21-11-20- Compte rendut de l’AG del CREO Lengadòc – 14 de novembre de 2020 – V. OC

De veire al format PDF 2011-21-CR AG CREO 2020 – sintèsi òc

Présents en visio

  • Fabienne Albert
  • Benoit Bolano
  • Cristòl Causse
  • Sylvan Chabaud
  • Deva Dauriac
  • Julien Konopnicki
  • Estèla Lame
  • Mélanie Laupies
  • Clémentine Mayzoué
  • Genevieve Paulet
  • Joelle Rossignol
  • Joseta Soliva
  • Marie Jeanne Verny

Excusés

  • Catherine Bataller
  • Guy Bonnet (pouvoir au bureau)
  • Jean-Claude Borie (pouvoir bureau)
  • Béatrice Bringué
  • Robin Chouleur
  • Magali Fraisse
  • Danis Galvier
  • Felip Gardy ((pouvoir MJ Verny)
  • Yan Lespoux
  • Felip Martel
  • Jaumeline Martin
  • Isabelle Nuel
  • Maxime Privat (pouvoir au bureau)
  • Celine Serva
  • Miquèla Stenta (pouvoir E.Lame)
  • Claire Torreilles

Votants par courriel

  • Magali Fraisse
  • Michel Lafon
  • Marie Maffre-Coulange
  • Jacqueline Martin
  • Isabelle Nuel
  • Claire Torreilles

L’acamp es dubèrt a 10h.

Rapòrt financièr – ajudas del CREO

Cf. los documents en linha : http://www.felco-creo.org/xxxx/.

Ajuda del CREO als projèctes pedagogics :

Abans de presentar lo rapòrt financier Joseta Soliva, clavaira, ditz que voldriá pas èsser soleta a decidir de l’atribucion d’ajudas. Demanda que se monte una comission per aquò faire e tanben que l’AG definiga de critèris d’atribucion.

Las proposicions seguentas son votadas a l’unanimitat pels presents a la visio e pels votants per corrièr :

  • Coma l’an passat, lo(s) portaire(s) del projècte fargarà(n) un dorsièr ont serà precisat l’establiment concernit, la descripcion del projècte e lo budjècte previsional.
  • Una comission causirà los projèctes en foncion dels objectius amb una plaça bèla per los objectius linguistics, subretot per las classas bilinguas.
  • Clementine Mayzoué se prepausa coma membre de la comission de causida per ajudar Joseta. Caldriá tanben un collèga del segond gra.
  • Coma l’an passat, los collègas que seràn ajudats per lo CREO deuràn fornir un retorn : fòtos, realizacions d’escolans, e, fòrça important, d’articles de premsa. Deuràn tanben mencionar l’ajuda del CREO dins lor comunicacion.

Presentacion rapòrt financièr e budgècte previsional

Lo rapòrt financièr es adoptat a l’unaminitat dels presents a la visio e dels votants per corrièr :

  • Lo novèl montant de las adesions per 2021-2022 (20€ normal / 10€ estudiant / 25€ amb Diari / 40€ amb lo Senhal) es adoptat a l’unaminitat dels presents a la visio e dels votants per corrièr.
  • Lo principi d’una ajuda als collègas per se formar en lenga es adoptat a l’unaminitat dels presents a la visio e dels votants per corrièr
  • Lo budgèt previsional es adoptat a l’unaminitat dels presents a la visio e dels votants per corrièr

NB : per 2020-2021, lo còst de la cotisacion demòra a 10 € (estudiants) 20 € (ensenhaires), 25 € (classas). D’ara en dabans, avèm dos biaisses de pagar :

Rapòrt moral : presentacion e discussion

Qualques precisions portadas a l’AG sus lo rapòrt moral, en linha a l’adreiça http://www.felco-creo.org/10-11-20-raport-moral-2019-2020-ag-creo-14-novembre-2020/.

