08 10 22 AG CREO Tolosa

PartagerShare on FacebookTweet about this on TwitterShare on Google+

Dissabte 8 d’octobre de 2022

-AG CREO TOLOSA 2022-

Ostau d’Occitània de Tolosa. Sala Antonin Perbòsc.

De 9h40 a miègjorn.

 

Presents. : Barta, Boivert, Castaing, De Lorenzo, Duranton, Henri. Humbert, Isopet, Juniet, Labat (La Vath), F. Mercadièr, Miranda, Montagné (Montanhèr), G. Mercadièr, Rei Bèthvéder, J. Thomas (Tomàs), Veissière, Batbie (Vathvia).

Daidièr Agar (IPR occitan) representava lo sénher Rector.

Sylvain Blanchon representava l’OPLO.

E. Topalov, estudianta.

1- presentacion del bilanç d’activitat

– Letras a Delaunay (conselhièr de Castex), als elegits (regionals e nacionals), interpelacion del rector amb Oc-bi e los sindicats (?). Pas de responsa del rectorat ni del ministèri, mas sosten dels elegits.

– Questionaris als candidats a la presidenciala e las legislativas.

– Trabalh « normal » per aprestar los CAEOCs e los GTD amb los partenaris costumièrs.

– Jornada d’escambi sus « l’intergra » a la Region.

– Sosten al filme de Fourcou.

– Trabalh amb l’OPLO sul bilanç de la convencion, las accions a menar, los besonhs.

– Trabalh amb Oc-bi sus la futura convencion.

2- rapòrt moral (en annèxa)

Question a L’OPLO del F. Mercadièr sus l’accion en licèu qu’es passada a costat. Per exemple las granas de flors enviadas inutilas, lo regret de la limitacion de títols per Libe-libre. Cau escambis entre lo CREO e l’OPLO.

Agar : Enten las criticas, mas respond pas. Relèva lo projècte del CREO d’un acampament d’escolans bilingües, lo rectorat aimariá i èsser associat. 

OPLO : L’operacion Libre seràn pas benlèu relançada ongan pr’amor de la manca de subvencion. 

3- rapòrt financièr (en annèxa)

Rapòrt financièr adoptat a l’unanimitat.

4- punt sus la FELCO e la FLAREP (non legit en AG e plaçat en annèxa)

5- punt sus la dintrada :

– 09 M. Batbie. I a pas CPD occitan, mas una CPD lengas de bona volontat. Los GT se passan plan. Cau far un recensament dels regents ambe una competéncia en occitan. Cal un regent novèl. I a 2 SB. Dins lo 2d grad marcha plan a Foish Mirapeish e St Guironç, mas i a pas res mai en occitan a Pàmias.

– 12 (en annèxa)

– 31 (en annèxa)

– 32 (en annèxa)

– 46 C. Menassòl. Pas de novèla SB novèlas dempuèi 2011. Efectius que semblan en baisha leugièra en primièr grad. Pas de DNL en òc dins lo segondari estabilizada. Una zòna sinistrada : Fijac.

Agar : Al contrari, i a una volentat de desvolopar las DNL del ministèri. 

– 81 M-C. Boivert I a un problèma de CPD occitan : torna de conget longa malaudia, es a temps parcial e prendrà la retirada a la fin de l’an ; pel moment pas de solucion per la seguida. A Rocaguda los problèmas son nombroses. Mancan de professors, tanben a La Cauna e licèu de Masamet. Totjorn lo problèma de la SB Ayot (una ora d’occitan). De collègas abandonan l’occitan. Leugièra montada dels efectius en licèu.  Problèma de l’occitan qu’es sovent en concurréncia ambe fòrça dispositiu. 

Debat sul listing dels collègas ambe competéncias en occitan. Agar ditz qu’es en camin. Demanda perqué lo comunicar al CREO : per velhar a la bona utilizacion dels mejans umans e per (re)motivar los collègas que podrián ensenhar en occitan.

Demanda las remontadas dels besonhs amb los caps d’establiments, mas li es respondut qu’es justament aquí lo problèma (dificultats de comunicacions, leialtat dins las transmissions…)

– 82 Veyssiere : Dubertura d’una seguida de SB a Valença d’Agenés. A Moissac i aurà una montada dels efectius. Punt negatiu : recuol a Valença. A Moissac la direccion novèla de l’escòla a una representacion negativa de l’occitan.

– Privat Barta : Va plan dins lo 12 (amb de desplaçaments dins 3 establiments per la collèga), mas pas dins lo 81.  Pas d’ensenhament dins los autes departaments.  Fòra acadèmia : Bearn e Niça. 

