On trouvera ci-après, en occitan, puis en français, le compte rendu établi par le CREO Tolosa du CAEOC (nom du CALR dans l’Académie de Toulouse) qui s’est tenu le vendredi 16 juin 2023.
CR del CREO TOLOSA del CAEOC del divendres 16 de junh de 2023
Sala Olímpia de Gojas del rectorat de Tolosa
Lo rector Mostafà Forar es absent.
Presents fisicament : V. Denis (Sec. Gal rectorat), A. Miquèl-Val (DASEN 65), T. Docina (IEN 82), D. Agar (IPR ÒC), Castilhon (DRAC), F. Tajan ( Sec gal Adjoncha), Rosan (Adagi-PECCO-Cultura), Tonati (81 hsp), JM Clèrc (PE ÒC 31), V. Ribièra (OPM), C Korol (Òc Bi), M Ralú (Òc Bi), Bascole (Felibrige), Rivalh (CG32), I Ribas (CG32), D Lacroix (Universitat), E Isopet (CREO TLS), N Rei Bèthvéder (CREO TLS), V Lago (SNES) S Manzato (SNES), Cofin (Sud), C Lepoint (UNSA), C Nolhan (SGEN), Blanchon (OPLO),
Presents en visio : Escanda (DSDEN 09), Layus (12), Verselle (12), Cotto (65), JB Guérin (Ens. Catolic), B Ybakowski (32) P Vergonhan (CD31), E Cros (Vici pdt CD82), N Verney (Calandreta), Larané (FCPE 32), Sompairac (FSU), Landas (CD46), N Jessel, P. Angelo.
Ambient : Seriós, sens brega amb de còps de reals ponches de desacòrds marcats. Consensus sus la raretat de la RH. La lista dels personals amb una competéncia, establida amb l’ajuda de l’OPLO, es una avançada a esplechar.
Orari : 10h12 Torn de taula de presentacion, arribada del secretari general (Denis). Lo CAEOC comença. Fin cap a 12h35.
M. Denis (sec.gal) rampèla lo desvolopament e sosten de la LR « e mai se d’unes diràn que se balha pas pro ». Repren l’òrdre del jorn. Espèra « vòstres retorns e vòstres escambis per veire d’unes ponches mai sensibles ». Rampèla lo contèxt nacional de renovelament de la convencion quadra, sens aver encara los elements conclusius.
Evòca l’associacion plan fruchosa amb l’OPLO tot lo long de l’annada escolara (formacion, enquèsta, question RH primordiala) e la publicacion de pòstas POP.
M. Isopet (CREO) « Dònas e Sénhers los membres del CAEOC, l’annada escolara 2022-23 s’acaba. Es lo moment per nòstra associacion dels ensenhaires d’occitan de l’acadèmia de Tolosa de far un bilanç, cèrtas non exaustiu mas relativament edificant, de l’espandiment de l’ensenhament de nòstra disciplina.
Coma tot los ans, foguèt una jòia de poder transmetre la lenga e la cultura de nòstra region a tant d’escolanas. Un bonaür de los veire progressar amb curiositat e enveja.
Nòstres escolans participèron a de nombroses projèctes : de rencontres amb de poètas, d’escrivans, de contaires, de grafaires, de plasticians, de musicians, de cantaires, de actors associatius. Poguèron descobrir lor territòri, sos monuments, sas tradicions, sos musèus, e o far descobrir a d’autres. Assistiguèron a de nombroses espectacles : de contes, de las pèças de teatre, dels concèrts, un opera barròc en occitan. Viatgèron dins nòstra region, dins la Granda Occitània tanben, en çò de nòstres vesins d’al delà dels Pirenèus o dels Alps, e an descobèrt d’autras faiçons de viure e d’autras faiçons de dire lo mond.
En aquela annada ont commemoram los 700 ans de la creacion de la primièra acadèmia literària d’Euròpa, lo Consistòri del Gai Saber e son concors dels jòcs florals, podèm pas mancar d’evocar las participacions de nòstres escolans als nombroses concorses literaris, en pròsa e en vèrs, dels Jòcs Florals, del Legidor de la Val, del prèmi Nadal Rei.
Tenèm egalament a soslinhar l’engatjament ciutadan de nòstres escolans, per lor participacions a de projèctes ecologics a l’entorn del desvolopament duradís, dels projèctes intergeneracionals entre nòstres ainats e los mai joves, o encara a l’animacion de lor establiment e de lor comuna.
L’ensemble d’aqueles projèctes s’inscriu plenament dins los programas escolars e concor a l’aquisicion del sòcle comun de coneissença, de competéncia e de cultura. En efièch, la descobèrta de l’environament pròche, l’ensenhament de l’Istòria-Geografia per l’estudi del patrimòni local, lo desvolopament de las competéncias psycho-socialas o encara l’acceptacion de la diversitat coma element de la formacion del ciutadan, son d’enjòcs partejats per totes los personals de l’Educacion Nacionala. Los ensenhaires d’occitan son donc un engranatge suplementari mas essencial per permetre als escolans d’aquerir l’ensemble d’aquelas coneissenças e competéncias.
Tot aquò, sénher lo Rector, los ensenhaires d’occitan ne son glorioses. Coma nosautres totes aicí. E aimariam que totes los mainatges de nòstra acadèmia i ajan accès.
La convencion Estat-Region que s’acaba, « convencion pel desvolopament e l’estructuracion de l’ensenhament de l’occitan » es pas estada corrèctament aplicada. Ne convenèm totes. La dinamica de l’acadèmia de Tolosa, qu’èra menaira dins lo domeni de l’ensenhament de la lenga e de la cultura occitana, es estada copada.
