15-12-21 – compte rendut de l’acamp de burèu del CREO Lengadòc

PartagerShare on FacebookTweet about this on TwitterShare on Google+

Presents

Benoît BOLANO, Béatrice BRINGUE, Robin CHOULEUR Delphine COLRAS, Julien KONOPNICKI, Josette SOLIVA, Joëlle ROSSIGNOL, Marie-Jeanne VERNY

I – Escotissons e finanças

  • Letra de rampèl mandada lo 11/12/21, los escotissons començan d’arribar. Mai de 80 aderents al 15 de decembre. (Nòta del 2 de genièr : un centenat encaissat a la fin de l’an)
  • Demanda de subvencion region e despartament Erau mandadas.

2 – Demanda d’ajudas pedagogicas

  • Una demanda de subvencion es estada facha per l’escòla de Miraval per lor projècte sus la bèstia totemica : lo becarut. L’idèa es de subvencionar la creacion del libre, notadament per ajudar a pagar l’ilustratritz.
  • Avèm una segonda demanda del cursus Clemenceau per la creacion d’un flyer de presentacion de l’ensenhament d’especialitat.

Rampelam que la demanda dèu èsser facha al prèp del CREO abans lo 31 de genièr 2022. BB mandarà un mail a las escòlas. Responsa donada lo 15 de febrièr.

3 – Vendas de libres

  • Total de 400 euros recuperats per MJV per la venda de libres que seràn donats a Joseta a la fin de la setmana.
  • Proposicion de crompar de libres novèls d’apondre a la lista dels libres CREO. A la Talvera, crompa d’un disc per far dansar, crompa Turlututù ?

Benaset, Julian et Delfina s’entrevan d’agachar lo catalòg de la Talvera per veire çò interessant pels collègas.

Proposicion d’adesion a la Talvera mas pausa le problèma de l’egalitat : perqué aderir a lA Talvèra puslèu qu’a d’autras associacions ? Possibilitat de crear una tièra d’associacions que i poiriam aderir ? o causir de mostrar nòstra ajuda en crompar d’articles.

4- partatge de las tascas al dintre del burèu e accion CREO

  • Lo rappòrt d’activitats : DC prendrà tot lo long de l’annada la lista de las accions del CREO sul modèla del compte-rendut de l’AG. Se farà d’aprèp lo site o mes per mes. Aquò servirà per l’ensenhad’òc e per l’AG.
  • Gestion del site FELCO – CREO
    • metre las informacions per facilitar los escambis : documents d’exemples per la mesa en pagina d’un corrièr, Numèro Siret, estatuts, logos… Atencion pasmens a la confidencialitat d’unas informacions.
    • Apondre lo trabalh  linguistic de Quentin Peyràs (demandar l’accòrdi e la version corregida d’Arvèi Lieutard). JK a los còdes, s’entrevaràn d’aqu’ò amb Benaset
  •  CALR : se tendrà de fin genièr / debuta febrièr.
    • notam l’abséncia de conselhièrs despartamentals. Per téner mai de pes, Julian se prepausa per mandar una letra amb lo modèl fargat sul site. Cal rescontrar los conselhièrs e los demandar de s’engatjar a participar al CALR. Cada despartament dèu fargar un dorsièr amb la situacion precisa. Julian o farà per Aude e Seta.
    • Una mocion comuna amb las organizacions sindicalas es generalament adoptada pel CALR
    • MJVB i representarà lo CREO.

Cal ensajar de butar per obténer mai pòstes a la formacion « ENSENHAR professeurs ». L’OPLO ajuda a l’accès a la formacion del regents amb lo dispositiu « ENSENHAR professeurs ». Notam una inegalitat entre las acadèmias de Bordèu e la de Montpelhièr. Bordèu formèt 11 regents contra 3 solament a Montpelhièr aqueste an. Pasmens podèm notar que i a una fòrta demanda dels collègas. Per l’acadèmia de Mtp, i aguèt 30 candidats a la formacion aquesta annada.

Robin e Benaset van menar una enquista per saber los professors que serián interessats per la formacion.

  •  Total festum

Nos cal mobilizar lo mond per la reussita del Total FESTUM a Narbona. S’informar sus la possibilitat de logar una sala amb una sono per limitar las depensas.

Lo grop validèt la data del 14 de mai. Responsables del projècte : Benaset, Fabienne e Robin.

  • Eleccions

PQVNL fa una letra per los elegits que s’i podèm referir, possibilitat de ne far una autra amb las especificitats de l’ensenhament public se vesèm de causas d’apondre.

Julian se prepausa de far la letra mercés al modèl que i a sul site (ligam) pels conselhèrs despartamentals

5- Vida intèrna

  • Idèa d’organizar de rescontres entre professors per parlar de çò fach dins sa classa de biais de far viure lo costat pedagogica del CREO. Necessitat de far una anóncia sul site Facebook (Julian e Benaset) per saber los besonhs dels collègas.
  • Idèa de contactar Priscillia GIL per poder discutir, en visio, de la classa flexibla que mena dins so escòla.
  • Expleitacion possible del trabalh de la classa bilingua de Géraldine CLAMOUSE
  • Es un abecedari enregistrat jos la forma de devinhòlas sul tèma de la mar. (mail)

6 -AG FELCO

 Lo 8 de genièr a 10 oras a Paul Valery amb un repais partejat lo miegjorn. Demanda d’albergament per los collègas que venon de luènh. Demanda d’ajuda per la venda dels libres.

 

 

Ce contenu a été publié dans Vida intèrna CREO Lengadòc. Vous pouvez le mettre en favoris avec ce permalien.