02-01-21- Candidaturas recebudas al CA de la FELCO

Publié le 2 janvier 2021 par Marie-Jeanne Verny

1- Lame Estela – Montpelhièr – 2nd gra

Soi candidata al CA de la FELCO per contunhar lo trabalh que menam amassa per defendre nostre mestièr, l’ensenhament de l’occitan dins lo public.
Avèm vist que la FELCO, gràcia a un trabalh collectiu, es una vertadièra força que capita de se far escotar.
La fòrça del collectiu ven de la diversitat de sos membres: d’actius e de retirats, de professors del primièr gra, del segond gra, de l’universitat, venent de totas las acadèmias. Nos cal mantèner aquesta diversitat, garantia de la qualitat de las intervencions de la FELCO.
La FELCO deu contunhar de menar la batesta, en prenent part a l’accion PQVNL, en interpelant los politics e lo govern, en particulièr l’Educacion Nacionala, en contunhar sa participacion a la FLAREP e totas sas accions, decididas e menadas collectivament.

Estela Lame, elegida al CA en 2019

2- Duranton Bruno – Tolosa – 2nd gra

Al CA de la FELCO dempuei mai de 10 ans e clavaire dempuèi 2014 vòli plan  contunhar d’èsser al dintre del CA e portar umilament ma pèira a aqueste trabalh collectiu que fa la fòrça, la riquesa e la nauta expertisa, reconeguda, de la nòstra associacion. Soi prèste a perseguir mon engatjament, animat totjorn de la necessitat de despassar las divergéncias per poder avançar totes amassa dins un objectiu commun : la transmission de la lenga.

3- Mercadier Gilbert – Tolosa – 2nd gra

Vòli ben demorar al CA per contribuir, se pòdi encara, al trabalh de la  Felco coma l’ai totjorn fach dempuèi sa creacion.

4- Chabaud Silvan – Montpelhièr – superior

Ensenhant-cercaire au despartament d’occitan de l’Universitat de Montpelhièr, musician e autor en lenga d’òc, siáu membre dau CA dempuèi un an, e vòli ben contunhar l’aventura en 2021. La batèsta per la lenga d’òc, sa transmission, son avenidor e lei creacions de deman : tot passa en granda part per l’ensenhament public, a totei lei nivèus, de l’escòla a l’Universitat. Vòli contunhar de portar ma pèira dins aqueu trabalh collectiu.

5- Poitavin Matthieu – Ais – 2nd gra

Vòle ben ajudar e participar au ca de la FELCO.

6- Barthe Eric – Tolosa – 2nd gra

Aprèp los trantalhaments passats, avèm besonh d’una solidaritat renovelada. Se sèm pas gaire per manténer una sana preséncia de l’occitan dins los establiments catolics jos contracte ambe l’Estat, que lor nombre siá al mens estabilisats. Del Levant a La Mar Granda, duscas al Lemosin, volèm manténer l’òc,  al dintre de l’ensenhament catolic, tant que poirem.
Dins aquesta amira, me presenti tornar per far partida del CA de La FELCO, e portar las demandas, suggestions de mos e mas collègas.
Nos cal prene de camins novèls, per tornar avançar dins la transmission de la lenga e culturas nòstras.

7- Lago Virginia – Tolosa – 2nd gra

NB del 09-01-21 : après l’AG del CREO Tolosa, Virginia es estada elegida dins los dos representants designats per lo dich CREO. Libèra donc una plaça per las candidaturas sotmesas a eleccion.

Sosteni l’occitan dempuèi annadas, ja quan èri estudianta dins l’acadèmia de Bordèu e ara que soi professora dins l’acadèmia de Tolosa dempuèi quauquas annadas, en tot passar una annada per Gap.
L’ensenhament de l’occitan es per jo un element clau, entre autre dins la transmission de la lenga. M’agrada lo men tribalh dins la mia disciplina e çò a maugrat de daubunas condicions que coneishem.
Me pareishoc lèu coma una evidéncia de donar la man au CREO Tolosa ende poder ensajar de melhorar las causas.
Auei, me sembla important de poder tribalhar entre acadèmias ende hèr caminar las causas de coma cau. Es una de las rasons que me menan a me presentar auei au CA de la FELCO.
Ad aquera s’ajustan, entre autre, tot lo tribalh de menar a l’entorn de PQVNL, mes tanben la mia curiositat de comprenguer melhor lo sistèma e la mia volontat de poder portar la mia umbla contribucion ende ajudar, si pòdi.