Tanben, desiram que tre la dintrada venenta un plan clar, precís e ambiciós siá començat per aplicar la lei del 21 de mai de 2021 que prescriu que « la lenga regionala es una matèria ensenhada dins l’encastre de l’orari normal de las escòlas mairalas e elementàrias, dels collègis e dels licèus […], amb la tòca de prepausar l’ensenhament de la lenga regionala a totes los escolans. Mercé. »
M. Cofin (Sud) per l’intersindicala SUD Educacion / SNES / SGEN -CFDT
« Sénher lo Secretari general, Dònas e sénhers los membres del CAEOC, totara parlarem de las chifras, bons o marrit que nos preocupan aicí, lo nombre d’escolans segon un ensenhament d’occitan dins nòstra acadèmia. Permetètz-nos pasmens en nòstra qualitat de representants dels personals ensenhaires de nos interessar a primièr non pas als escolans mas als professors.
Èsser ensenhant en occitan qué aquò significa ?
Èsser ensenhant en occitan es trabalhar sus dos, tres, quitament quatre establiments diferents. Es trabalhar sens material pedagogic existissent adaptats als programas en vigor, ni produch per l’institucion ni per d’editors privats. Lo professor d’occitan deu tot crear d’A a Z. Trabalha sol evidentament puèi qu’es lo sol ensenhaire de sa disciplina dins l’establiment ont exercís.
Èsser ensenhant en occitan es dins la màger partida dels cases èsser TZR academic. Afectat a l’annada sus mantun establiment. En efièch los ensenhaires d’occitan an lo privilègi d’exercir dins una de las solas disciplinas ont la Zòna de Remplaçament es l’Acadèmia de Tolosa tota entièra. D’una annada sus l’autre res garantís pas a un ensenhaire que se l’enviarà pas trabalhar a l’autre cap de l’acadèmia. Èsser ensenhant en occitan es donc acceptar aquela precaritat dins l’una en mai vasta acadèmia del país.
Èsser ensenhant en occitan es plan sovent èsser pels caps d’establiment una variabla d’ajustament. Malgrat qu’al delà de doas oras, es fòra DGH qu’es finançat aquel ensenhament. Es plan frequent que los caps d’establiment, obtengan pas cada ora correspondent als besonhs, quitament n’obtengan pas cap d’o plan los obtengan e los utilize per autra causa. Coma ne poiriá èsser autrament puèi que i a pas cap de transparéncia sul subjècte e que sindicats e associacions representativas an pas accèsses a aquelas donadas : saber ont e coma son afectadas las oras dévolues a l’ensenhament de l’occitan.
Èsser ensenhant en occitan es se batre per poder simplament complir sa mission. Es luchar al quotidian per recrutar d’escolans, dins un univèrs o la mesa en concurréncia entre las opcions e ensenhaments es venguda la nòrma. Atal nòstres escolans se veson obligats tot lo long de lor escolaritat de se deure interrogar sus la possibilitat de perseguir lor ensenhament o de lo deure abandonar se lors projèctes lor impausan de seguir un ensenhament de matematicas « expèrtas » per exemple.
Èsser ensenhant en occitan es èsser condemnat a l’excelléncia o a la disparicion. Totara M. l’Inspector Pedagogic Regional presentarà qualques projèctes menats per nòstres collègas. Representan pas qu’una infima partida del dinamisme e de l’innovacion pedagogica dont fan pròva nòstres collègas. Felicitam de prepausar un ensenhament tan creatiu e ambiciós mas oblidam pas brica que darrièr aqueles projèctes son de desenats d’oras de trabalh non-retribuïdas, non reconegudas per de collègas viu perpetualament amb la menaça que lor ensenhament siá purament e simplament suprimit se los recrutaments d’escolans s’averen insufisents als uèlhs de l’administracion.
E los ensenhaires eles meteisses me diretz ? Dreçan un tablèu tan negre de lor situacion ? E plan en qualitat de representants sindicals los avèm interrogats a Sud Educacion amb nòstres camaradas del SNES e del SGEN per una enquèsta anonima adreçada als ensenhaires d’occitan a la quala 53 collègas an respondut. A la question « avètz pendent las 5 darrièras annadas estadas en arrèst de trabalh seguida a una situacion d’agotament professional ? » : 45% an respondut òc. A la question, « avètz pendent las 5 darrièras annadas somiat a demissionar de l’Educacion Nacionala o a efectuar un cambiament de disciplina ? » : 65 % an respondut òc. Enfin a la question, « consideratz vos en situacion de patiment professional dins l’exercici de vòstra foncion d’ensenhant d’occitan » : 72% an respondut òc.
Aquí donc de chifras Sénher lo Secretari general, Dònas e sénhers los membres del CAEOC, a los quals deuriam egalament portar una atencion tota particulara.
Enfin a la question dobèrta « quala mesura seriá segon vosautras urgenta per melhorar la situacion dels ensenhaires d’occitan ? » Nòstres collègas malgrat las situacions fòrça dificilas a las qualas son confrontats an dins lor granda majoritat respondut de la faiçon seguenta : nòstra situacion se melhorarà quand l’ensenhament de l’occitan serà desvolopat, mai fòrt, mai present sul territòri amb un ofèrta permetent un recrutament mai simple e una continuitat pedagogica mai fluida.
