13-07-2021 – Presentacion deu site d’escambis de documents Viaeduc

PartagerShare on FacebookTweet about this on TwitterShare on Google+

Adieu a totas e totes qu’ensenhatz l’occitan,

La comission del 2d  gra que s’èra amassada lo 31 de mai de 2021 e a notadament decidit d’una granda campanha d’informacion al prèp dels professors per far conéisser los apleches de mutualizacion de progressions e d’activitats pedagogicas existents. D’efièch, nos a pas semblat necite de ne crear de novèls estent qu’aquò’s ja present sus la rantèla.

Convidam totes los ensenhaires a compartir lors corses, idèas e tanben los professors joves o, çò que pòt arribar, en pana d’inspiracion a venir se servir e puèi contribuir a far creisser la sèrva.

Cossí far ? 

Sufís simplament de s’inscriure sul site : https://www.viaeduc.fr/login amb son adreiça academica (prenom.nom@ac-… .fr) que tot ensenhaire, quitament contractual, possedís.

Un còp dins viaeduc, cercatz los grops en rapòrt amb l’occitan e i sètz, i a ja fòrças causas (es per aquò qu’avèm causit viaeduc, mas lo podèm totun encara apasturar).

Vos aconselham lo grop « Escambis de documents ». Es un grop privat e cal donc demandar un dret d’entrada mas es dejà pro ric. Vos encoratjam a partajar tanben per l’enriquir encara mai !

 

Presentacion de Thomas Hirondelle.

Ce contenu a été publié dans Actualitats acuèlh, Experiéncias pedagogicas, Non classé. Vous pouvez le mettre en favoris avec ce permalien.