Avèm lo plaser de vos convidar a l’Amassada Generala anuala del CREO Lengadoc, que se tendrà lo 7 d’octobre de 2023 a 9h00. L’eveniment se debanarà en sala A103 a l’Universitat Paul Valéry de Montpelhièr.
Trobaretz sus aqueste ligam la convocacion, un poder se podètz pas venir e un butletin d’adesion al CREO : 2309-28-Convocacion AG CREO – Poder – butletin d’adesion
E, per l’escasença, vos sollicitam per èsser candidat.a al conselh d’administracion : volèm que totes los departaments (siam CREO Lengadòc, es a dire CREO de tota l’acadèmia) e totes los nivèls d’ensenhament i sian representats.
L’Amassada Generala es una escasença importanta per nos amassar e discutir de las realizacions de l’annada passada tant coma dels projèctes a venir. Es tanben aqui que lo burèu es a vòstra escota per vos representar al prèp del Rectorat, dels elegits, dels sindicats… Vòstra participacion e vòstras idèas son essencialas pel desvolopament del CREO Lengadoc e per sa vida democratica.
Vaquí l’òrdre del jorn de l’AG
- Rapòrt moral. Rapòrt d’activitat. Rapòrt financier Budgècte previsional. Vòtes
- Eleccion del CA e del burèu
- Bilanç de dintrada
- Accions previstas
- Questions diversas
NB : los rapòrts seràn lèu meses en linha sul site. Per l’ora podètz trobar lo rapòrt moral dins l’editorial d’Ensenhad’òc, ont trobaretz tanben lo rapòrt d’activitat
Encoratjam totes los membres a participar activament a aquela reünion e a partejar lors comentaris, questions e suggestions. Vòstra implicacion contribuïrà a faire l’avenidor de nòstra associacion e a sa vida democratica.
Se desiratz ajustar o apondre de punts a l’òrdre del jorn o s’avètz de questions prealablas, mercé de nos informar per corrièl abans lo 4 d’octòbre.
Esperam vos véser nombroses pendent aquela Amassada Generala e comptam sus vòstra preséncia per ne far una capitada. S’avètz de constrenchas d’emplec del temps o de questions suplementàrias, trantalhetz pas de nos contactar.
Trobarètz çai-jos e en pèça junta
- un poder s’avètz pas la possibilitat d’assistir a l’AG,
- una convocacion
- e un butletin d’adesion per ongan se vos agrada melhor de pagar per chèc o en moneda que non pas sus la plataforma HelloAsso. https://www.helloasso.com/associations/creo-centre-regional-pour-l-enseignement-de-l-occitan/adhesions/adesion-al-creo-lengadoc-2023-2024
Coralament, Benoit Bolano, Vice- president del CREO Lengadòc
