19-07-23 – Acamp CA CREO Lengadòc

Publié le 29 juillet 2023 par Marie-Jeanne Verny

La tòca de l’acamp èra de faire lo bilan del trabalh de l’annada, que se pòt onsultar sus las divèrsas rubricas de nòstre site internet :

  • cara a l’administracion (grops de trabalh departamentals, CALRs) e als elegits,
  • al prèp dels collègas (ajuda financièra als projèctes o a la formacion), sosten a tal.a o tal.a dins sas dificultats professionalas o administrativas
  • al dintre de la FELCO : participacion a l’organizacion de l’important collòqui de Niça 21, 22, 23 d’octòbre
  • en intèrne : las vendas de produches an représ, çò qu’es un gròs trabalh, mas que nos permet d’aver de finanças sanas, sus lasqualas repausa nòstra activitat, e la pichòta còla montpelhierenca se vei sovent per evocar l’anament de l’associacion
  • Avèm capitada, un còp de mai, una polida jornada Total Festum.

Èra tanben de preparar la dintrada del CREO e l’annada seguenta.

  • faire un punt collectiu sul trabalh de l’an, capitadas, mancas
  • ajudar Benaset, que s’entreva d’Ensenhad’òc, amb l’ajuda de Lucie, de compausar nòstre butletin
  • preparar la fièra de las associacions (2nd dimenge de setembre) : escasença essenciala de contact amb los elegits e lo public
  • envisatjar, tre ara, lo luòc erautés per lo Total Festum 2024 : Montpelhièr o una vila mai pichòta (a condicion que i aja, coma o faguèt Joëla (mercé a ela) per Langonha, una persona o de personas referentas
  • pensar al burèu 2023-2024 : recondiccion ? reorganizacion ?
  • engatjar encara maites collègas dins lo trabalh collectiu

Compte rendut de l’acamp

 

Presents : B. Bringué,  B. Bolano,  C. Causse,   A. Pesson,   MJ Verny

Desencusats : F. Albert,  C. Bataller,  R. Chouleur,  D. Colras,  D. Dauriac, D. Galvier, J. Konopnicki, C. Serva, J.  Soliva, C. Torreilles

● Ensenhad’òc 2023

Constat : los fraisses postals son de mai en mai importants e pesan sul budgècte. MJ rampèla que sèm passats de 3 butletins per an a un sol dempuèi que lo site internet e la letra d’informacion es estada creada. Es pasmens estacada al format papièr, e a sa difusion aital que permet

  • de jonhe un butletin d’adesion amb proposicion d’ajudas als collègas (Projèctes e formacion)
  • de tocar de non-aderents qu’o pòdon venir
  • de tocar los elegits subvencionaires

Questions e idèas : cossí distribuir lo butletin d’un biais eficaç e economic ? Quant ne tirar en papier ?

  • passar per las CPD per distribucion dins las escòlas : mas la causa es de veire amb elas, en foncion de lor carga de trabalh e de lor possibilitat de tocar totes los collègas
  • demandar als collegas se vòlon lo buteltin en papièr o en version numerica.

Remarcas MJ 

  • La causa es estada facha mantun còp sens pro de responsas fisablas.
  • Aquò règla pas la question de cossí tocar los collègas per saber son besonh ni de cossí triar entre los que vòlon de papièr e los que ne vòlon pas…
  • Avèm pas totas las adreiças electronicas que correspondon al fichièr mes a jorn cada annada per Monica Palomarès, anciana clavaira, que mercejam aquí, amb l’ajuda de las CPD.

Proposicion : Se servir de las adreiças electronicas de las escòlas ont se fai d’occitan e tanben de las adreiças professionalas electronicas dels collègas identificats. Mas aquò representa un gròs trabalh de collecta e de constitucion de fichièrs : qual a lo temps e lo saupre-faire per se’n cargar ?

Questions

  • La collècta de las cotizacions que se fasiá per remadadís del butletin d’adesion jonch a Ensenhad’òc e tanben per lo biais d’Hello asso. La segonda formula rescontra de mai en mai de succès, mas tòca los collègas que son dins nòstre fichièr d’adreiças, pas los autres.
  • La convocacion a l’AG (que se farà, a priori, lo dissabte 7 d’octòbre).