Aquí perqué uèi Sénher lo Secretari general, Dònas e sénhers los membres del CAEOC, malgrat las innombrablas revindicacions que seriam legitimament en posicion de vos transmetre al nom de nòstres collègas de l’Acadèmia e de Tolosa, Sud Educacion, lo SNES e lo SGEN-CFDT plaçan en tota primièra posicion la question de la Convencion.
En efièch la convencion Estat-Region que s’acaba, « convencion pel desvolopament e l’estructuracion de l’ensenhament de l’occitan » es pas estada corrèctament aplicada. Ne convenèm totes. La dinamica de l’acadèmia de Tolosa, qu’èra menaira dins lo domeni de l’ensenhament de la lenga e de la cultura occitanas, es estada copada.
Tanben, desiram que tre la dintrada venenta un plan clar, precís e ambiciós siá començat per aplicar la lei del 21 de mai de 2021 que prescriu que « la lenga regionala es una matèria ensenhada dins l’encastre de l’orari normal de las escòlas mairalas e elementàrias, dels collègis e dels licèus […], amb la tòca de prepausar l’ensenhament de la lenga regionala a totes los escolans. » (art.7)
Mercé de vòstra atencion. »
Ma. Ralú (Òc-bi) renovèla las remarcas de la marrida aplicacion de la convencion e apièja sus la volontat de veire la lei aplicada.
M. Lepoint (UNSA) constata que los sindicats i son pas totjorn convidats als Grops de Trabalh departamentals (09, 31), vòt d’una armonizacion academica.
M. Denis (secretari general) senhala que l’occitan benefícia de mejans especials. Pensa que l’acadèmia es totjorn « menaira » dins l’ensenhament de l’occitan. Mas met en balança l’ofèrta e la demanda. Lo Rector trabalha sus las rets d’establiments rurals per evitar d’aver d’ensenhaires isolats.
Precisa que los TZR academics son pas enviats d’un costat a l’autre de l’acadèmia.
Afirma que los mejans fòra DGH, reservats a l’occitan, son la marca de l’engatjament del Rectorat per son desvolopament. Las autras lengas (portugueses, italian) ne benefícian pas.
Lo Rectorat metrà sus papièr las composicions de las instàncias departamentalas.
M. Isopet (CREO) : los GT devon aver de composicions, de las datas e dels òrdres del jorn equivalents.
Demanda egalament lo retorn a un CR oficial pel CAEOC (çò que se fa pas mai dempuèi 2022).
Ma Tajan (sec. generala adjoncha) : lo CAEOC fa pas partit de las instàncias per lesquelle un PV fa besonh. Los documents de trabalh transmés sufison. Organizacion sindicala s’èra ausit mas cada departament a son istòria e donc vòlon daissar la man liura a las DASEN. Pertocant las datas de las GTD, los servicis an tanben d’autras constrenchas e obligacions. Los GTD se devon tenir abans los CAEOCs.
M. Agar (IPR) dich que i a pas de règla per las datas de las GTD. Merceja l’OPLO d’armonizar las datas d’aquelas reünions sus las 2 acadèmias, çò que melhora lor tenguda en evitant los encambament de las datas.
M. Blachon (OPLO) rampèla que la convencion estipula malgrat que las GTD se degan far en amont de las CDEN.
DSDEN 09 explica que lo GT es estat retardat per poder conéisser lo movement.
M. Lepoint (UNSA) demanda donc a èsser convidat al Gtd’Arièja qu’aurà luòc après lo CAEOC.
M. Agar (IPR) fa la presentacion dels efectius e establiments.
M. Isopet (CREO) senhala que las chifras presentadas son los de l’annada 2021-22.
>Seràn actualizats amb aqueles transmés en decembre.
M. Rei Bèthvéder (CREO) demanda dels mejans especifics, normals (coma en Bretanha). Evòca los problèmas de recrutament, demanda de pòstes suplementaris per las SB per aver una politica ambiciosa.
M. Denis (sec.gal) afirma que se manca de competéncias, pas de mejans.
Ma Sompairac (FSU) remarca sus la carta escolara 1èr gra. Fòrça escòlas son agachadas per la carta escolara e lo mòde de comptatge es pas bon. Caldriá separar los occitanistas dels non occitanistas pendent los comptatges.
Ma Larané (FCPE 32) apièja, M. Rei Bèthvéder (CREO) tanben.
M. Docina (IEN82) precisa que cada departament a son especificitat. Qué los comptatges tenon compte del quantitatiu e de qualitatiu. Cada tip d’organizacion (classas miralh, un professor una lenga…) a un impacte diferent sus la carta escolara.
M. Denis (sec.gal) assegura que l’analisi de cada escòla es benvolenta, mas vigilanta.
M. Agar (IPR) continua la presentacion del diapositiva.
Ma Manzatto (FSU) insistís sus l’iniciation generalizada, sola modalitat d’aver una ofèrta pertot e la possibilitat de recrutar largament en opcion. Dins lo 65, èra un còp èra una realitat e permetiá un bon recrutament. Es ara solament dins la mitat dels collègis. generalizada, ara ½.
M. Denis (sec.gal) afirma recensar e far progressar sus la sensibilizacion.
Ma Ralu (Òc-bi) demanda qual percentatge dels 6° son tocat per la sensibilizacion ?
M. Denis (sec.gal) parla de 6529 escolans sus mai o mens 25000.
M. Agar (IPR) anóncia 5 abilitacions de PE + 2 PCL e per Ensenhar 6PE + 1PLC
M. Denis (sec.gal) soslinha l’eficacitat d’aqueles dispositius.
Ma Ralu (Òc-bi) demanda se l’abilitacion de nivèl 2 permetrà als PE d’èsser en classa bilingua ? Soslinha l’importància d’aver una lista dels personals competents en occitan dins l’acadèmia.
