12-09-21 – Lo CREO present a la fièira de las associacions

Après dos ans d’anullacion en causa de la pandemia, se tenguèt tornar lo segond dimenge de setembre una novela edicion de l’ « Antigone des associations », qu’es un eveniment fòrça frequentat pels Mo,tpelhierencs, occasion pel CREO de mostrar  lo ròtle de la nòstra associacion. D’efèit la preséncia del CREO dins aquela mena d’eveniment es essenciala. Sovent, la quita existéncia d’un ensenhament public de la lenga occitana es pas coneguda mas aquò, o vau pas aprene al legeire d’Ensenhad’Òc.
Un autre aspecte important d’aquela jornada es de  poder manténer las relacions qu’avèm amb d’associacions que ne sèm partenaris dempuèi un brave moment (Radio Lenga d’òc, FMplus) e de contunhar de téisser lo malhum associatiu dins loqual lo CREO s’inscriu.

Es escasença tanben de rescontrar los elegits de la vila que fan lo torn dels estands e mai los del departament qu’an un espaci reservat.

Benoit Bolano

Ce contenu a été publié dans Non classé. Vous pouvez le mettre en favoris avec ce permalien.