1901-20-Adesion CREO – ofèrta libres – letra de la clavaira

PartagerShare on FacebookTweet about this on TwitterShare on Google+

Cars collègas

Bonjorn e bona annada a totes. Preni la seguida de Clara Torreilles coma Clavaira del CREO (http://www.felco-creo.org/creo-lengadoc/). Urosament es a mon costat per assegurar la passacion. Me permeti de remembrar a totes l’importància d’aderir al CREO. La batèsta de l’an passat per gardar lo pòste de CPD d’Erau nos mostrèt encara un còp que nòstre engatjament collectiu es nòstra fòrça. Nos cal pas baissar la garda. Aquesta annada per compensar la disparicion de Papagai e Plumalhon, lo CREO vos propausa un libre de vòstra causida, traparetz las explicas aquí dessota.

Mandatz-me per corrièr lo bon de comanda e vòstra adesion se l’avetz pas encara regularizada.  Joseta Soliva Escòla bilingua Francis Garnier Montpellier

***

Per ajudar los establiments a s’equipar en literatura de joinesa, es a dire en literatura occitana (albums, contes,  romans, poèmas, cançons…) lo CREO fa l’ofèrta excepcionala a cada aderent 2018-2019, ancian o novèl, d’un libre causit dins lo Catalòg Occitan 2019 disponible a l’adreiça seguenta : https://drive.google.com/open?id=1z_B4oe31qV5K68GM9mSgDKaGe8SqKXUI

Per la produccion de Montpelhièr (albums, colleccions « Camins de la vida » o « Florilègi occitan ») los documents d’acompanhament pedagogic son encara en linha sus : http://www.crdp-montpellier.fr/produits/languesvivantes/occitan.htm

Son fòrça rics e prepausan de pistas nombrosas. Esitetz pas de i anar, de los consultar, completar, adobar de vòstre biais, brèu de los vos apropriar per vòstre usatge pedagogic personal.

Avètz tanben dins lo Catalòg occitan 2019 la produccion actuala e las ressorças del CAPÒC.

Emplenatz lo butletin de comanda e mandatz-lo a la clavaira :

Joseta SOLIVA, 7 rue Levat, 34000 Montpelhièr.

Lo CREO fara lo chèc, lo mandadís del butletin e recebretz lo libre a l’adreiça indicada.

Aquela ofèrta s’acabarà a la fin de l’annada escolara.

Del vòstre costat e segon las possibilitats financièras dels establiments, pensatz de comandar los libres que vos fan besonh e que seràn pas totjorn disponibles (es un eufemisme !)

Que volètz mai ? ADERIR e FAIRE ADERIR al CREO, per la defensa de nòstre ensenhament e l’interès collectiu.

Se sètz pas a jorn de vòstra cotisacion, trobaretz aquí lo butletin d’emplenar e de mandar amb vòstra demanda de libres. La comanda serà facha un còp lo chèc encaissat.

CREO Lengadòc – BULLETIN D’ADESION 2018- 2019

Vos ramentam que vòstras coordonadas son pas comunicadas a degun.

 ADESION INDIVIDUALA – L’escotisson de basa es de 20 €.

Nom e prenom : ………………………………………………………………………

Adreiça personala : …………………………………………………………………

 

 

Tel : ……………………………… e.mèl : …………………………………………

Adreiça professionala :……………………………………………………………..

  1. E mai se las escòlas son aderentas, çò qu’es una plan bona causa, las adesions individualas marcan l’engatjament de cadun.

______________________________________________________________

ADESION ESTABLIMENT – L’escotisson es 25€ per al mens 2 classas aderentas dins l’escòla.

Nom e adreiça de l’establiment : ………………………………………………..

………………………………………………………………………………………

 

Tel : …………………………

e.mèl ………………………………………………

Nbre de classas en occitan : ……………………………………………………… Noms dels ensenhaires : …………………………………………………………

 

 

Butletin de mandar a

Josette SOLIVA / CREO Lengadòc – trésorerie

7, rue Levat – 34000 Montpellier

 

Ce contenu a été publié dans Actualitats CREO Lengadòc, Vida intèrna CREO Lengadòc. Vous pouvez le mettre en favoris avec ce permalien.