20 6 19 CR CAEOC Tolosa Version occitana

PartagerShare on FacebookTweet about this on TwitterShare on Google+

Version occitana definitiva

Compte rendut del

Conselh Academic per l’Ensenhament de l’Occitan (CAEOC)

Rectorat de Tolosa – Dijòus 20/06/19

Sala dels Trobadors. De 9h15 a 12h (la rectritz es partida a 11h)

Un quarantenat de participants (manca de sindicats coma lo SNES que foguèron convidats que lo 19.06.19.

Ambient : Tristonet amb de tensions.

Mercé a M. D. Tajan per la presa de nòta sus ordenator al CAEOC

Ma la Rectritz, Anne Bisagni-Faure: L’occitan fa part de las prioritats academicas coma o vòl la convencion en cors e coma aquò serà confirmat per la futura convencion coescriuta amb l’ÒPLO e somesa a de nombrosas collectivitats.

Aquela convencion foguèt bloquejada aquel ivèrn, durant la reforma dels licèus : per començar aquela reforma, calguèt far dins los licèus una allocacion de mejans permetent de redistribuir las dotacions en tenguent melhor compte de la justícia sociala e territoriala.

Faguèrem atencion qu’aquò penaliza pas l’occitan. Aquò prenguèt del temps. I aguèt de nombroses escambis al sen de l’EN. I aguèt fòrça d’esmogudas. Èran legitimas. I aguèt fòrça d’interrogacions. La politica auriá pogut èsser melhor explicada e la Rectritz fa emenda onorabla. Velharà a melhor trabalhar amb l’ÒPLO e lo CREO TLS sus aqueles dorsièrs.

Prioritats:

-ressorsas umanas volontaristas.

-los mejans pel bilingüisme seràn assegurats e totjorn senhalats amb un objectiu de 2% dels escolans del primari en 2022 (+900 escolans/ situacion actuala).

L’ofèrta d’occitan en licèu (LVB) poirà èsser espandida, mas pas sistematizada a totes los establiments que prepausan l’occitan, dins cèrts establiments per afortir l’ofèrta per los que beneficièron d’un cursus bilingüe.

Introduire la possibilitat dins 3 licèus de l’acadèmia de far un ensenhament d’especialitat en occitan.

Dins los collègis, los inspectors trabalharàn en acompanhament pel desvolopament de percorses romanics (EPI…). Es una autra manièra per revendicar un ensenhament d’occitan en establiment del segond gra.

Fòrta espèra de las calandretas. Aquò serà pas evocat aquí. Mas la Rectritz tornarà lèu cap a ela.

Intervencion del CREO TLS , Nicolas Rey-Bèthbéder (NRB):

Mercejaments per aver recebut lo CREO mantuns còps.

Mas demòra fòrça de problèmas. Anóncia de supression de mejans especifics foguèt brutala. Un quasèrn de dolenças foguèt redigit. Prepauses inadmissibles per moments de la part de collègas e de cap d’establiment. Aquelas umiliacions son inadmissiblas. La situacion que coneis C. Menassòl CPD 46 es pas normala. De cofas foguèron faitas e Ma la Rectritz o reconeguèt publicament.

Causas: supression dels mejans especifics e reforma del licèu.

Intervencion del CREO TLS , Cristòl Menassòl:

Pel primièr gra: la convencion prevei que las CPD oc sián mantenguts. Solament es pas estat lo cas.

Dins lo primièr gra, rampèl de l’importància del ròtle dels conselhièrs pedagogics occitan (correja de transmission entre ensenhants e inspectors, formacion ESPE…)

La supression del pòste de CPD OC 46 pòt èsser un fòrça marrit senhal. Fòrça d’ensenhaires bilingües an abandonat a causa d’aquò.

Responsa de la Rectritz: L’exemple de l’Òlt es «falsat». Lo pòste de CPDOC 46 es pas estat suprimit. La situacion de l’occitan dins l’Òlt es al contrari volontarista.

Responsa surrealista de M. Bousquet, inspector de l’Òlt: Lo pòste CPD Oc 46 es pas suprimit. Cristòl Menassòl respond que l’ocupe pas mai e qu’es suprimit de fait.

Al nivèl del 1r gra: lo fait que la formacion dins las ESPE siá a la baissa impacte fòrtament. Pas de creacion de seccions bilinguas. Fòrça d’instabilitat dins las seccions bilinguas.

Responsa del DASEN de Tarn: los barraments de pòstes son ligats a de baissas d’efectius. I a tanben dels problèmas Ressorsas Umanas per l’afectacion de professors occitan. Problèma de l’abséncia de titulars remplaçants en seccion bilingua.

Problèma de las duberturas de Seccions Bilinguas F/OC (SB): Pas de duberturas, pr’aquò promesa a Caors, ni dins la comunitat de comunas de las Bastidas de Lomanha.

Responsa inspeccion de Gers: Òm i trabalha. I a tanben un projècte a Vic de Fesensac e a Lombèrs.

