Corruda entà l’occitan

PartagerShare on FacebookTweet about this on TwitterShare on Google+

De Gavarnia a Tolosa.

250 km a pè per l’ensenhament de l’occitan.

L’occitan foguèt longtemps desconsiderat mas la Republica francesa a, dempuèi qualques decadas ja, acordat pauc a pauc una plaça a nòstra lenga regionala dins l’ensenhament que son interès lingüistic, cultural e pedagogic foguèt reconegut.

Pr’aquò, dempuèi un an l’ensenhament de l’occitan es desorganizat e menaçat, de l’escòla a l’universitat.

Pel primièr còp, cap d’escòla de l’acadèmia de Tolosa dobrirà pas una seccion bilingua francés – occitan

En collègi, l’ofèrta d’ensenhament de l’occitan se redutz malgrat una convencion Estat-Regions que prevei son desvolopament mas es pas respectada.

Al licèu, pr’amor de la refòrma del Ministèri de l’educacion, los efectius dels escolans que fan d’occitan an caijut sul pic del 50%.

L’ensenhament de l’occitan es pas mai pro sostengut e valorizat mentre que nòstra lenga es una part essenciala del patrimòni regional d’Occitània mas tanben de nòstre país dont la constitucion precisa a l’article 75-1 que «Las lengas regionalas apertengan al patrimòni de França».

De nombroses elegits se manifestèron, considerant que l’Estat deu espandir l’ensenhament de la lenga occitana, confòrmament als engatjaments preses a totes los nivèls per la proteccion e la transmission d’aquel patrimòni. Una lenga qu’es pas ensenhada es una lenga condemnada.

Lo departament dels Nauts-Pirenèus, coma los autres departaments, sofrís d’un ensenhament defalhent e en recuol.

Caldriá al contrari escotar los abitants que dison lor prigond estacament a la lenga del país: lo bigordan, lo gascon, lo patés, la lenga d’òc, l’occitan. Tots aqueles mots per designar nòstra lenga millenària, portaira de sens dins aquela societat que se cerca. «Doblidar l’occitan es pas un signe de modernitat mas una pèrda de substància» disiá bèl temps a un rector de l’acadèmia de Tolosa.

Nòstres joves an besonh de repèris, d’una consciéncia, que se materializan per çò que las entorneja : los luòcs, las personas, los noms, la natura. N’an besonh per èsser mai curioses, per «se dobrir sus eles-meteisses e los autres», per èsser conscients e fièrs de çò que son e del luòc d’ont eles comença lor vida.

Ajudatz-nos a transmetre aquel eiretatge.

L’occitan lenga ensenhada !

Pas d’Occitània sens occitan!

Las nòstras demandas :

Al primièr gra

-Restabliment d’almens un CDP occitan dins tots los departaments de l’acadèmia de Tolosa.

-Dobrir de novèlas de seccion bilinguas F / Òc.

-Afortiment de la formacion e del recrutament dels regents d’occitan.

Al segond gra

-Desvolopament d’un ensenhament espandit de l’occitan. Dubertura de nòus collègis en acabant amb los jos-servicis forçats de mantuns professors d’occitan.

-Aumentacion de l’orari occitan pels collegians bilingües d’1 ora a 2 oras al collègis.

-Correccion de la refòrma del licèu en donant a las lengas regionalas lo meteis estatut que las lengas e culturas de l’antiquitat. Volèm l’egalitat.

-Demandem que l’occitan posca èsser vertadièrament una LVB e que lo rectorat s’engatja a ne far la promocion.

-Dubertura de l’occitan dins de licèus novèls.

-Cal repensar l’ensenhament d’especialitat d’occitan qu’es un fracàs.

-Volem una dotacion especifica per occitan coma Bordèu.

Universitat

-Aumentar lo nombre de candidats formats al CRPE occitan, CAPES occitan.

Itinerari de la corsa mediatica-esportiva de Gavarnia a Tolosa

per l’ensenhament de l’occitan

Plan e etapas

Dimenge 14/9 – 72 km

Partença 9 oras15 – Gavarnia

10 oras 30 – Mairia de Gèdra.

11 oras 30 – Glèisa de Lus

12 oras – Collègi de Lus

14 oras – Collègi de Peirahita.

15 oras 30 – Luganhan

16 oras – Lorda Sanctuari e passatge a l’espital

18 oras 30 – Omenatge a Pèir Lobèra davant lo licèu Jean-Dupuy de Tarba,

Diluns 15/9 – 71 km

Partença 8 oras – Tarba Inspeccion academica – depaus d’ua letra deus ensenhants CREO

8 oras 30 – Escòla Calandreta

10 oras 30 – Collègi de Tornai

13 oras 30 – Licèu de Lanamesa

16 oras – Recepcion e punt premsa plaça centrala a Mont-Rejau

18 oras 30 – Recepcion e punt premsa davant lo licèu de Sent Gaudenç,

Dimars 16/9 – 86 km

Partença 8 oras – Sent Gaudenç

Miègjorn – Martres-Tolosana

14’30 – Carbona

18 oras 30 – Recepcion e punt prensa a Sent Lis jol mercat cobèrt (plaça Nacionala),

Dimècres 17/9 – 30 km

Partença 9 oras – Sent Lis

11 oras Plasença deu Toish

Miègjorn e mièja – Tolosa Ostal de la Region Occitània-PM

15 oras – Arribada au Rectorat de l’acadèmia de Tolosa (plaça Sent Ròc) – depaus de la letra deu CREO.

Mai d’entresenhas :

Languedoc2019

#unepartdenousmemes

https://www.facebook.com/languedoc2019
o https://vimeo.com/user99086337

Ce contenu a été publié dans Actualitats CREO Tolosa. Vous pouvez le mettre en favoris avec ce permalien.