Decisions e seguida de la reflexion 

  • los 123 aderents auràn lor butletin papièr que serà tanben mandat, per pròva d’activitats, a las collectivitats subvencionairas (fichièr de constituir : Region, departaments, Vila de MTP…)
  • reflexion deu èsser menada per lo demai. Rampèl : per trabalhar sus las etiquetas, Monica demandava lo fichièr per agost….

● Total Festum 2024

Se farà sens dobte a Montpelhièr. Una demanda de rendetz-vos amb Boris Bellanger es estada facha.
Lo programa dèu èstre prèst dins sa globalitat per lo mes d’octòbre. Data de mandadís dels dorsièrs de demanda de subvencion a la Region.

Benaset Bolano se carga de fargar una comission per soscar a una programacion valabla. NB. Lo CIRDOC dispausa d’un catalòg de ressorsas artisticas disponiblas. Veire en annèxe en fin de compte rendut.

La question es tanben de decidir de l’amplor que volèm que l’eveniment prenga.

● Burèu 2023-24

  • J. Soliva, clavaira a besonh d’ajuda dins son trabalh. S’agís, mai que mai, de la collecta de las adesions papièr, de la gestion dels abonaments ofèrts. Qual se’n vòl cargar ? MJ. vòl plan contunhar de gerir la venda dels libres, qu’es la mai granda sorsa de revenguts après las subvencions e contizacions.
  • Al nivèl del secretariat, MJ pòt comptar sus l’ajuda de Clara Torreilles per la redaccion e relectura de las letras « oficialas », mas auriá encara besonh d’ajuda, estent que se tròba sovent a l’encòp en situacion de presidenta e de secretària… dobla carga que li pesa…
  • Robin a manifestada sa motivacion per seguir los contactes amb los elegits. MJ li a fisat un dorsièr per aquò. Lo deu estudiar abans de faire al burèu e al CA de proposicions d’activitat concrèta.
  • Benaset se pausa la question de sas competéncias coma vice-psdt. Una part de las questions « politicas » (contacts amb rectorats e DASENs, relacions elegits), li sembla que li escapa encara. Se sentís mai legitim dins çò qu’es del contact amb los collègas. MJ li confirma aquesta legimitat, estent sa disponibilitat permanenta malgrat sa carga de trabalh, son intelligéncia de las questions e sa reactivitat.

● Collòqui FLAREP

Se tendrà a Niça los 21, 22, 23 d’octòbre venent. Es important que i aja de monde. La ficha d’inscripcion e lo programa detalhat son en linha.

Lo CREO a desblocat 2000€ per remborsar la mitat dels fraisses de desplaçament e d’albergament als collègas sus presentacion de factura acquitada.
Una collèga niçarda prepausa tanben d’albergar a gràtis d’estudiants que voldrián assistir al collòqui.
Besonh de comunicar sul fait que i aurà d’animacions pels mainatges, çò que facilitarà la venguda dels collègas amb lors enfants. Los collègas de Nissa an negociadas de condicions d’albergament plan interessantas dins una ostalariá a proximitat del collòqui, en plen centre.

● Presents de retiradas

NB : serà un biais de ragantar la rompedura, per causa de COVID, de la tradicion de festejar la retirada dels collègas. Una canhòta serà mesa en plaça sul site Hello Asso per permetre de recuperar d’argent sens tròp de complicacions.

Remarcas MJ après l’acamp

Avèm mai que mai parlat de las questions d’organizacion del CREO e pas trobat lo temps d’abordar las questions de fons del trabalh del CREO

  • Seguit de la situacion dels collègas
  • Trabalh amb lo rectorat (CALR, grops de trabalh departamentals)
  • Contact amb los elegits (Region, vila, departaments)

Annexa : d’elements sul tèma del projècte pedagogic de l’an

(Mercé a Sandra JUAN, del CIRDOC).

– un numèro del magazine Tè! que presenta un cicle tematic dedicat a la Botanica en paginas : https://occitanica.eu/items/show/22940
– En mai :
Ce contenu a été publié dans Actualitats CREO Lengadòc, Vida intèrna CREO Lengadòc. Vous pouvez le mettre en favoris avec ce permalien.