La FELCO, quasi 35 ans de vida, de luchas e d’amistats…
Ai compilat dins un album en linha https://photos.app.goo.gl/kcquh9aQYfKDNN5K7, 15 ans d’engatjament collectiu, entre professors, mas tanben, dins l’encastre d’Anem Oc, o del recent moviment « pour que vivent nos langues », dins un encastre mai larg, aquel de l’ensemble de l’occitanisme e aquel de las lengas minorizadas.
Reunions, estands publics, audiéncias al Ministèri rires e amistat partajats, malgrat las dificultats que i sèm confrontats de longa, e encara mai dempuèi 2004. I retrobaretz de caras conegudas, de tot nòstre espaci d’òc.
Formuli lo vòt personal qu’aquel trabalh collectiu, de còps pesuc, que nos demanda d’èsser « en velha » tot del long de l’an, pòsca contunhar dins lo meteis esperit de fisança e de debats corals.
Maria-Joana VERNY, 10 de genièr de 2020