8- Menassòl Cristòl – Tolosa – 1èr gra

Actualament cargat de mission occitan per la DSDEN 46, foguèri plassas annadas ensenhaire en seccion bilinga (de la pichona seccion de mairala al CM) e conselhièr pedagogic occitan per Òlt. Foguèri a la debuta de totas las seccions bilingas que se durbiguèron dins lo despartament, i trabalhèri plan, coma per montar la sensibilizacion per totses, e la formacion dels mèstres d’escòla, e cresi que l’ensenhament bilingüe tre la mairala es indispensable per l’avenir de la lenga, coma la sensibilizacion generalizada que dona una coneissença minimala del fach occitan a cada dròlle.

9- Soliva Joseta – Montpelhièr – 1er gra

Ensenhaira en mairala e aderenta al CREO Lengadòc, tòrni prepausar ma candidatura
al CA de la FELCO.
Ensenhaira en sensibilizacion puèi en cursus bilingue,coneissi personalament las difficultats de la profession dins lo primièr gra. Mon expériencia coma animatritz en lenga me faguèt conéisser la diversitat de situacions dins Erau e dins los autres sitis bilingues de l’Academia.
Soi ja plan implicada al nivèl academic coma clavaira del CREO Lengadòc, vòli plan ara portar ma pèira per bastir l’unitat al nivèl interacademic dins lo respècte de nòstras particularitats. Mon objectiu prioritari serà totjorn la defensa de l’ensenhament public de la lenga.

10 – Baret Jennifer – Nissa – 1er gra

Ai augut lou CRPE special occitan en 2009.
Ensegni à l’escola bilenga dei Pourtegalié despì doui an. Counouissi lu proublema ligat au multi-nivèu en lou miéu ensegnamen.
Vouòli estre candidata au CA de la FELCO per v’ajudà à rapresentà lou primari e prechisamen la mairala.

11- Hirondelle Tomàs – Bordèu – 2nd gra

Ensenhaire d’opcion dins un collègi de Dordonha, benlèu en filièra bilingüe l’an que ven, voldriái agir per l’ensenhament de l’occitan dins lo public e representar los ensenhaires de Dordonha al prèp de la FELCO. Me sembla particularament important d’èsser solidaris e de « tirar de banas » durant aquel periòde complicat per la nòstra matèria. Es dins aquesta dralha que me vòli engatjar. »

12- Martel Felip – Montpelhièr – superior

Pausi ma candidatura au CA. En me fasent vièlh, poirei pas tot sègre, mas pòio encara ajuar a l’elaboracion de documents, letras, analisis, etc.

13- Cayrol Lionel – Tolosa – 2nd gra

Soi ensenhaire en classa bilingüa al collègi d’Espaliu (segonda annada) en Nòrd Avairon e demòri dins lo Cantal. De luòcs ont la lenga es encara fòrça viva e que la cal encara, dins mai d’un endrech, faire dintrar dins los establiments.
Faire professor d’occitan foguèt un cambiament de vida per èsser en accòrd ambe mas valors: lo drech a la diferéncia, a la diversitat de las culturas en  ligason ambe mas rasigas.
Nòstra lenga a encara bèlcòp de causas a dire dins nòstre monde. Alara, me sembla essencial que l’occitan tròbe tota sa plaça dins l’escòla publica, l’escòla de tots.
Es per aquò que vòli ensajar de portar ma pichona pèira dins la FELCO, associacion que m’a tant donat per me permetre de venir professor d’occitan e que per la qualitat de son trabalh nos dòna de credibilitat.

14- Chapduelh Cecila – Tolosa – 2nd gra

Soi candidata al CA, conscienta que cadun deu menar sa pèira a son torn se volèm poder continuar de transmetre e gausir d’una passion que nos balha l’astre de ne far un mestièr mas es un combat de tostemps.

15-  Lespoux Yan – Montpelhièr – superior

Après quasi quinze ans al dintre de la FELCO dont las darrèras annadas coma president, soi lèst per contunhar d’ajudar lo collectiu al dintre del CA.

16 – SAINT-LOUBOUE Marie-Lys – Bordèu – 1èr gra

Après quasi trenta ans au servici de l’ensenhament dont las darrèras annadas coma PE en escòlas bilingüas, e formadora per adultes en lo CFP’OC AQUITANI,

que soi prèsta per contunhar d’ajudar lo collectiu dens lo CA.

17- Chateaureynaud Marie Anne

Coordoninacion formacion dels mèstres

18 – Albert Fabienne

Commission 1er gra

 











 


 








 


 

											



					

						Ce contenu a été publié dans Vida intèrna. Vous pouvez le mettre en favoris avec ce permalien.