M. Agar (IPR) explica que los ensenhaires son volontaris per se formar mas qu’aquò implique pas de mobilitat. Las ressorsas son conegudas e pòdon èsser utilizada s’i a una SB al ras.
Ma Manzato (SNES) demanda l’obertura d’autras valéncias al CAPES.
M. Agar (IPR) afirma qu’aquela demanda es ja estada remontada.
M. Isopet (CREO) afirma que cal mai de borsas Ensenhar a l’imatge de la situacion en còrs e que las PE abilitats en occitan ensenhen en occitan dins lor escòla.
M. Denis (sec.gal) refusa d’adaptar la carta dels ensenhaments a la situacion geografica dels ensenhaires.
M Rei Bèthvéder (CREO) demanda d’una vertadièra cartografia de las ressorsas per ajudar a una gestion melhora dels RH.
M. Docina (IEN82) Los personals pòdon èsser mobilizats en SB. La question de l’engatjament : sus ensenhar eles actent una volontat de mobilitats, eles se posicionament tanben sus la formacion academica e segon la responsa se los selecciona o pas.
M. Pugin (CD65) demanda las chifras dels recrutaments per departament e de las precisions sus las localizacions.
M. Agar (IPR) evòca las certificacions complementàrias dels professors de totas disciplinas per un certificacion en lenga. Aquela validacion de competéncias a valor nacionala, identifica de personas ressorsas. Dobèrta aquela annada a l’occitan a permés una abilitacion provisòria. L’an que ven serà obèrta al 1° gra.
IA81 fa remarcar l’importància d’aquela certificacion pel dispositiu EMIL,
La FSU evòca lo seguit d’un escabòt es un pauc complèx. «S’a donc just las chifras dels admeses al CRPE sus l’acadèmia mas se sap pas quantes an contunhat en occitan».
Blachon (OPLO) de las enquèstas son menadas dins Aude, Erau, L’Òlt e Losera. Prepausa son ajuda per localizar las ressorsas dormentas.
Ma Sompairac (FSU) soslinha que las condicions de trabalh complicadas pels collègas que possan segurament a l’abandon de l’occitan mai que d’o causir.
M. Denis (sec.gal) afirma que las mutacions geograficas son tanben per convenéncias personalas.
M. Agar (IPR) presenta divèrses projèctes.
M. Rozan (Cultura) desvolopa en parlant d’Adage que presenta de projèctes a l’entorn de la literatura, la musica, lo cant, lo patrimòni (archius departamentals), la dança, l’espòrt e las arts del gost. Tòcan pas solament d’escolans d’occitan. Rampèla que lo Pass cultura tòca los escolans de la 6° a la 3°. Per aquò las estructuras se devon referenciar per prepausar lors ofèrtas. Evòca enfin lo desvolopament de projèctes de web-ràdio.
M. Denis (sec.gal) s’estona que i aja pas cap de projècte remontat al CNR (conselh nacional de la refondacion) mentre que i a de budgèts.
M. Agar (IPR) presenta las formacions universitàrias.
Ma Tajan (sec.gen. Adj.) anóncia l’obertura de la SB Encaussa-Montbrun (dpt 32) e las divèrsas montadas d’efectius.
M. Denis (sec.gal) i vei la pròva que s’es pas dins lo « non desvolopament ».
Ma Manzato (SNES) questiona sus l’atribucion d’un mièg pòsta sus l’ecole d’Aussun dins lo 65, un maitre formator dins lo 65 ? Fa remarcar qu’al licèu La Ròca de Rodés es impossibla de contunhar en segonda.
IA 65 : serà confortat. «S’espèra de saber que s’i va metre. Pel mèstre formator : se veirà en GTD».
Ma Ralu (Òc-bi), Ma Lago (SNES) e M. Rei Bèthvéder (CREO) evòcan las dificultats o l’impossibilitat de cumul de las opcions en licèu (Exemple de l’Isla de Baish) e es parièr dins d’unes collègis.
M. Agar (IPR) rampèla qu’existís la solucion de l’ensenhament pel CNED.
M. Blachon (OPLO) alèrta lo rectorat qu’interpretar los efectius coma una demanda es pas corrècte, las constrenchas restrenhon fòrça la demanda, que per contra se fa jorn quand la proposicion se fa dins un quadre normal.
Ma Ralu (Òc-bi) e M. Isopet (CREO) alèrtan sus la situacion de la falsa DNL SVT o mièg-DNL del collègi de St Seren.
Responsas agaçadas de M. Agar (IPR) e de dòna Tajan (sec.gen.adj) «se fa ja fòrça per Sant Seren, es ja plan».
Ma Manzatto (SNES) torna sul problèma de la manca de material pedagogic.
M. Tajan (CANOPÉ) soslinha que la demanda a totjorn existit, cal formular las demandas per arbitratge nacional.
M. Ribièra (Region OPM) explica que lo CAPOC produtz de material pedagogic amb l’ajuda de 3 financiaires (Novèla Aquitània, Occitània, CD64) e de las ressorsas umanas de l’Educacion nacionala. Pel segondari los obratges d’istòria-geografia de 5° e 4° seràn editats en numeric. Cal far remontar las demandas concrètas. D’arbitratges seràn faches en foncion dels budgèts.