– universitat (en annèxa)

6- projèctes a venir

-accion en justícia ? NRB ditz que cal prevéser una accion en justícia sus la generalizacion qu’es legala e pas aplicada. Presa de contact amb un avocat. 

Gilabèrt Mercadièr : PQVNL pòt ajudar. La lei pren l’exemple de la Corsega. Cau aplicar la lei. Cau ajustar la lei au CR de l’AG.

Agar : Lo mot generalizacion es pas dins la lei. Parla d’ofèrta dubèrta a tots.

7- eleccion del CA e del Burèu

Eric BARTA (81- 2°), Murièl BATBIE (09- 2°), Maria-Cristina BOIVERTGwenael CANY (81- 2°), Olivièr CAPÒNI (81-2°), CASTAING (81-1°), Cecila CHAPDUÈLH (09- 2°), Joan-Baptista COURCELLE (81- 1°), Bruno DURANTON (12- 2°), J-P FERRÈR (31- 2°), Magalí HENRI (32- 2°), Lèo HUMBERT, Emmanuèl ISOPET (82- 2°), Maxime JUNIET (81 – 2°), Sonià LABAT (31 – 2°), Virginia LAGO (32- 2°), Cristòl MENASSÒL (46-2°), Marièla MIRANDA (32- 2°), MONTAGNE (81- 1°) Nicolau REI BÈTHVÉDER (32- 2°), Rafèu SICHEL-BAZIN (Universitat), Cyril VEYSSIÈRE (82- 2°)

Burèu : reconduit coma l’an passat. Isopet (pdt) Lago (v-pdta) Rei-Bèthvéder (secretari) Courcelle (sec.adj.), Henri (clavaira), Duranton (clav. adj.)

Floran Mercadièr merceja lo Burèu per son trabalh. 

8- questions divèrsas

Los CREO departamentals versaràn 3 € al CREO academic (que ne balha 2 a la FELCO) coma decidit l’an passat.

M. Batbie : Atencion a la reforma del collègi  que s’anoncia…

Gilabèrt Mercadièr : Pas de rapòrt sortit del grand debat ont se parla de las LR. Pas de publicacion (quitament als organismes concernits) del rapòrt interministerial sus l’occitan. Es enterrat al MEN.

NRB, Mercadièr, OPLO : Caldriá organizar un rencontre ambe los elegits locals sus la lei Molac.

ANNÈXAS

1- Rapòrt moral

D’ont venèm ? L’an passat notavi dos elements positius per l’ensenhament de la lenga e de la cultura nòstra : l’aplicacion (enfin!) de la convencion Estat-Region e la lei Molac. Pensàvem qu’anava menar un vam novèl. Sembla pas encara arribat. Mas nos cal contunhar de butar qu’es justament lo moment ont se fa lo bilanç e s’escriu la futura convencion. Per la lei Molac, a pas encara portat frucha, mas justament lo collòqui de la FLAREP a Rèna (del 22 al 24 d’octobre) serà en partida virat cap a la question de l’aplicacion d’aquesta lei. Ne caldrà tirar d’ensenhaments.

Al nivèl academic, los dos CAEOC menèron pas cap d’avançada. Son a l’imatge de las relacions amb lo Rectorat dempuèi 2 ans : escotan pas, o si escotan fan quitament pas signe qu’an ausit, e contunhan de debanar un presic sens cap ni coeta, a costat de la realitat vertadièra. Çò que s’apèla un dialògue de sord.

Per fa cort, pas de cambiament dins la politica rectorala : pas de seccion bilinga novèla, totjorn tant de dificultats dins lo segondari, un recrutament del primièr e del segond gra minimal, la perda d’un pòste a l’universitat. Parlem pas de la « gestion » de las ressorças umanas… mancam d’ensenhaires e de remplaçants, mas degun nos sap pas dire ont son los que foguèron formats. E quand de collègas, descorats pels trabucs qu’encontran per ensenhar l’occitan, decidisson d’arrestar, lo Rectorat i vei de « choix personnels de carrière ».

Malgrat aquò lo CREO avancèt sus qualques punts.

Avèm tengut una jornada d’escambis e de reflexions intergrà lo 12 de març a l’Ostal de Region. Escambis fruchoses. Nos demòra encara de trabalh per finalizar e difusir los espeches que n’avèm tirats e que seràn de bona ajuda per totes.

La demanda de subvencion portada a l’OPLO foguèt refusada, mas Benjamin Assié prepausèt de solucions. Las demandas de material pedagogic vidéo pòdon èsser mandada al CIRDOC ; es a nosautres d’establir çò que volèm, çò que nos fariá mestièr, lo mai precisament possible. Lo projècte de recampament dels collegians bilingües : la Region a cargat l’OPLO de l’organizacion, lor avèm balhat los elements qu’aviam ja aprestat. Enfin volèm perseguir las reflexions començadas a la prima : la Region es presta a nos aculhir e a pagar los fraisses de desplaçament dels participants. A nosautres d’organizar la jornada e lo trabalh.

