16 X 21 CR AG CREO Tolosa

Dissabte 16 d’octobre de 2021

-AG CREO TOLOSA 2021-

Ostau d’Occitània de Tolosa. Sala Antonin Perbòsc.

20 presents : Emmanuel Isopet, Virginia Lago, Nicolau Rei Bèthvéder (NRB), Joan-Baptista Courcelle, Maria Sofia Brun, Muriel Vathvia, Delfina Castanh, Estève Cròs, Lèo Humbert, Ciril Veissièra, Maxime Juniet, Joan-Jacme Dutaut-Boèr, Sonià Lavath, Cecila Chapduelh, Gautièr Drouin, Olivièr Capòni, Eric Barta, Magalí Henri, Elodia Pujòl.

Un vintenat de desencusats.

12 de mens qu’en 2019. En 2020 avoc pas d’AG en presenciau pr’amor de l’aram de Covid-19.

Oraris de debuta e fin : 15h15 – 17h30.

  1. Lectura deu rapòrt morau peu president E. Isopet :

    «L’Assemblada Generala de l’an passat aviá pres un pauc de retard. Ensajam de tornar trobar lo ritme classic amb una AG en debuta d’annada escolara. Lo COVID nos dictarà pas totjorn lo calendrièr !

    2020-2021 foguèt encara una annada plan cargada !

    Doas causas toquèron dirèctament lo nòstre ensenhament : la mesa en accion (enfin!) de la Convencion Estat-Region e lo vòte de la lei Molac.

    La Convencion pel desvolopament e l’estructuracion de l’ensenhament de l’occitan dins l’acadèmia de Tolosa, tot primièr, beneficièt enfin de las signaturas de totes los partits (departaments, rectorats e Region) que permetèt sa mesa en òbra. Prevista per botar en accion una politica per cinc ans (2017-2022), sa mesa en aplicacion tardièra redusís fòrtament son eficacitat. Ça que la, la pression de las associacions (CREO e Oc-bi), de l’OPLO e mai que mai de la Region e de sos servicis, permetèt d’amodar lo carri. Los gropes de trabalhs departamentals se botèron en plaça, e se tot es pas encara plan productiu, i a al mens de temps d’encontres ont se pòt trabalhar sus las questions que nos interèsson. Demandèt la mobilizacion de nombrosas personas del CREO e dels CREOs departamentals, mas la causa avança. Quitament dins los departaments ont lo CREO es pas estructurat, la nòstra paraula foguèt portada. Cal desirar que se bastiscan pro rapidament aquelas antenas mancantas.

    La lei Molac. Primièra lei que parla de las lengas « regionalas » dempuèi 1951 (del temps de la IV° Republica e del President Vincent Auriòl), votada per una larga majoritat de deputat de totas tendéncias. Los manipòlis del Blanquer e de qualques ultranacionalistas centralistas estreches menèron la decision del Conselh Constitucional. Repoteguèrem a totes los nivèls, manifestèrem a Albi. L’afar es pas encara totalament clavat, mas una avançada màger es ara possibla : aquela de la generalizacion de l’ofèrta d’ensenhament de l’occitan. Cal per aquò una convencion entre l’Estat e la Region. Demandarà trabalh e volontat, mas nos i cal atalar per obténer çò que la lei nos autreja enfin timidament.

    Sus aqueste camin, avèm vist que sèm pas sols. Me cal aicí mercejar totes los membres del Burèu que dempuèi sièis meses prenon en carga un brave suplement de trabalh quand la santat me permet pas d’assegurar çò que deuriái. Lo CREO es pas sol : sas fòrças vivas son ajudadas per Oc-bi, l’OPLO, lo collectiu per l’ensenhament de l’occitan, de sindicats, los servicis de la Region (esperem que dure mai que lo temps de la campanha electorala), de nombroses elegits de totes nivèls. Al nivèl nacional, sèm representats per la FELCO que contunha son accion en ligam amb la FLAREP.

    De segur, l’annada que se dubrís serà pas aquela de la normalitat e del benestar per totes los ensenhaires d’occitan. Las dificultats son ja nombrosas tant al nivèl dels efectius d’escolans, dels recrutaments d’ensenhaires e de lor afectacion, de la formacion inicala e contunha… Pr’aquò cal pas baissar los braces. Al contrari, cal que cadun mene sa pèira. Cal qu’ongan los projèctes qu’avèm pas encara poscut menar de ligam entre nosautres, d’escambis pedagogics, de sosten, se concretizen. Es tanben lo moment de ne menar d’autres, per far créisser la talent d’occitan

Remèrca NRB : Mos hè besonh de trabalh en comun elegits, felco, creos, sindicats ende despassar los blocatges.