M. Lepoint (UNSA) senhala que la Comuna de Montalban jòga pas lo jòc de l’informacion sul bilingüisme (escòlas Camille Claudel e Dolto) al contra de la Comuna de Negrapelissa.
M. Isopet (CREO) demanda coma es possible que mentre que se parla d’una tala manca de ressorsas umanas lo ministèri responda al deputat Cabanel (Erau) l’8 de junh de 2023 que i auriá per l’occitan « tròp de ressorsas respècte als besonhs exprimits » .
M. Denis (sec.gal) ditz aver pas los elements qu’an menat aquela responsa.
CR E Isopet, N Rei Bèthvéder, V Lago
CR du CREO TLS du CAEOC du vendredi 16 juin 2023
Salle Olympe de Gouges du rectorat de Toulouse
Le recteur M. Fourar est absent.
Présents physiquement : V. Denis (Sec. Gal rectorat), A. Miquel-Val (DASEN 65), T. Doucines (IEN 82), D. Agar (IPR OC), Castillon (DRAC), F. Tajan ( Sec gal Adjointe), Rosan (Adage-PECCO-Culture), Tonati (81 hsp), JM Clerc (PE OC 31), V. Rivière (OPM), C Korol (Òc Bi), M Ralu (Òc Bi), Bascole (Felibrige), Rivail (CG32), Y Ribes (CG32), D Lacroix (Université), E Isopet (CREO TLS), N Rey-Bèthbéder (CREO TLS), V Lago (SNES) S Manzato (SNES), Couffin (Sud), C Lepoint (UNSA), C Noilhan (SGEN), Blanchon (OPLO),
Présents en visio : Escande (DSDEN 09), Layus (12), Verselle (12), Cotto (65), JB Guérin (Ens. Catho), B Ybakowski (32) Bergougnan (CD31), E Cros (Vice pdt CD82), N Verney (Calandreta), Larané (FCPE 32), Sompayrac (FSU), Landes (CD46), N Jessel, P. Angelo.
Ambiance : Sérieuse, sans accrochage avec parfois de réels points de désaccords marqués. Consensus sur la rareté de la RH. Le listing des personnels avec une compétence, établi avec l’aide de l’OPLO, est une avancée à exploiter.
Horaire : 10h12 Tour de table de présentation, arrivée du secrétaire général (Denis). Le CAEOC commence. Fin vers 12h35.
M. Denis (sec.gal) rappelle le développement et soutien de la LR « même si certains diront qu’on ne donne pas assez ». Il reprend l’ordre du jour. Il attend « vos retours et vos échanges pour voir certains points plus sensibles ». Il rappelle le contexte national de renouvellement de la convention cadre, sans avoir encore les éléments conclusifs.
Il évoque le partenariat très fructueux avec l’OPLO tout au long de l’année scolaire (formation, enquête, question RH primordiale) et la publication de postes POP.
M. Isopet (CREO) « Mesdames et Messieurs les membres du CAEOC, l’année scolaire 2022-23 s’achève. C’est le moment pour notre association des enseignants d’occitan de l’académie de Toulouse de faire un bilan, certes non exhaustif mais relativement édifiant, du rayonnement de l’enseignement de notre discipline.
Comme tout les ans, ce fut une joie de pouvoir transmettre la langue et la culture de notre région à tant d’élèves. Un bonheur de les voir progresser avec curiosité et envie.
Nos élèves ont participé à de nombreux projets : des rencontres avec des poètes, des écrivains, des conteurs, des graffeurs, des plasticiens, des musiciens, des chanteurs, des acteurs associatifs. Ils ont pu découvrir leur territoire, ses monuments, ses traditions, ses musées, et le faire découvrir à d’autres. Ils ont assisté à de nombreux spectacles : des contes, des pièces de théâtre, des concerts, un opera baroque en occitan. Ils ont voyagé dans notre région, dans la Grande Occitanie aussi, chez nos voisins d’au-delà des Pyrénées ou des Alpes, et ont découvert d’autres façons de vivre et d’autres façons de dire le monde.
En cette année où nous commémorons les 700 ans de la création de la première académie littéraire d’Europe, lo Consistòri del Gai Saber et son concours dels jòcs florals, nous ne pouvons manquer d’évoquer les participations de nos élèves aux nombreux concours littéraires, en prose et en vers, des Jeux Floraux, du Lecteur du Val, du prèmi Nadal Rei.
Nous tenons également à souligner l’engagement citoyen de nos élèves, à travers leur participations à des projets écologiques autour du développement durable, des projets intergénérationnels entre nos aînés et les plus jeunes, ou encore à l’animation de leur établissement et de leur commune.
L’ensemble de ces projets s’inscrit pleinement dans les programmes scolaires et concourt à l’acquisition du socle commun de connaissance, de compétence et de culture. En effet, la découverte de l’environnement proche, l’enseignement de l’Histoire-Géographie à travers l’étude du patrimoine local, le développement des compétences psycho-sociales ou encore l’acceptation de la diversité comme élément de la formation du citoyen, sont des enjeux partagés par tous les personnels de l’Éducation Nationale. Les enseignants d’occitan sont donc un rouage supplémentaire mais essentiel pour permettre aux élèves d’acquérir l’ensemble de ces connaissances et compétences.
Tout cela, monsieur le Recteur, les enseignants d’occitan en sont fiers. Comme nous tous ici. Et nous aimerions que tous les enfants de notre académie y aient accès.
