Mercé al Congrès permanent de la lenga occitana / Merci au congrès permanent de la langue occitane de nos informer des dernières publications. Nous reprenons ci-dessous un extrait de la dernière lettre du Congrès

Contes, poesia, romans, escrits politics… Las novetats literàrias d’abrial de 2026.

Duas publicacions per las edicions de l’IEO :

• • Tant s’empòrta… la Tramontana, un roman jos fòrma de scenari escrit per una saga televisada, per Florian Vernet e Anne Jouve.
    Ne saber mai
  • Lo Prince, tractat politic e l’una de las òbras mai celèbras de l’autor italian Nicolau Maquiavèl (1469-1527), dins una version revirada per Joan Massip.
    Ne saber mai

Autras publicacions

• Las edicions Vent Terral prepausan l’obratge Aube d’Occitanie de Joan Bodon, en occitan e en francés. Aquel recuèlh d’articles publicats dins lo Bulletin de la seccion d’Avairon de l’IEO illustra son engatjament : entre debats sul regionalisme e reflexions sus la societat, ofrís una vista totjorn actuala per comprene l’afirmacion culturala e politica d’Occitània.
  Ne saber mai
• Lo Collectif pour les littératures en langues régionales à l’École que prepausa Florilangues. De l’Alsace à Tahiti… Florilège des littératures en langues de France, publicat a las edicions L’aucèu libre. Occitània, Polinesia, Alsàcia, Corsega… L’obratge que hica en lutz 35 tèxtes gessits de 16 maines lingüistics de long temps invisibilizats. Cada extrèit, qui s’acompanha de la soa traduccion francesa, qu’ei precedit d’ua presentacion redigida per especialistas de cada lenga.
  Ne saber mai
  Article de la FELCO-CREO
• Tresià Pambrun que publica Poèmas de Veire, recuelh de poesia bilingua, a las edicions Reclams : « Que volem ? Significar lo reau o espia’u per ua paret de veire ? »
  Tà’n saber mei
• La maison d’edicion paulina Aqua Aura qu’a publicat fin 2025 La Paraula perduda, raconte autobiografic per Joan-Ives Casanova en véder lo multilingüisme.
  Tà’n saber mei
• Las edicions Lo Bornat dau Perigòrd venon de publicar Los contes de l’esquiròl – Les contes de l’écureuil, 3^en tòme de la seria de contes peiregordins bilingües per Patrick Chalmel en occitan del Perigòrd Porpre, lo brageraqués, après Los contes de l’agaça – Les contes de la pie (2019) e Los contes del grelh – Les contes du grillon (2022).
  Ne saber mai
• La maison d’edicion loseròta GRAND petit monde ven de publicar lo Cahier d’activités de l’occitan, que la traduccion es estada realizada pel Congrès.

  Aquel libre es estat concebut coma un quasèrn de vacanças amb 100 jòcs per dintrar dins la lenga.
  S’adreça a un lectorat familial (tre 8 ans), als debutants e als falses debutants.
  Per descobrir mantuna facieta de l’occitan, los exercicis son en occitan gascon e en occitan lengadocian. Lo contengut es enrasigat dins los territòris de las regions Occitània e Novèla Aquitània.

  Lo contengut del Cahier d’activités de l’occitan foguèt creat per GRAND petit monde. Puèi lo CIRDÒC, lo Congrès e un ensenhaire universitari en occitan s’i portèron las nòtas e correccions.
  L’obratge foguèt realizat en associacion amb la Region Occitània / Pirenèus-Mediterranèa, la Region Novèla Aquitània, lo CIRDÒC-Institut occitan de cultura, lo Congrès permanent de la lenga occitana e l’Ofici public de la lenga occitana.

  Lo quasèrn es disponible dins las librariás e autras espacis de venda locals de las regions Occitània e Novèla Aquitània.
  52 paginas / 20×27,5 cm / 9,90 euros
  ISBN : 979-1-09791-510-0
  > Per tota demanda d’informacion : contact@grandpetitmonde.com