Amigas e amics de l’academia de Montpelhièr. Esperam qu’anatz plan. Nos permetèm de vos remembrar, s’es pas encara fait, que podètz prene o renovelar vòstra adesion al CREO Lengadòc per l’annada escolara 2025-2026, de preferéncia sus aqueste ligam via la plataforma HelloAsso. Se volètz pagar per chèc, aquí lo butletin de mandar : https://www.felco-creo.org/wp-content/uploads/2025/09/butletin-dadesion-CREO-2025-2026.pdf. Rampelam que lo CREO recampa ensenhaires, parents d’escolans e totas las personas que vòlon sosténer l’ensenhament de l’occitan a l’escòla publica.
En tant qu’aderent.a, podètz
- demandar una dotacion en material pedagogic per vòstra classa o establiment. Podètz tanben
- demandar abans lo 15 de decembre una ajuda a la realizacion de projèctes pedagogics (remplir la ficha sus aqueste ligam) e una participacion del CREO a de fraisses de formacion (estagis, escòlas, activitats fòra Educacion Nacionala : remplir la ficha sus aqueste ligam
- demandar un abonament al En renovelant vòstra adesion abans lo 15 de decembre, podètz beneficiar amb un pichon suplement d’un abonament a prètz redusit (reduccion de 63 %l’abonament passa de 27 € à 10 €, siá una economia de 17 €)
Aprèp lo 15 de decembre, l’adesion demorarà totjorn possibla, mas lo prètz redusit per l’abonament al Diari serà pas mai disponible, ni serà possible de respondre a de demandas d’ajuda pedagogica.
Vos mercejam calorosament per vòstre sostèn. Aderir o renovar vòstra adesion, es participar activament a la vitalitat e a la difusion de la nòstra lenga e cultura occitanas dins e en defòra de las escòlas.
Nos tenèm a vòstra disposicion per tota question. Plan coralament,
Benoit Bolano, vice-psdt, per lo burèu del CREO Lengadòc