La convention État-Région qui s’achève, « convention pour le développement et la structuration de l’enseignement de l’occitan » n’a pas été correctement appliquée. Nous en convenons tous. La dynamique de l’académie de Toulouse, qui était leader dans le domaine de l’enseignement de la langue et de la culture occitane, a été brisée. Aussi, nous désirons que dès la rentrée prochaine un plan clair, précis et ambitieux soit mis en œuvre pour appliquer la loi du 21 mai 2021 qui prescrit que « la langue régionale est une matière enseignée dans le cadre de l’horaire normal des écoles maternelles et élémentaires, des collèges et des lycées […], dans le but de proposer l’enseignement de la langue régionale à tous les élèves. » Merci. »
M. Couffin (Sud) pour l’intersyndicale SUD Education / SNES / SGEN -CFDT
« Monsieur le Secrétaire général, Mesdames et messieurs les membres du CAEOC, tout à l’heure nous parlerons des chiffres, bons ou mauvais qui nous préoccupent ici, le nombre d’élèves suivant un enseignement d’occitan dans notre académie. Permettez-nous cependant en notre qualité de représentants des personnels enseignants de nous intéresser à en premier lieu non pas aux élèves mais aux professeurs.
Être enseignant en occitan qu’est-ce que cela signifie ?
Être enseignant en occitan c’est travailler sur deux, trois, voire même quatre établissements différents. C’est travailler sans matériel pédagogique existant adaptés aux programmes en vigueur, ni produit par l’institution ni par des éditeurs privés. Le professeur d’occitan doit tout créer de A à Z. Il travaille seul évidemment puisqu’il est le seul enseignant de sa discipline dans l’établissement où il exerce.
Être enseignant en occitan c’est dans la majeure partie des cas être TZR académique. Affecté à l’année sur plusieurs établissements. En effet les enseignants d’occitan ont le privilège d’exercer dans une des seules disciplines où la Zone de Remplacement est l’Académie de Toulouse toute entière. D’une année sur l’autre rien ne garantit à un enseignant qu’on ne l’enverra pas travailler à l’autre bout de l’académie. Être enseignant en occitan c’est donc accepter cette précarité dans l’une de plus vaste académie du pays.
Être enseignant en occitan c’est bien souvent être pour les chefs d’établissement une variable d’ajustement. Bien qu’au-delà de deux heures, c’est hors DGH qu’est financé cet enseignement. Il est très fréquent que les chefs d’établissement, n’obtiennent pas toutes les heures correspondant aux besoins, voire même n’en obtiennent aucune ou bien les obtiennent et les utilise pour autre chose. Comment pourrait-il en être autrement puisqu’il n’y a aucune transparence sur le sujet et que syndicats et associations représentatives n’ont pas accès à ces données : savoir où et comment sont affectées les heures dévolues à l’enseignement de l’occitan.
Être enseignant en occitan c’est se battre pour pouvoir simplement accomplir sa mission. C’est lutter au quotidien pour recruter des élèves, dans un univers ou la mise en concurrence entre les options et enseignements est devenue la norme. Ainsi nos élèves se voient contraints tout au long de leur scolarité de devoir s’interroger sur la possibilité de poursuivre leur enseignement ou de devoir l’abandonner si leurs projets leur imposent de suivre un enseignement de maths « expertes » par exemple.
Être enseignant en occitan c’est être condamné à l’excellence ou à la disparition. Tout à l’heure M. l’Inspecteur Pédagogique Régional présentera quelques projets menés par nos collègues. Ils ne représentent qu’une infime partie du dynamisme et de l’innovation pédagogique dont font preuve nos collègues. Félicitons-nous de proposer un enseignement si créatif et ambitieux mais n’oublions nullement que derrière ces projets ce sont des dizaines d’heures de travail non-rétribuées, non reconnues pour des collègues vivant perpétuellement avec la menace que leur enseignement soit purement et simplement supprimé si les recrutements d’élèves s’avèrent insuffisants aux yeux de l’administration.
Et les enseignants eux-mêmes me direz-vous ? Dressent-ils un tableau si noir de leur situation ? Et bien en qualité de représentants syndicaux nous les avons interrogés à Sud Education avec nos camarades du SNES et du SGEN via une enquête anonyme adressée aux enseignants d’occitan à laquelle 53 collègues ont répondu. A la question « avez-vous lors des 5 dernières années été en arrêt de travail suite à une situation d’épuisement professionnel ? » : 45% ont répondu oui. A la question, « avez-vous au cours des 5 dernières années songé à démissionner de l’Education Nationale ou à effectuer un changement de discipline ? » : 65 % ont répondu oui. Enfin à la question, « vous considérez-vous en situation de souffrance professionnelle dans l’exercice de votre fonction d’enseignant d’occitan » : 72% ont répondu oui.
Voici donc des chiffres Monsieur le Secrétaire général, Mesdames et messieurs les membres du CAEOC, auxquels nous devrions également porter une attention toute particulière.
Enfin à la question ouverte « quelle mesure serait selon vous urgente pour améliorer la situation des enseignants d’occitan ? » Nos collègues malgré les situations extrêmement difficiles auxquelles ils sont confrontés ont dans leur grande majorité répondu de la manière suivante : notre situation s’améliorera lorsque l’enseignement de l’occitan sera développé, plus fort, plus présent sur le territoire avec un offre permettant un recrutement plus simple et une continuité pédagogique plus fluide.