Las relacions amb l’OPLO son puslèu bonas, amai esperam de còps mai de sosten de lor part. Lo trabalh amb Oc-bi totjorn de qualitat e los Escambis Occitan de la Davalada, en relacion amb l’Escòla Occitana d’Estiu, permetèron de bons moments creatius.

Al nivèl associatiu, podèm regretar que totes los ensenhaires aderiscan pas encara. Çò mai domatge es la manca d’estructuracion dins los departaments d’Arièja, Òlt e Nautas Pirenèas. Nos i caldrà encara trabalhar.

Enfin, nos va càler trobar de finançaments, que l’associacion, sens despensar res, perd d’argent ! Una autra direccion de trabalh !

2- Bilanç de la dintrada

AVAIRON

1- Situacion generala :

1-1 Dins lo primari

– bilinguisme dins 15 classas per 746 escolans (4.6 % dels efectius totals).

– l’objectiu de la convencion qu’èra de 6.8 % es pas estat emplenat.

– 32 PE an lo CRPE bilingue + un vintenant de PE an de competéncias en occitan.

– ADOC 12 fa una iniciacion dins las escòlas primàrias fòrta tocant mai de 5000 dròlles e mai de 140 classas.

– projèctes nombroses : projècte de l’acadèmia de Montpelhièr, vidèo sul plurilinguisme a l’escòla de Marcilhac.

– pas de dubèrturas de classas bilinguas dempuèi 2010, blocatge sul projècte de Rodés.

1-2 Dins lo segondari

– pèrda d’efectius en liçèu, manten en collègi amb progression ençò dels bilingues (6 collègis) mas fragilitats tanben (Milhau, Naucèla, La Vila).

2- Relacions amb la DASEN, las collectivitats

– dos gropes de trabalh a la prima que se son pas mal passats mas pas d’engatjaments fèrmes de la DASEN (passam la mitat del temps far los constats sens engatjar de solucions…).

– sosten del despartament globalament.

3- Situacions dels collègas.

– Lassièra qu’es de mai en mai fòrta i comprés ençò de collègas plan motivats, militants de tria, que fan un trabalh remirable dempuèi d’annadas.

– Mantunas demissions en primari.

– mesa en concurréncia de mai en mai fòrta, sentiment d’isolament tanben que se renfòrça.

 

GARONA NAUTA

País Tolosan

Creissença dels efectius en segonda a Tolosa Sant Sarnin, mas la situacion es pas simpla perque las derrogacions son aleatòrias. Los de las SB de Murèth aguèron lor derrogacion.

A Murèth i a pas las oras reglementàrias prometudas en occitan. Totjorn pas d’Occitan al licèu.

Malgrat las promèssas pas de SB a Èunas e Pinsaguèth.

A Fontsòrbas leugèra montada dels efectius en licèu.

Comenge

Aurinhac, RAS

Licèu Bagatelle, St Gaudenç

petiva aumentacion deths efectius : que passi de 3 a 11 liceans en 2da

mès a pena 2 en 1ra e 4 en Terminala

Pr’amor deth EDT, 2 liceanas en seria tecnologica n’an cap podut tornar prénguer era opcion en Terminala.

Aspèth, RAS

Sent Biat, RAS

L’Isla de Naut, RAS

messatge de Sonia

Montrejau : 3.75 (rectorat),

Lo cap de l’an passat aviá aimablament negociat amb D. Agar de me botar 1h de mai de mon jos servici en 3° (en m’avisant d’aquò lo darrièr jorn) e fin finala lo cap d’ongan me diguèt que capitèt pas a la botar dins l’EDT donc pas de cambiament : 3.75 balhadas oficialament pel rectorat e pas res engatjat per l’establiment (ne fau 4 en realitat, de qu’es aquò aquel 0.75 ?)

Saliás :  3.5 (1.5 rectorat + 2h jos servici)

1.5 balhadas oficialament per l’iniciacion + la pujada de la 5ena (n’aviái 2 l’an passat sonque per l’iniciacion…)

Lo cap me botèt 2h de mai (de mon jos servici sens avisar Agar nimai ieu meteissa…)

Aquò fa que las 4 classas de 6ena auràn 1h d’occitan 1 setmana sus 2 l’annada tota (2h) e la classa de 5ena aurà 1h30 d’occitan.