Rectorat – signatura de la convencion

Per resumir çò escrich dins lo rapòrt, sèm passats d’un refus total de dialòg sus totas las questions pausadas al Rectorat a un bocin de dubertura deguda al manten de la pression del CREO conjugada a aquela de la Region.

Lo conselh academic de julhet anoncièt la signatura de la convencion adicionala a la convencion Estat / Regions signada en 2017. La Region e l’OPLO an obtengut que i aja d’objectius chifrats : 26 % d’aumentacion dels efectius bilingues. Lo CREO se regaudís d’aquela signatura esperada dempuèi d’annadas e mai se regreta d’èsser pas jamai estat sollicitat per legir lo tèxt que dins l’estat ont es estat signat conten de maladreças de formulacion.

Contact amb los elegits – tenguda de dorsièrs

Lo CREO soveta de contunhar d’èsser un interlocutor per los elegits, per l’OPLO, per lo rectorat. Son ròtle es diferent d’aquel dels collègas CPD o IPR qu’an un estatut institucional e donc un dever de reserva.

Solicitam los elegits per de questions academicas o per de questions globalas. Avèm de bons rapòrts amb lo conselh departamental d’Erau. Un cargat de mission deuriá èsser identificat coma conselhièr per l’occitan.

Sèm estats reçebuts a la comuna de Montpelhièr (15/09) e 3 adjunts èran presents a l’accion del 10/10 dins l’encastre de « Pour que vivent nos langues ».

Per resumir la discutida, per cada departament caldriá, dins l’ideal

1- fargar un dorsièr per rescontrar los elegits e discutir de l’estat dels luòcs.

Vaquí dos exemples de document de preparacion al rescontre :

2- fargar una demanda de subvencion pel CREO qu’es una associacion academica. Per lo moment, e dempuèi plan temps, sol lo CD 34 es sollicitat.

Ajuda als projèctes pedagogics

Lo CREO rampèla que lo CIRDOC a un annuari de la creacion en linha : https://occitanica.eu/fabrica. Senhala tanben que Sandra Juan es totjorn disponibla per faire de suggestions artisticas (s.juan@oc-cultura.eu).

Proposicion es facha de quichar sus los PEAC (cf. https://www.education.gouv.fr/le-parcours-d-education-artistique-et-culturelle-peac-4283) que son finançats sus una autra linha que l’occitan. L’idèa es de far dintrar l’occitan dins l’encastre de projèctes culturals generals e pas sonque dins l’encastre de las lengas regionalas.

Vida del CREO

Lo burèu a besonh de mai de mond (que comença d’arribar e mai que mai los joves) Maxime Privat respresentarà Gard, Joelle Rossignol Losera e Julien Konopnicki Aude. Robin Chouleur fa lo ligam amb l’INSPE de Carcassona.

Representacion del CREO dins la FELCO

Amb los novèls estatuts, i aurà dos delegats de cada CREO dins lo CA de la FELCO.

Benaset Bolano se prepausa per èsser representant en mai de MJ Verny per representar lo CREO Lengadòc.

Total festum 2021 e 2022 – visibilitat dels sites d’ensenhament public

Per Total festum 2021, recondusissèm lo programa previst per 2020 a Somièras : « Réalité et imaginaires de la garrigue ». La comuna a cambiat, cal reprene los contactes de l’an passat. Dempuèi l’AG, avèm aguda la proposicion de Danís Galvièr de contunhar de nos ajudar per los contacts amb la municipalitat e las estructuras culturalas.

Cal tanben pensar a Total FESTUM 2022. Seriá plan que se passe dins Aude o Losera e caldriá pensar a una formula que valorizariá lo departament.

D’unes exprimisson lor reticéncia per paur d’aver una carga de trabalh tròp gròssa. D’autres rampèlan que l’idèa es pas de cargar mai de collègas qu’o son ja, es puslèu que lo CREO venga portar sa pèira torn a torn dins cada departament : lo CREO a una vocacion academica.