Voilà pourquoi aujourd’hui Monsieur le Secrétaire général, Mesdames et messieurs les membres du CAEOC, malgré les innombrables revendications que nous serions légitimement en position de vous transmettre au nom de nos collègues de l’Académie et de Toulouse, Sud Education, le SNES et le SGEN-CFDT placent en toute première position la question de la Convention.
En effet la convention État-Région qui s’achève, « convention pour le développement et la structuration de l’enseignement de l’occitan » n’a pas été correctement appliquée. Nous en convenons tous. La dynamique de l’académie de Toulouse, qui était leader dans le domaine de l’enseignement de la langue et de la culture occitanes, a été brisée.
Aussi, nous désirons que dès la rentrée prochaine un plan clair, précis et ambitieux soit mis en œuvre pour appliquer la loi du 21 mai 2021 qui prescrit que « la langue régionale est une matière enseignée dans le cadre de l’horaire normal des écoles maternelles et élémentaires, des collèges et des lycées […], dans le but de proposer l’enseignement de la langue régionale à tous les élèves. » (art.7)
Merci de votre attention. »
Mme. Ralu (Oc-bi) renouvelle les remarques de la mauvaise application de la convention et appuie sur la volonté de voir la loi appliquée.
M. Lepoint (UNSA) constate que les syndicats n’y sont pas toujours invités aux Groupes de Travail départementaux (09, 31), souhait d’une harmonisation académique.
M. Denis (secrétaire général) signale que l’occitan bénéficie de moyens spéciaux. Il pense que l’académie est toujours « leader » dans l’enseignement de l’occitan. Mais il met en balance l’offre et la demande. Le Recteur travaille sur les réseaux d’établissements ruraux pour éviter d’avoir des enseignants isolés.
Il précise que les TZR académiques ne sont pas envoyés d’un côté à l’autre de l’académie.
Il affirme que les moyens hors DGH, réservés à l’occitan, sont la marque de l’engagement du Rectorat pour son développement. Les autres langues (portugais, italien) n’en bénéficient pas.
Le Rectorat mettra sur papier les compositions des instances départementales.
M. Isopet (CREO) : les GT doivent avoir des compositions, des dates et des ordres du jour équivalents.
Il demande également le retour à un CR officiel pour le CAEOC (ce qui ne se fait plus depuis 2022).
Mme Tajan (sec.gale adjointe) : le CAEOC ne fait pas parti des instances pour lesquelle un PV est nécessaire. Les documents de travail transmis suffisent. Organisation syndicale on était entendu mais chaque département à son histoire et donc ils veulent laisser la main libre aux DASEN. Quant aux dates des GTD, les services ont aussi d’autres contraintes et obligations. Les GTD doivent se tenir avant les CAEOCs.
M. Agar (IPR) dit qu’il n’y a pas de règle pour les dates des GTD. Il remercie l’OPLO d’harmoniser les dates de ces réunions sur les 2 académies, ce qui améliore leur tenue en évitant les chevauchement des dates.
M. Blachon (OPLO) rappelle que la convention stipule bien que les GTD doivent se faire en amont des CDEN.
DSDEN 09 explique que le GT a été retardé pour pouvoir connaître le mouvement.
M. Lepoint (UNSA) demande donc a être invité au Gtd’Ariège qui aura lieu après le CAEOC.
M. Agar (IPR) fait la présentation des effectifs et établissements.
M. Isopet (CREO) signale que les chiffres présentés sont ceux de l’année 2021-22.
>Ils seront actualisés avec ceux transmis en décembre.
M. Rey-Bèthbéder (CREO) demande des moyens spécifiques, normaux (comme en Bretagne). Il évoque les problèmes de recrutement, demande des postes supplémentaires pour les SB pour une politique ambitieuse.
M. Denis (sec.gal) affirme que l’on manque de compétences, pas de moyens.
Mme Sompayrac (FSU) remarque sur la carte scolaire 1er degré. Beaucoup d’écoles sont visées par la carte scolaire et le mode de comptage n’est pas bon. Il faudrait séparé les occitanistes des non occitanistes lors des comptages.
Mme Larané (FCPE 32) appuie, M. Rey-Bèthbéder (CREO) également.
M. Doucine (IEN82) précise que chaque département à sa spécificité. Que les comptages tiennent compte du quantitatif et de qualitatif. Chaque type d’organisation (classes miroir, un prof une langue…) a un impact différent sur la carte scolaire.
M. Denis (sec.gal) assure que l’analyse de chaque école est bienveillante, mais vigilante.
M. Agar (IPR) continue la présentation du diapo.
Mme Manzatto (SNES) insiste sur l’iniciation généralisée, seule modalité d’avoir une offre partout et la possibilité de recruter largement en option. Dans le 65, elle était autrefois une réalité et permettait un bon recrutement. Elle est maintenant seulement dans la moitié des collèges. généralisée, maintenant ½.
M. Denis (sec.gal) affirme recenser et faire progresser sur la sensibilisation.
Mme Ralu (Oc-bi) demande quel pourcentage des 6° sont touché par la sensibilisation ?
M. Denis (sec.gal) parle de 6529 élèves sur environ 25OOO.
M. Agar (IPR) annonce 5 habilitations de PE + 2 PCL et pour Ensenhar 6PE + 1PLC
M. Denis (sec.gal) souligne l’efficacité de ces dispositifs.
Mme Ralu (Oc-bi) demande si l’habilitation de niveau 2 permettra aux PE d’être en classe bilingue ? Elle souligne l’importance d’avoir une liste des personnels compétents en occitan dans l’académie.