0 balhada per l’establiment

Bolonha : 5h occitan (1.75 rectorat + 2h establiment + 1.25 jos servici) + 1h AP jos servici

Aquí compreni pas tot e ai pas agut léser e veire la principala, mas… Es dins aquel collègi qu’aviái senhalat la manca d’oras (en comparason a la convencion) e coma demorava 0.75 dins lo danés aviái prepausat d’o far passar dins las oras engatjadas per l’occitan per poder arribar al compte mitic (pel rectorat) de 2h engatjadas per l’establiment = lo rectorat balha lo demai per completar. Evidentament, Agar li diguèt que se podiá pas far aital mas que podiá prene sus mon jos servici. Donc a Bolonha i a 3.75 (2h balhadas per l’establement e 1.75 pel rectorat) mas ne farai 5 (l’an passat ne fasiái 3).

Sent Gaudenç (Leclerc), Le Hosseret, Luishon → pas de novèla, qu’imagini que tot va plan…

Luishon (primari, Mathieu Barés)

Tara escòla de Banhères, ath nivèu deth occitan, n’i a pas de gròs problèma en efèit, ua collèga ei estada nomada en renfòrt e que’m completa eth men 80%, donc eras demandas son estadas presas en compte. Qu’èm a 45 mainatges en tot, de MS a CM1… Que cau esperar qu’era collèga demòre pr’amor que demanda eth Ineat-Exeat de cap ath 65… Que mos podem donc viste hèit arretrobar en deficit d’ua annada ara auta…

que calerà anticipar era pujada deths CM2 en 6au (prumèra promocion bilingua a anar nath collegi) → qui nà ensenhar era DNL (R. Lassalle que hè Francés) ? Quinas oras en opcion ? Actualament, n’i a cap arren siesau.

Eth Comenge que patish dera abséncia d’un Conselhèr Peda. Eth projècte Canta gafet que permet despuish 4 ans de hèr ua ligason CM-6au (enguan en bassin de Montrejau), gràcia ath trebalh deth CPD d’Educacion Musicala Eric Marilleau mès n’arremplaça cap eth trebalh d’un CPD Oc.

On n’èm dera « prospeccion » anonciada en grope de trebalh departamentau en junh de 2021 nà ensajar de dubèrder ua seccion bilingua a St Gaudenç ?

Arrencontra dam eths elijuts :

– que som prèst a arrencontrar eth mèra de Sent Gaudenç nà parlà’u de seccion bilingua

– RDV pres dam eth deputat PS Aviragnet aras vacanças d’octobre nà parlar dera situacion deth occitan ena 8au circonscripcion.

GÈRS

 

Bilanç annada 2022 CREO 32

1) 2nd grad:

-Aumentacion de las òras en Gèrs mès faussada.

En hèit, pujada de las òras en las seccions bilingüas ( Ex : 5 òras de mei a l’Isla de Baish ) mès diminucion en opcion.

Ex : Pèrta de 17 òras 30 en opcion dens lo Gèrs

  • Collège de Salinis : besoin de 4h mais seulement 1h30 allouées par le Rectorat et 1h30 par l’établissement.

  • Collège de Vic : besoin de 6h mais seulement 3h30 allouées par le Rectorat et 1h30 par l’établissement.

  • Collège Louise Michel à l’Isle-Jourdain : 21h30 allouées par le Rectorat (20h pour la section bilingue et 1h30 pour l’option). Les besoins exprimés sont de 25h30 au total. Une fois encore, il manque 4h pour assurer la continuité pédagogique.

  • Collège Eauze/Cazaubon : le Rectorat a doté 1h30, l’établissement d’autant, mais il manque encore 1h pour réaliser la sensibilisation en 6eme.

  • Collège de Condom : le Rectorat n’a pas doté, l’établissement de 0h30. Il manque donc 4h30.

  • Collège de Mauvezin : le Rectorat n’a rien donné, l’établissement a donné 1h30. Il manque 1h30.

  • Collège de Masseube : le Rectorat n’a rien donné. L’établissement a donné 3h. Il manque 1h.

  • Collège de Plaisance : le Rectorat a donné 4h. L’établissement n’a rien donné. Il manque 1h pour assurer l’enseignement en langue de la section bilingue, sans compter l’enseignement de la Discipline Non Linguistique qui devrait y être associé et est complètement omis.

  • Lycée de l’Isle-Jourdain : dotation rectorale de 11h30, rien de l’établissement, pour un besoin de 14H.

2) 1èr grad :

-Continuitat de las 3 seccions bilinguas en Gèrs. Ça que la , problèma dambe l’occitan renforçat a Vic.

Ex : A Vic, continuitat de la seccion bilingüa de la GS au CP. ( seccion draubida en seteme 2021 en MS/GS)

Occitan renforçat : 2 ans que dròlles an occitan renforçat en GS e CP e arren en CE1). Abandon de la continuitat au nivèu de l’occitan renforçat a Vic.

