Nòstre amic Patrici Roques, del CREO de la Talvèra, nos presenta sas activitats al dintre de l‘APLV, que la FELCO n’es sòcia (coma d’autres ensenhaires o son a títol individual)
Compte-rendut d’activitat a l’APLV – per l’AG de la FELCO del 18 de genièr de 2020.
Rampèli que soi elegit al CA de l’APLV ((https://www.aplv-languesmodernes.org/) a títol personal per representar las Lengas istoricas de França, e pas solament l’occitan (los creòls, dins una situacion diferenta, son representats per Yolande Ederique, IPR onorària d’espanhòl a la Martinica).
– participacion regulara als acamps trimestrals del CA e a l’AG (23 de novembre).Intervencions per las lengas de França cada còp qu’o cal far.
-participacion activa al seminari organizat per l’APLV a París lo 23 de novembre : Traduccion/mediacion (capitada bèla).
– transmission de las informacions que recebi sus las accions e manifestacions tocant las lenga e cultura occitanas dins la Lettre de l’APLV (450 destinataris).
-contacte permanent ambe lo Burèu de l’APLV, particularament ambe Jean-Luc Breton, secretari general.
La revista Les langues Modernes :
Fau pas partida dels Comitats de lectura/redaccion/editorial, per manca de temps…
Mas seguissi l’anar d’aquesta revista de difusion internacionala (900 destinataris).
(De senhalar lo n°4/2018 paregut en genièr de 2019, dossièr Langue(s) et identité(s)ambe d’articles de Christian Lagarde e Chrystelle Burban).
Articles benvenguts…
Acabarai en dire que d’adesions d’ensenhaires FELCO me farián prodèl per afortir la portada de nòstra votz al dintre de l’APLV (e cal 2 annadas d’adesion abans de poder candidatar al CA).
Remarca : las organizacions sòcias an solament votz consultativa a l’AG segon los estatuts, mas d’elegidas/its al CA pòdon portar lor votz… cal preparar l’avenidor !
Patrici Roques.