M. Agar (IPR) explique que les enseignants sont volontaires pour se former mais que cela n’implique pas de la mobilité. Les ressources sont connues et peuvent être utilisée si il y a une SB à proximité.
Mme Manzato (SNES) demande l’ouverture d’autres valences au CAPES.
M. Agar (IPR) affirme que cette demande a déjà été remontée.
M. Isopet (CREO) affirme qu’il faut plus de bourses Ensenhar à l’image de la situation en corse et que les PE habilités en occitan enseignent en occitan dans leur école.
M. Denis (sec.gal) refuse d’adapter la carte des enseignements à la situation géographique des enseignants.
M Rey-Bèthbéder (CREO) demande d’une vraie cartographie des ressources pour aider à une meilleure gestion des RH.
M. Doucine (IEN82) Les personnels peuvent être mobilisés en SB. La question de l’engagement : sur ensenhar ils actent une volonté de mobilités, ils se positionnement aussi sur la formation académique et selon la réponse on les sélectionne ou pas.
M. Pugin (CD65) demande les chiffres des recrutements par département et des précisions sur les localisations.
M. AGAR (IPR) évoque les certifications complémentaires des professeurs de toutes disciplines pour un certification en langue. Cette validation de compétences à valeur nationale, identifie des personnes ressources. Ouverte cette année à l’occitan elle a permis une habilitation provisoire. L’année prochaine elle sera ouverte au 1° degré.
IA81 fait remarquer l’importance de cette certification pour le dispositif EMIL,
La FSU évoque le suivi de cohorte est un peu complexe. «On a donc juste les chiffres des admis au CRPE sur l’académie mais on ne sait pas combien ont continué en occitan».
Blachon (OPLO) des enquêtes sont menées dans l’Aude, l’Hérault, le Lot et la Lozère. Il propose son aide pour localiser les ressources dormantes.
Mme Sompayrac (FSU) souligne que les conditions de travail compliquées pour les collègues qui poussent certainement à l’abandon de l’occitan plus que de le choisir.
M. Denis (sec.gal) affirme que les mutations géographiques sont aussi pour convenances personnelles.
M. Agar (IPR) présente divers projets.
M. Rozan (Culture) développe en parlant d’Adage qui présente des projets autour de la littérature, la musique, le chant, le patrimoine (archives départementales), la danse, le sport et les arts du goût. Ils ne touchent pas seulement des élèves d’occitan. Il rappelle que le PASS culture touche les élèves de la 6° à la 3°. Pour cela les structures doivent se référencer pour proposer leurs offres. Il évoque enfin le développement de projets de web-radio.
M. Denis (sec.gal) s’étonne qu’il n’y ait aucun projet remonté au CNR (conseil national de la refondation) alors qu’il y a des budgets.
M. Agar (IPR) présente les formations universitaires.
Mme Tajan (sec.gale. Adj.) annonce l’ouverture de la SB Encausse-Montbrun et les diverses montées d’effectifs.
M. Denis (sec.gal) y voit la preuve qu’on n’est pas dans le « non développement ».
Mme Manzato (SNES) questionne sur l’attribution d’un demi poste sur l’ecole d’Aussun dans le 65, un maitre formateur dans le 65 ? Fait remarquer qu’au lycée Larroque de Rodez il est impossible de continuer en seconde.
IA 65 : ce sera conforté. «On attend de savoir qui on va y mettre. Pour le maître formateur : on verra en GTD».
Mme Ralu (Oc-bi), Mme Lago (SNES) et M. Rei Bèthvéder (CREO) évoquent les difficultés ou l’impossibilité de cumul des options en lycée (Exemple de l’Isle-Jourdain) et également dans certains collèges.
M. Agar (IPR) rappelle qu’il existe la solution de l’enseignement par le CNED.
M. Blachon (OPLO) alerte le rectorat qu’interpréter les effectifs comme une demande n’est pas correct, les contraintes restreignent fortement la demande, qui par contre se fait jour lorsque la proposition se fait dans un cadre normal..
Mme Ralu (Oc-bi) et M. Isopet (CREO) alertent sur la situation de la fausse DNL SVT ou demi-DNL du collège de St Ceré.
Réponses agacées de M. Agar (IPR) et Mme Tajan (sec.gale.adj) «on fait déjà beaucoup pour St Céré, c’est déjà bien».
Mme Manzato (SNES) revient sur le problème du manque de matériel pédagogique.
M. Tajan (CANOPE) souligne que la demande a toujours existé, il faut formuler les demandes pour arbitrage national.
M. Rivière (Région OPM) explique que le CAPOC produit du materiel pédagogique avec l’aide de 3 financeurs (Nouvelle Aquitaine, Occitanie, CD64) et des ressources humaines de l’Éducation nationale. Pour le secondaire les ouvrages d’histoire-géographie de 5° et 4° seront édités en numérique. Il faut faire remonter les demandes concrètes. Des arbitrages seront faits en fonction des budgets.
M. Lepoint (UNSA) signale que la Mairie de Montauban ne joue pas le jeu de l’information sur le bilinguisme (écoles Camille Claudel et Dolto) au contraire de la Mairie de Nègrepelisse.
M. Isopet (CREO) demande comment est-il possible qu’alors que l’on parle d’un tel manque de ressources humaines le ministère réponde au député Cabanel (Hérault) le 8 juin 2023 qu’il y aurait pour l’occitan « trop de ressources par rapport aux besoins exprimés » .
M. Denis (sec.gal) dit ne pas avoir les éléments qui ont amené cette réponse.
CR E Isopet, N Rey-Bèthbéder, V Lago