3) Accions CREO32

-Letras aus elegits ( deputats-senators-CD32 e maires on i a occitan) per rapòrt a la diminucion de las òras en opcion

-Responsa positiva de Gisèla Biemouret e Cazeneuve ( deputats ) e deu senator Montaugé.

Accions de G.Biemouret auprès deu rector e de J.Castex ( ancian 1èr ministre)

Entervista entre Cazeneuve e Dasen 32

Accion de Montaugé auprès deu rector e Dasen

Tot aqueras accions n’an pas balhat mejans suplementaris !

-Letras aus deputats a perpaus de l’occitan renforçat a Vic.

-Cazeneuve a responut qu’èra pas de la sua circonscripcion mès dit qu’èra favorabla e que defendèva l’occitan.

-Taupiac qu’ei intervengut auprès deu ministre de l’Educacion nacionala .

Pas de cambiament de la situacion peu moment….

4) Accions deu CREO 32 :

-organizacion de Jorn en òc per l’ancian CPD 32 ( l’Isla de Baish-Vic-Eusa-Aush-Plasença e Gimont?)

-Sensibizicacion a l’occitan en escòla mairala e primària a l’Isla de Baish e a Vic a l’escòla mairala finançadas peu CD 32 e las comunas. Segurament autas escòlas…

Òlt

Sent Seren : 2h 6ena (7)-5ena (3) bilingües

1h 6ena non bilingües (6).

1h 4ena-3ena bilingües e non bilingües (2-1)

1h30 4ena (2)-3ena (1) bilingües

1 de DNL es botada dins l’emplec del temps dels escolans de 6ena bilingües lo dimars de 9h a 10h. Espèri donc que los projèctes que soi a botar en plaça (veire mon corrièl precedent) seràn possibles per lor permetre d’aver una ora de mai en occitan.

> Me fau cagar a montar de dorsièrs per justificar l’oral de DNL 6ena Al collègi de Sent Seren : chants, danças e Musica amb Lot arts vivants, confection d’objècted amb pec-co e arts plasticas amb AQUÍ L’ÒC.

PIRENÈUS HAUTS

TARN

Situacion de l’ensenhament de l’occitan dins lo Tarn al 08/10/2022

1èr gra

-CPD : La sola CPD del departament arrestada dempuèi 1 an ven de tornar prene a 50% duscas la fin de l’annada. Partirà a la retirada en junh çò que pausa la question de son remplaçament. Pas de candidat al CAFIPEMF e degun pel moment vòl prene la seguida.

Manca de regents : 3 contractuals son estats recrutats sul site bilingüe de La Vaur. Demest aqueles novelaris dins lo mestièr, dos preparan lo concors mas l’ensenhament bilingüe a La Vaur es menaçat (sola seccion bilingüa de continuitat dins l’Academia de Tolosa). Lombers :comjat parental, 2 collègas per tres pòstes. Ròcaguda, 1 pòste a 50% non remplaçat, los escolans an pas qu’un ¼ de servici en occitan. Alhòt es pas mai un site bilingüe.

Dificultats de reparticions pedagogicas sus mai d’un site, baissa d’efectius que sembla mai fòrta que la baissa conjoncturala al nivèl nacional.

-Barradura de pòstes

-Manca de sosten dels IEN.

-La convencion es pas respectada. Lo grop de trabalh s’es reünit un sol còp en 2021-2022. Es una instància que consistís a legir las donadas chifradas per la DASEN e Rectorat, l’institucion se’n felicita, i a pas de mejans per far mai.

-Un punt positiu : l’escòla de Lisla d’Albigés ont se ganha una classa en seccion bilingüa passa a 6 classas.

2D gra

La Vaur – Licèu Las Casas

La direccion ensagèt de limitar encara las oras d’occitan e de DNL. Disiá que las oras balhadas (sagetadas o autras) èran pas bastas. Aprèp un rampèl dels tèxtes oficials o l’ajuda de l’IEN, sénher Agar, doas oras son tornadas per magia. Ça que la, per un bon fonccionament ne mancariá encara 2 perque los bilingües e los opcions de 2a son barrejats e an pas qu’una ora (alara que los bilingües son normalament LVB) e los opcions e los bilingües de primièra e Terminalas son tanben barrejats mas an al mens doas oras. Las oras son tanben sovent plaçadas lo divendres aprèp-miègjorn alara que l’establiment volguèt banalizar aquestas oras pels devers comuns e las espròvas de bac blanc çò que far que los escolans del cicle terminal van sovent mancar las oras (notadament la sola ora de DNL en terminala). Mon afectacion sus tres establiments ajudèt pas, mas la manca de volontat de la direccion es franc.