Intervencion del CREO TLS (NRB):

Dins lo 2d gra: d’establiments an suprimit l’occitan (licèu). De còps que i a i a doncas de problèmas de continuitat dels percorses.

Dins l’acadèmia de Bordèu: mejans especifics.

Lo CREO faguèt una prevision d’efectius: baissa de 30% en licèu e 25% en collègi. Aquel es pas sonque ligat a l’ofèrta mas a un climat. La reforma pesa fòrça.

L’EDS occitan son 8 escolans sus l’acadèmia e 19 en França.

Questions, NRB:

L’an venent, se poirà melhor preveire lo besonh en occitan? Sèm estacats als mejans especifics en occitan.

Responsa de la Rectritz: Non per de mejans especifics identificats per l’occitan, òc per un melhor seguit amb la començada de l’allocacion progressiva dels mejans que se farà a la davalada. L’ÒPLO e lo CREO TLS i seràn associats.

Poirem aver un engatjament escriut per transformar los LVC en LVB?

Responsa de la Rectritz: Òc, a l’eissida de la segonda.

I aurà una recuperacion del desvolopament de seccions bilinguas?

Responsa de la Rectritz: Pas en 2019-20, mas après òc que las convencions signadas amb los departament van los favorizar.

Los ensenhaires bilingües rèstan pas sus de pòstes en occitan. Cossí far?

L’occitan poiriá aver le meteis coeficient coma lo latin?

Responsa de la Rectritz: Òm transmetrà al MEN

IEO, Emmanuel Isopet: Convencion Estat/Region: quin retard?

Responsa ÒPLO Estève Cròs: Tolosa, Avairon, Nautas Pirenèus son OK. Qualques laguis dins Tarn lèu reglats. Negociacion en cors dins lo 31 que deuriá desbocar rapidament. Dins Gers, pas de reticéncias non-mai. Tarn e Garona: pas de lagui.

Responsa rectritz: Objectiu, signatura a la dintrada per un senhal tre la debuta d’annada escolara

IEO: Volriam que los objectius minimum d’efectius sián revistes a l’auça.

Responsa Rectritz: Los objectius devon èsser realizables mas las chifras anonciadas son de minima.

IEO: Pertot ont i a una opcion occitan, i deuriá aver una possibilitat de LVB.

Responsa Rectritz: Limitat dins un primièr temps, mas dins fòrça de licèus, puèi desvolopament.

IEO: Supression de l’Opcion OC dins un collègi de Tarn e Garona (St Antonin). Es una situacion escandalosa. Demanda de 80 escolans qu’es pas satisfaita.

Responsa Rectritz: La cap d’establiment se deu de realizar lo dispositiu «devers fas» e es obligada a causa dels transpòrts escolars e d’amplitud orària. Es un subjècte sus lo qual cal trobar una solucion.

Calandretas Guilhem Latrubesse :

¾ de parents d’Occitània son partidaris d’una transmission de l’occitan.

Importància de la continuitat de l’ensenhament.

Suggestion de signar una convencion entre rectorat e federacion de las calandretas.

Ongan, 0 pòstas del Ministèri per Calandreta.

La contractualizacion de la 4a del collègi s’es pas faita. Fòrça de complicacions, subretot financièras.

Met en perilh la titularizacion dels professors.

Idem a l’escòla de Lègavin qu’a 6 ans e qu’es totjorn pas contractualizada. Lo trabalh es estat fait e son pas estats recompensats.

Esfòrç a far sus las avaloracions de CP. Las calandretas son d’acòrd e volrián èsser acompanhadas.

FCPE:

Mercejaments per prepauses introductius de la rectritz.

Cal inscriure un trabalh concertat de los que trabalhan sus aquela question.

La FCPE es partidària de l’allocacion progressiva dels mejans atribuida als establiments en dificultat e apieja la politica de la rectritz. Cal pas d’oposicion entre çò qu’es començat per l’occitan e l’allocacion progressiva de mejans per d’establiments dont los escolans son en dificultat.

Sindicat SE-UNSA – Representant del personal

La convocacion es arribada fòrça tardivament çò que pausa question. Nos i sèm quand autanplan mas pas lo SNES FSU

La situacion demòra fòrça complicada.

Cal un retorn de las dotacions assenhaladas per evitar que los caps d’establiments fagan lo brut trabalh. Evitar las mesas jos pression dels professors e las mesas en concurréncia.

8 pòstes del CRPE oc devián èsser creats al concors especific. D’escòlas bilinguas devián èsser creadas.

Lo coeficient al bac es tanben un element determinant.

Per aver de mejans suplementaris, caldriá de projèctes interdisciplinaris. Que se faguèt ? Quin finançament?

Ont es lo punt de blocatge de la convencion?

Patrick ROUX (Region Occitània-PM ) :

La convencion pòt èsser signada qu’aprèp de nombrosas verificacions.

La reforma Blanquer a travat e complexificat nòstra tasca.

Quand la Region es anada defendre al ministèri, es estada de cap a un cèrt autisme, l’Estat essent pro estanca als arguments avançats.

La situacion es de tot biais inquietanta: manca crusèla de ressorsas umanas. Se cal interrogar. Comunicacion? Engatjament durable dels ensenhaires bilingües?

