Collègas e amics,
Los testimoniatges, de quina mena que sián – fotografics e/o escriches – fan l’interès de nòstre butletin de ligason CREO (cf. http://www.felco-creo.org/07-09-19-ensenhadoc-74-bulletin-du-creo/). Son un ligam concrèt entre pròfs, de signes mandats als collègas que i reconoisson lor quotidan, o descobrisson lo dels autres.
Per lo numero que Clementina Mayzoue es a compausar, manca crudèlament de testimoniatges de totes los nivèls d’ensenhament, de paraulas per evocar las situacions que nos son fachas…
Verai qu’avèm passat un temps que lo quotidian èra puslèu l’inedit, l’estranh, la descobèrta cada jorn renovelada e sovent problematica.
Justament, vos pregam de pensar de mandar a l’adreiça : clementine.mayzoue@gmail.com – Clementine.Mayzoue2@ac-montpellier.fr – qualques linhas, qualques exemples de çò que vos e los escolans e las familhas avètz viscut.
- Avètz rescontrat de problèmas pedagogics ? De quin biais los avètz enfaciats ? Amb quinas aisinas ancianas o novèlas ? Avètz utilisat tal o tal site, per exemple la pagina creada per la FELCO : 08-04-20 – De ressorsas numericas per nòstre ensenhament
- De problèmas tecnics amb l’utilizacion generalizada de l’internet ?
- De pbs umans, de dificultats per contactar vòstre monde, de dificultats amb la ierarquia ?
- Avètz d’anecdòtas que testimònian de l’ambient d’aquel periòde especial ?
A vos de veire çò qu’es per agradar als collègas, a nos de nosar o tornar nosar los fials que nos religan…
Lo burèu del CREO acampat aqueste16 de junh.
