Sètz pas encara abonats al Diari ? Totas las informacions a la fin d’aquest article.
Una prerentrada en companhiá de la Marcela
Per la fin de l’estiu, entre nòstre numero de julhet sus lo fotbòl e lo de setembre, avem decidit de vos balhar enquera mai de Diari. Vos perpausam un biais de « pre-rentrada literària » en tornar sus nòstre fòra seria especiau Marcela Delpastre. Lo faguerem paréisser quò fai quasiment 1 an, per lo centenari de l’escrivana e poeta lemosina, mas era jussinca quí demorat sus papier.
Tots los articles – daus uns còps dins de las version aumentadas – son aura sus lo site dau Diari, coma la version numerica (PDF) dau numero.
Tot quò i avetz accès se setz abonat·da regular·a dau magazine, quò es un pauc un present de vacanças. E s’avetz pas d’abonament actiu… rendetz-vos en fin de newsletter per vos chausir ‘na formula !
Lo Diari fòra seria n°06 – Marcela Delpastre
De quilhs numeros especiaus ne’n avem pus en papier, que fugueren victimas de lor succès. Mas lo monde de l’IEO Lemosin ne’n an enquera a la Librariá occitana.
Chas nautres podretz per contra legir (mai telecharjar) la version numerica a plaser, dau moment qu’avetz un abonament en cors e que vos connectatz.
️ ‘Chaptar Lo Diari Delpastre – Legir Lo Diari Delpastre
️ Legir los articles sus Delpastre
Tots los articles de queu numero especiau dau Diari son aura publicats individualament en linha. Quauques uns, que chabissián pas en entier sus lo papier, tòrnan entau trobar una version lonja. Quò es lo cas per exemple de nòstra entrevuda de Jan dau Melhau, indispensabla. Clicatz sus un títol per legir un article en particular (se fau connectar e aver un abonament actiu).
- « La Marcèla, l’universala » per Silvan Chabaud
- « Entre conformisme e avantgardisme » per Miquèla Stenta
- « Las cadenas pesugas de la libertat » per Joan Pèire Cavaillé
- « Nòstras annadas Lemouzi » per Micheu Chapduelh
- « L’ethnographe et le bestiaire » per Christine Virolle Da Silva
- « Chausir » per Sandre Le Roy-Arnaud
- « Lo fideu », entrevuda de Jan dau Melhau
- « Illustrator daus pitits mondes », entrevuda de Jean-Marc Siméonin
- « Lo prumièr còp… » per Terèsa Canet
- « D’una lenga l’autra », entrevuda de Monique Burg e François Dumeaux
- « Marcela a l’aurelha », entrevuda de la Compagnie Lilo
- « Le chant végétal, théâtre et psychiatrie » per Juliette Kempf
- « Convidar Marcela en classa » per Martial Peyrouny
- « La place faite en breton à Delpastre » per Annaïg Le Naou
Per ne’n auvir mai
Una seria de 4 podcasts fugueren fachs l’an passat jos lo nom de Marcelle Delpastre ou le grand voyage immobile. Jan dau Melhau i es entrevistat per Jan Francés Vinhaud de l’IEO Lemosin sus la vita, l’òbra poetica, l’òbra etnografica e los memòris de l’escrivana. Se los aviatz mancats, se pòden enquera escotar sus las platafòrmas o sus la paja de Tè!, la chadena sonòra dau CIRDÒC – Institut occitan de cultura. Fugueren produsits per la Region Novela-Aquitània e podem dire que fan bravament lo torn dau subject !
Escotar
Per ne’n legir mai
En 2024, los universitaris Joan Pèire Cavaillé e Joan Francés Coroau organizeren a Tolosa e Carcassona un grand collòqui Marcelle Delpastre, une femme-monde. Nos apueierem dessús per nòstre numero especiau, au quau lo quite Joan Pèire Cavaillé a participat.
E se tròba que los actes de queu collòqui son publicats de gaire (junh) per Classiques Garnier ! Vos convidam chalorosament a vos procurar queu libre se voletz enquera mai d’analisis, de tesmonhatges e de reflexions prundas sus l’òbra de Delpastre.
Veire somari detalhat sul site de la FELCO
️ ‘Chaptar lo libre
Setz pas abonat·da au Diari ?
Los abonaments nos son essenciaus, quò es mai que mai quò que nos permet de contunhar e de frotjar. Çò que fasem vos agrada ? Abonatz-vos !
Per tota interrogacion sus los abonaments, vos convidam a consultar nòstra Fiera A las Questions (FAQ). E demoram a l’escota !
Nòstras formulas :
- 2 € / mes
- Accès a tots los articles en linha e a la version numerica dau magazine, sens engatjament. 20 € / an
- Accès a tots los articles en linha e a la version numerica dau magazine, pendent un an. 30 € / an – Recepcion de la version papier dau magazine chada 2 mes e accès a tots los articles en linha pendent un an.
️ Chausir mon abonament
LO DIARI – IEO OPM
11 rue Malcousinat
31000 TOULOUSE
Email Marketing Powered by MailPoet
