Salle A105 : Université Paul-Valéry Montpellier III e tanben en visio-conferéncia : https://univ-montp3-fr.zoom.us/j/99921203616
- Daniel Ollive : « Lo personatge » dins l’òbra de Jòrgi Gròs.
- Robin Chouleur : Geopoetica de Mirèio, la construccion de l’espaci mistralenc.
L’intervencion de Daniel OLLIVE
Jòrgi Gròs nos a contat fòrça istòrias. Ne coneissèm una part : almens sièis recuèlhs de contes o de novèlas e tres romans ; una autra part, inedicha, demòra de descobrir. Los personatges que las pòblan sont donc nombroses, son tanben fòrça divèrses – tan divèrses coma las fonts d’inspiracion de son autor. Mas delà d’aquela diversitat, es qu’òm pòt definir lo personatge segon Jòrgi Gròs : aquela « creacion literària » que son ròtle es de pivelar lo legeire e l’acompanhar tot de long del recit ?
L’intervencion de Robin CHOULEUR
L’òbra de Mistral es una granda traversada dels espacis. De tèxt en tèxt, es tota una mapa que se dessenha, se precisa, complexa e pivelanta. Per abordar aquela dimension fòrta de la creacion mistralenca, Robin Chouleur propausa una lectura « geopoetica » de Mirèio que mescla un apròchi literari e una analisi geografica, e s’apièja sus de cartas e de relevats toponimics precises.