– De problèmas d’inscripcions recurrents (marrida formulacion del dorsièr e marrida compreneson dels parents) an fach que mantunes escolans bilingües an pas pogut far passar l’occitan en LVB, parièr per d’escolans opcion qu’avián demandat lo transfèrt LVC-LVB l’an passat e, combla de l’ironia, una escolana bilingüa dempuèi la mairala e qu’a seguit lo percors bilingüe dempuèi sa dintrada al licèu se retròba solament inscricha en DNL e l’occitan apareis pas sus son dorsièr pel bac. La direccion aviá dich de òc al mens per la LVC mas l’an totjorn pas fach (son tròp ocupats per d’autres subjèctes…). La familha ensaja una accion alprèp del Rectorat.

La Vaur – Collègi Las Clauzadas

La dubèrta se faguèt plan e la direccion, un pauc reticenta a la debuta, sembla mai positiva ara e facilita las causas. Veirem per la seguida.

Lisla d’Albigés– Collègi Le Clézio

La continuitat se passa plan mas los efectius oficialament tròp flac an forçat lo barrejament de nivèls (6ocbi-5ocbi e 4ocbi-3 bilangues) mas aquò reprodutz de marridas relacions conegudas a l’escòla mairala e d’unes 6a parlan ja d’arrestar perque vòlon pas pus contunhar ambe los 5a… Pel moment, se passa. Espèri que tendrà e que l’an que ven aurem mai de mejans.

 

TARN E GARONA

VALENÇA D’AGENÉS

Mairala : perda d’un ½ pòst

l’efectiu de l’escòla: las generacions a venir pòdon pas èsser mai bèlas qu’un desenat d’escolans.

Elementari : risca d’una pèrda de pòste non occ

Prepaus reculhits : Maëlle TEYCHENNÉ CLOAREC

Collègi Jean Rostand :

los efectius son en auça

-en 2021-22 : 14 collegians

-en 2022-23 : 20 collegians (13 en 6na e 7 en 5na)

Lo problèma que se pausa a Valença es que se son en seccion bilingüa, es pas possible per eles de prene latin en opcion o de practicar una activitat esportiva. Amb Maèla Teychenné regenta a l’escòla primària de Valença d’Agen avèm escrit al Sénher Agar per l’informar d’aquò mas a pas bolegat. Es domatge perque Valença es una vila  de rugbí amb una seccion rugbí importanta sul collègi e d’enfants del bilingüe i voldrián anar o dins d’unas autras activitats.

Esperam que la creissença se va manténer e augmentar perque lo recrutament se fa sus doas escòlas Dunas e Valença d’Agen.

Fin de l’opcion

l’an passat i aviá un opcion occitan al collègi mas ne demorava 3 que son passats en 3na e 4na. Los 3 an arrestat per manca de motivacion per una  e los 2 autres se serián retrobats : 1 en 3na sola e 1 en 4na sol.

Prepaus reculhits : Joan-Felipe JOULIA

NEGRAPELISSA Collègi : tota va plan

Gràcia a l’arribada dels CM2 de St Estèfe de Tulmon i a 33 bilingues en 6° (divisit en 2 gropes donc), 21 en 5°, 13 en 4° e 4 en 3°. Cada grope a 2h d’occitan e 3h d’ist-geo DNL.

3 Professors :

  • Linda De Lorenzo fa la lenga per un grope de 6°, los 5° e los 4°-3° (regropats)

  • Thibaut Menou fa la lenga e l’istoria a un grope de 6°.

  • Manu Isopet fa lo demai de l’istòria

Prepaus reculhits : Manu ISOPET

SANTE ESTÈFE DE TULMONT Mairala : los efectius son bons

Aquest an, ai 25 mejanas seccions e 18 bèlses amb 5 pichons

Prepaus reculhits : Christine LAHOREAU

MOISHAC Escòla del Sarlac : cambiament de direccion

Aquí lo ligam amb la direccion es mai aisit dins lo primièr gra çaquelà dempuèi l’arribada del director novèl cal tornar explicar los enjòcs d’un ensenhament bilingüe e tanben a la collèga d’UPE2A que pensa qu’integrir una classa bilingüe pòt èsser una suscarga pel novèls arribans (quitament se son ja locutors d’una lenga romanica)

Organizacion dels ensenhaments d’occitan : 4 professors d’occitan (3 en miralh : CP, CE1, CM1/CM2 e 1 en 1 mèstre doas lengas en CE2)

Besonh : una mesa en comun vertadièra de las ressorgas.