Se cal engatjar sus la formacion de la ressorsa umana. Es lo punt. prioritari.

Possibilitat de transformar las borsas Ensenhar «Estudiants» en borsas «Ensenhaires».

Cal respondre a la situacion de perilh real de la lenga occitana.

Espèr de signatura de convencion en setembre.

Cal marcar una vertadièra volontat politica durant la signatura de la convencion.

L’emocion sus aquel subjècte a provat que l’occitan dins aquela region es un subjècte important.

Responsa rectritz: Temps de concertacion en amont tre qu’òm aurà lo budgèt.

IEO, Manú Isopet: I a dels ensenhaires en jos-servici. Seriá pas possible qu’utilizèsson aquelas oras per far de la sensibilizacion generalizada.

Responsa cap d’establiment: res empacha pas aquel flecatge. Actualament son puslèu sus «devers faits»

Responsa Rectritz: cal de tot biais respectar las orientacions nacionalas.

Universitat Patrick Sauzet:

Ennauta l’importància de la formacion.

Cal dels estudiants en universitat per venir professors o autre.

Cal aver de visibilitat suls pòstes ofèrts (Capes) mai i aurà de pòstes ofèrts, mai i aurà d’estudiants per s’engatjar dins aqueles estudis.

Per l’agregacion, es inadmissible de non totjorn pas saber s’i aurà una sesilha l’annada venenta.

Conselh departamental Avairon:

Dins la convencion: part departamentala: pas annèxa (remplaçar per «convencion departamentala»). Téner compte de las particularitats de cada departament.

(Ma la Rectritz deu partir a causa d’intrusion dins l’entrada del Rectorat)

Presentacion del bilanç Olivier Curnelle & Didier Agar:

(document projectat suls efectius)

Sintèsi: ensenhament progrèssa dins lo primièr e lo segond gra.

Las 8 pòstas al CRPE son estats perenizats.

13 borsas ensenhar son estadas atribuidas

Formacion lingüistica contunha: la formacion iniciala sufís pas. Cal de la formacion contunha. Es una ressorsa fisabla en tèrmes de motivacion. Començada de percors de formacion ibridas (3 nivèls possibles). Adaptacion gascona a preveire. Dos formators DAFPEN sus l’ acadèmia.

Apèl a candidaturas dobèrt: 131 demandas . 20 candidats retenguts.

La començada dels 3 nivèls d’acompanhament son estats començats. Objectiu: èsser capable de menar de situacions d’ensenhament en classa bilingüe. 9 abilitacions (1r e 2d gra)

Per l’an venent, 10 d’aqueles ensenhaires se veiràn prepausar un nivèl 2 e 20 nòvas plaças de nivèl 1

IEO : pòdon aumentar aquela quòta ?

Responsa: l’ofèrta rèsta lo meteis : aquò còsta car.

Cal far conéisser aquel dispositiu e o difusar largament.

Lo dispositiu Ensenhar dintrarà dins lo dispositiu de formacion (4 borsas per an)

Presentacion dels projèctes PECCO e dels projèctes departamentals 1er gra.

Mesa en lum de la contribucion de ret Canopé per equipar las escòlas. Cap mats+2 albums

Perspectivas 2019

Una cartografia de las LVB occitan es a l’estudi.

CREO, NRB: Quant de LVB en 2019-20?

Responsa : 23 licèus sus 37 ont i aurà de l’occitan.

Quand òm dobrís una LVB òm se deu de manténer una perennitat (ensenhament obligatòri), doncas òm pòt pas passar en l’occitan en LVB pertot ont l’occitan es en LVC. Òm va duplicar lo nombre de licèu ont òm prepausa occitan en LVB mas cal assegurar los percorses. Mas res es fixat. Es evolutiu.

CREO, NRB: Òm pòt acumular un EDS OC + EDS espanhòl o anglés?

Precision legala: la lei enebiguèt que mai de 50% de l’ensenhament siá dispensat dins una lenga autra que lo francés. Problèma del cumul dels ensenhaments d’especialitat lingüisticas. Doncas, non.

Pas de creacions de sitis bilingües ongan mas mantuns son previstes a la dintrada après signatura de la convencion.

OC-Bi: Quora es de mesa en conformitat a Ibòs e Ossun?(30% al luòc de 50% en occitan)

Responsa: A Ossun, la solucion es resolguda per la dintrada (posicionament d’un PE Oc). Meteis foncionament a Ibòs. Òm recerca a estabilizar (transicion) mas las organizacions sindicalas i son opausadas.

Lo DASEN prenerà sas disposicions abans la dintrada.

De solucions son recercadas dins lo 65 (politica volontarista). Question de las ressorsas umanas).

Continuïtat de collègi del sector de Julhan. La question serà estudiada per la dintrada 2020 quand los escolans arribaràn en 6a .

Compte retornat taulièr per DT, NRB e EM.

Ce contenu a été publié dans Actualitats CREO Tolosa. Vous pouvez le mettre en favoris avec ce permalien.