Caldrà arrèstar una tematica per organizar la jornada. De la tematica seguirà l’endrech. La demanda de subvencion deu partir a la dintrada 2021. Imaginacion de totes sollicitada.

***

Cal mai de visibilitat per totes los sites ont se fai d’occitan. Es prepausat que lo CREO fargue un material de presentacion utilizable per aquò : enrotlaires amb noms dels establiments concernits ? plancardas coma se faguèt per lo 10 d’octòbre ? Lo CREO es preneire d’autras idèias.

Eleccion C.A e burèu

Clementina exprimís una reserva sus sa foncion d’encargada de comunicacion. La presidenta ten a la rassegurar : en defòra d’Ensenhad’òc per loqual comptam sus ela, farà çò que poirà, e çò que li agradarà de faire. Sèm segurs que sa formacion en info-com li dona de competéncias que degun mai a pas e que seràn plan utilas per la visibilitat del CREO.

Se remarca que lo C.A es encara « tròp » erautés. Caldriá un pauc mai de monde d’Aude, Gard e Losera. Amb la visio, se pòt faire d’acamps en presencial e distancial. Lo CREO espèra que serà mai aisit pels collègas d’aqueles despartaments de participar a la vida de l’associacion.

Per aquest an, es prepausat de votar sus la lista mandada abans l’AG, amb demanda a cadun de suggerir de personas novèlas per 2021-2022.

Vòte CA

  1. Albert Fabienne, Conseillère pédagogique Aude
  2. Bataller Catherine, Pr. collège lycée Clt-l’Hérault
  3. Bolano Benoît, Pr. école bilingue Montpellier
  4. Bringué Béatrice, Pr. collège Montpellier
  5. Chouleur Robin, INSPE Carcassonne
  6. Dauriac Déva, Pr. école bilingue Clt l’Hérault
  7. Fallet Cyril, Pr. école bilingue Montpellier
  8. Galvier Denis, Pr. école Sommières
  9. Giner Noémie, Pr. école bilingue Mireval
  10. Konopnicki Julien, Pr. certifié Narbonne
  11. Lame Estelle, Pr. Collège Clapiers
  12. Lopez Claire, Pr. des écoles Sète
  13. Martel Philippe, Pr. d’université émérite
  14. Martin Jacqueline, Conseillère pédagogique Gard
  15. Maury Carine, Pr. collège Montpellier
  16. Mayzoué Clémentine, Pr. école bilingue Béziers
  17. Ndiaye Marie-Catherine, Pr. collège Lunel
  18. Nuel Isabelle, Pr. école bilingue Mireval
  19. Paulet Geneviève, Conseillère pédagogique Lozère
  20. Privat Maxime, Pr. des écoles Mazac
  21. Serva Céline, Conseillère pédagogique Hérault
  22. Soliva Josette, Pr. des écoles Montpellier
  23. Ropars Marine, Pr. école bilingue Mireval
  24. Rossignol Joëlle, Pr. des écoles Mende
  25. Torreilles Claire, pr. retraitée
  26. Verny Marie Jeanne, Pr. d’université émérite

Vòte burèu

  • Verny MJ : presidenta
  • Bolano Benoit : vice-president
  • Soliva Joseta : clavaira
  • Konopnicki Julien : secretari, correspondent Aude
  • Torreilles Claire : secretària-adjunta
  • Mayzoue Clementina : cargada de comunicacion, cap-redactritz d’Ensenhad’òc
  • Privat Maxime : correspondent Gard
  • Joëla Rossignol : correspondenta Losera

Lo burèu e lo CA son adoptats a l’unaminitat dels presents a la visio e dels vòtes electronics.

L’acamp es clavat a miègjorn.

La secretària de sesilha : Clementina Mayzoué,

amb l’ajuda de las nòtas de B. Bolano, J. Konopniciki, J. Soliva, M.J. Verny.

Ce contenu a été publié dans Vida intèrna CREO Lengadòc. Vous pouvez le mettre en favoris avec ce permalien.