Prepaus reculhits : Juliette VALMARY

Collègi François Mitterrand : creacion d’una segonda DNL (SVT) en classa de tresena

Organizacion dels ensenhament d’occitan :

  • 6na 3h d’I-G, 2h de lenga, 0.33h d’SVT (9 escolans)

  • 5na 3h d’I-G, 2h de lenga, 0.33h d’SVT (8 escolans)

  • 4na 3h d’I-G, 2h de lenga, 0.33h d’SVT (14 escolans)

  • 3na 3h1/2 d’I-G, 2h de lenga, 1.5h d’SVT (11 escolans)

Professors :

  • Istòria-Geografia : Joan-Felipe Joulia

  • SVT : Sandrine Devaurs

  • Lenga : Cyril Veyssière

Pastenariat : Los Talhièrs de l’Energia e del Temps

Podèm parlar d’una direccion plan favorabla a l’occitan.

Arribada l’an que ven dels escolans de l’escòla del Sarlac

Licèu François Mitterrand : pèrda de 2h de cors

Gròssa casuda dels efectius :

  • Pas de 2sd

  • 1èra : 6 escolans

  • Terminala : 11 escolans

Besonh de comunicacion.

Prepaus reculhits : Cyril VEYSSIERE

LOS SARRASINS Collègi Jean-de-Prades : efectius en auça mas menaça de tampar

4 oras de cors en opcion.

5na : 8 escolans (2h)

4na-3na : 24 escolans (2h)

Punt a èsser atentiu : La direccion es oficialament contra l’occitan e vòl tampar. Me soi marcat al CA del collègi. Menaça de barrar se mens de 25 escolans en 5na l’an que ven.

Prepaus reculhits : Cyril VEYSSIERE

LA FRANCESA Collègi Antonin Perbòsc : las oras en baissa

sonque 3h per 4 nivèls

3 oras de seisena en mens

Pas d’iniciacion en 6na, an desaparegut dins la DGH del collègi

Prepaus reculhits : Nelly PUJOL

MONTUÈG

Licèu : 2sd annada après dobèrtura de las oras

2 oras per dos nivels (sda e primièra)

Prepaus reculhits : Nelly PUJOL

VERDUN DE GARONA Collègi (dubèrt i a 3 ans)

10 oras

= 4ena (2 oras d’oc e 3 oras ist geo en oc) son 10

= 5na (2 oras d’oc e 3 oras ist geo en oc) son 8

= 6na pas de pujada de las escòlas occitanas per de rasons divèrsas, me cal anar veire la directritz dins pauc de temps, per conéisser los efectius per l’an que ven e tanben la situacion de l’oc ailà.

MONTALBAN Collègi Azana

8 oras  = 3ena (2 oras en oc) son 9

                                                 = 4ena (2oras en oc) son 10

                                                 = 5ena (2 oras en oc) son 5

                                                 = 6ena ( 2 oras en oc) son 6

Aicí lo cap d’establiment es dubèrt a dubrir los corses als opcionals, per augmentar los efectius. Los qu’ai en cors, sortisson (quasi) totes de Camille Claudel, escòla occitan/francés.

En besonh, m’agradariá d’aver un esquèma sus cossí organizar una sortida o un viatge amb d’idèias de luòcs de visitar e  de trabalhar amb l’oc e ist geo. Benlèu existís ja quicòm amb las infos?

Ligam amb la direccion, son bonas, es ièu que manca de temps per subretot prepausar de projèctes.

Prepaus reculhits : Gaétan DEJEAN

Retorn representanta sindicala als grops de trabalh departamentals sus l’occitan (quans es convidada… e quand se debanan) :

rapòrt a la situacion de l’occitan : sèm pas sostenguts brica pel Dasen, ni pel IEN responsable de las lengas. Quand òm pausa una question es totjorn de la fauta del vesin (lo restorat per exemple).

I a pas mai de formacion. I pas de dinamica departamentala.

Per discutir regularament amb de collègas del primièr gra, n’i a qualqu’unas que se demandan se van pas arrestar d’ensenhar l’occitan e tornar dins l’ensenhament unilingüe, çò que serià castastrofic.

Aquela lassièra ven, entre autras causas, del fach que i a pas de contunh entre lo primièr gra e lo segond. Perqué contunhar a formar d’escolans en lenga se tot s’arrèsta al collègi ?

A Montalban per exemple, tot es fach per menar a l’abandon los escolans tre la 6ena.

M’arrèsti aquì si que non vau escriure un libre.

