambis internet, dins los rescontres mai o mens formals : d’unes se remembran que ne fasián tanben un cada an a l’Estivada de Rodés ont se trobavan a l’entorn de 30 collègas venguts de’n pertot. A Rodés, tenèm dempuèi 20 ans un talhièr ont passan de collègas de l’ensemble de l’espaci d’òc que donan un pauc de lor temps, escasença de mai d’escambiar experiéncias e idèas. I rescontram elegits e premsa. I tenèm tanben una conferéncia de premsa, organizada subretot a partir dels collègas avaironeses. Avèm agut fach tanben – es mai ancian – d’estagis pedagogics de 3 jorns als rescontres occitans de Provença, amb tanben de mond venguts de l’oest o del nòrd.

Rai, aviam benlèu d’estatuts garrèls, mas totas las acadèmias èran representadas, e mai totes los nivèls d’ensenhament e lo burèu a totjorn temptat de faire la sintèsi de las idèas exprimidas.

Sul plan de l’accion e de la representativitat, sèm arribats a nos impausar dins la FLAREP mercé a nòstra coneissença tecnica dels pbs, a nòstra preséncia permanenta als collòquis annadièrs e al talent de redaccion de Martel. Avèm una reconeissença granda dins l’encastre de las associacions de las autras lengas regionalas de França e mai dins l’APLV que federa los ensenhaires de las LV estrangièras e regionalas.

Sèm reconeguts per las doas principalas organizacions sindicalas que respondon regularament a nòstres corrièrs.

Avèm lo contact regulièr amb los elegits que son sollicitats entre 2 e 4 còps per an. Tenèm a jorn la lista de las questions e ne fasèm l’analisi. Respondèm personalament a cada corrièl personal mandat per tal o tal deputat. Nos contentam pas de corrièls, que prenèm sovent lo telefòn quand rescontram pas fisicament lo mond : l’espaci d’òc permet pas de desplaçaments aisits

Avèm un siti internet qu’es una referéncia en matèria de documentacion e de memòria del trabalh de l’associacion, amb de seccions previstas per que cada associacion academica aja un luòc de referéncia de son trabalh.

Sèm benlèu l’organizacion occitana que capita del melhor de federar lo trabalh sus l’ensemble de l’espaci d’òc, e mai en defòra, amb una participacion regulara e constructiva del CREO de la Talvèra que nos representa tanben dins l’APLV.

Tot aquò per dire

– qu’aquela fòrça de la FELCO es lo resultat d’annadas e d’annadas d’engatjament collectiu e de trabalh constructiu d’un fum de collègas

– que ieu coma totes, teni a la democracia e a son organizacion formala.

Soveti que lo trabalh sul fons contunhe e que lo gaire de disponibilitat qu’avèm, los uns e los autres, siá pas manjat per de guirguilhs.

E francament, ai pas enveja que lo gaire de temps qu’avèm per l’AG sia manjat per de discussions tecnicas : los estatuts precedents èran estats preparats per d’escambis prealables, per evitar de gonflar los novèls venguts. Me sembla donc essencial que las discussions sus las questions tecnicas dels estatuts prengan pas lo cap sus l’anament uman e intellectual de l’associacion e formuli lo vòt qu’arribèssem de conciliar la democracia mai granda amb l’eficacitat maximum, dins un ambient de trabalh convivial e respectuós del trabalh de cadun e de caduna.

 

 

Ce contenu a été publié dans Vida intèrna. Vous pouvez le mettre en favoris avec ce permalien.