Prepaus reculhits : Delphine Born, regenta a l’escòla mairala Dolto

UNIVERSITAT

Rentrada UT2J

La rentrada a l’UT2J es marcada per de bonas nòvas. Mentre que l’universitat coneis al nivèl general una baissa dels efectius (- 5,2 %), las filièras d’Occitan an aumentat (+ 9,2 +). L’aumentacion es particularament sensibla dins lo master EVOCA (Estudi e Valorizacion dels patrimònis occitan e catalan), pròva que la novèla formula respond a una espèra.

Dins lo master MEEF 2nd gra, los mòbles son sauvats, globalament los efectius son estables, mas la desafeccion que tòca los mestièrs de l’ensenhament en general atenh tanben la preparacion al CAPES (amb una novèla refòrma ongan).

Al 9 d’octobre sèm totjorn sens saber se lo MEN publicarà lo programa de l’agregacion extèrna d’occitan, es una vergonha ! A l’UT2J en tot cas, tot es prèst pels corses (còla pedagogica, emplecs del temps…).

FELCO

Vaquí una partida dels trabalhs realizats per la FELCO aquesta annada. Ai ensajat de fa cortet (i a una partida mai precisa se interessa de monde…) e de tirar un pauc totas las polemicas o autras entre los diferents collectius…

D’analisas : rapòrt de l’IG sus las opcions, analisi sus las diferentas versions de la circulària de decembre de 2021 e prepausicions de cambiaments al ministèri, debuta del trabalh amb l’OPLO sus la novèla convencion

De comunicats de premsa : reaccion a la circulària, problèma per l’espròva d’istòria-geografia EMC pels escolans de tresena al DNB…

D’audiéncias al ministèri (IG de lengas regionalas…) o pels conselhièrs del primièr ministre maites còps dins l’annada

Un trabalh en collaboracion, pas totjorn aisida amb la FLAREP o lo collectiu PQVNL.

Un preséncia dins d’eveniments : l’Estivada, lo collòqui de la FLAREP sus l’isla de la Reunion, al congrés del SNES…

Un trabalh actiu al moment de las diferentas eleccions : presidencialas e legislativas amb PQVNL. Pauc de responsas per la presidenciala e un comunicat de las responsas per las eleccions legislativas amb un recapitulatiu despartament per despartament e circoncripcion per circonscripcion.

L’AG de la FELCO se tenguèt lo 8 de genièr.

Lo collòqui de la FLAREP aurà luòc en Bretanha a Rènas del 22 al 24 d’octobre

Vaquí un pauc mai en detalh e cronologicament mas pas plan organizat…

Estiu 2021 : Analisi del rapòrt de l’IG sus las opcions en licèu

Setembre de 2021 : Letra als rectors de las diferentas acadèmias en seguida de la lei Molac que foguèron difusidas per cada CREO regional (o per la FELCO se i aviá besonh, abséncia de CREO per exemple…)

Octobre de 2021 :

de J. Konopnicki al collòqui de la FLAREP sus l’isla de la Reunion.

7 d’octobre : La FELCO es recebuda al ministèri, aprestada amb los diferents CREO en particulièr lo nòstre.

Seguida de la preséncia de la FELCO al dintre de PQVNL (Per que vivan las nòstras lengas)

Analisis e remarcas sus las diferentas versions de la circulària que sortiguèt a la fin de 2021 (16 de decembre) puèi reaccions (letras e comunicats sus la version finala)

Trabalh en collaboracion amb Oc-Bi per exemple suls efectius.

Genièr de 2022 : AG de la FELCO a Montpellier

Apèl a la grèva del 12 de genièr

Letras als candidats a las eleccions presidencialas (amb PQVNL) mas pas gaire de responsas (cinc : Jadot, Melenchon, Poutou, Pécresse e Roussel )

Febrièr 2022 :

Audiéncia amb l’IG de lengas regionalas

Mars de 2022

Acamp telefonic per la FLAREP (representada per son preident) amb lo gabinet de J. Castex

En seguida, tensions entre la FLAREP e la FELCO sus la difusion d’aquelas rendètz-vos (foguèrem prevenguts plan tardièrament)

Abrial

Debuta de la soscadissa e dels escambis amb l’OPLO cap a la novèla convencion

Representacion de la FLAREP per la FELCO al congrés anual del SNES

Mai

Questionaments als candidats per las legilativas en comun amb PQVNL

Publicacion de las responsas dels candidats

Julhet

Comunicat en seguida de las difficultats ligadas a las espròvas del DNB en lenga regionala

La FELCO en audiéncia amb dos conselhièrs del novèl ministre de l’EN.

Demanda de RDV fisic al Ministre de l’Educacion nacionala.

Preséncia de la FELCO a l’Estivada

Ce contenu a été publié dans Actualitats CREO Tolosa, Vida intèrna Tolosa. Vous pouvez le mettre en favoris avec ce permalien.