Remèrca de Florant Mercadier : va hèr una nòta de sintèsi. E tanben sus la valorizacion de l’occitan dins percors sup.

Remèrca NRB : la circulara deu 29 d’agost mos permet de recuperar problèmas que pausavan la refòrma Blanquèr. Suu papèr, e gràcias a la lei Molac, avèm quasi tot ende avançar. Mès au nivèu academic i a pensaments ende botar en òbra aquestas avançadas.

VÒTE : adoptat a l’unanimitat.

  1. Rapòrt financièr 2021 : presentat per Magalí Henri, dinerèra :

    Sotada au 31-12-20 : + 5 030,84 €

    Debit

    Montant

    Credit

    Montant

    Cotizacions partenaris :

    FELCO

    Convergéncia Occitana

    110,00

    50,00

    60,00

    Cotizacions sòcis

    100,00

    Còstas bancàrias

    113,20

    Dons (sòcis)

    30,00

    TOTAU

    223,20

    TOTAU

    130

    Sotada au 18-10-21 : + 4 937,64 €

    Elements d’analisi :

    Bilanç negatiu : avèm ua tresauraria mès le feble nombre de cotizacions (10) hè pensaments.

    Pas nada reversion deus CREOs departamentaus.

    Còstas bancàrias elevadas e en creish : + 25.7 % (sus l’annada civila)

Èm deficitàris.

Remèrcas NRB : compte flacs pr’amor deu COVID-19. D’acòrd sus las còstas tròp elevadas. Cau cambiar de banca.

Magalí e NRB insistishen que las còstas bancàrias de la Pòsta son tròp caras. Mos cau trobar una solucion ende despassar aquò, segurament en cambiar de banca.

VÒTE : adoptat a l’unanimitat.

  1. Cambiament de banca e de signatura.

Augan nos cau hèr las signaturas. E tanben ensajar de cambiar de banca.

VÒTE : acòrd a l’unanimitat ende cambiar de banca. Signaturas : dinerèra e dinerèr adjunt.

  1. Presa de paraula d’Estève Cròs, director de l’OPLO :

Mercés ende l’invitacion. Important d’aver escambis regulars. Rejunta NRB quan ditz que suu papèr avem d’avançada mes nos cau una mobilizacion de tots les actors. I a una finèstra dambe las legislativas e presidencialas.

Nos cau sasir de la generalizacion de l’aufèrta. Chifras de Corsega : plan bons. E aquò balhèc miejans ende la formacion tanben etc. Ende las academias Tolosa Montpelhier e Bordèu : dispositiu Ensenhar sense nat miejans suplementaris son rectorats que prenguen en carga.

Quina estrategia ? Seràn las convencions que menaràn benlèu aquò. Quina estrategia ; començar peu licèu pr’amor que mos hè besonhs d’ensenhaires rapidament entà alimentar las vias bilinguas. Dambe quins miejans ? Nos cau i soscar.

Soscadissa comuna e mobilizacion.

Vist efèit de la reforma deu licèu : pausa la question de saber si se diu pas començar au licèu e davalar cap a la mairala. Argumentari.

Remèrca NRB : Lo licèu es competéncia de la region. Benlèu lo CREO TLS pòt demandar d’encontrar la presidenta de region OPM. Serà un moment de vertat on lo son devís de la presidenta se diurà de convertir en realitat.

Remèrca de Manu Isopet : Soent las prumèras annadas son gran debutants. Pauc d’estudiants se dirigissen cap a l’ensenhament.

Question deus salaris e de l’atractivitat deu mestièr.

Olivier Capòni : La region OPM se diu engatjar sus la draubida de l’occitan a cada còp qu’un navèth licèu draubish.

Lavaur : prumèr licèu dambe continuitat deu cursus bilingüe. I a pas d’EDS a Lavaur. La generalizacion d’acòrd mès se cau avisar de çò qu’existish.

NRB : Nat EDS es pas previst l’an que veng. Pr’aquò, las chifras mòstran que pertot on i a un EDS, los efectius tornan partir en occitan en licèu. Discors deu rectorat es inadmissible sus l’arrèst de draubida d’EDS. Ne cau au mens un per departament. Ne hè besonh en Comenge tanben.

Lèo Humbert : academia de Montpelhier, un projècte numeric dambe equipament dins l’establiments de sala de visio. > Escambis a l’entorn deus cors en visio meslèu desfavorables.

Question O. Capòni a l’OPLO : per rapòrt a la campanha deu licèu. Quan començaràn de comunicar?

Estève Cròs : Se ne parla en grop de trabalh dejà.

Virginie Lago : le CREO TLS estoc contactat ende participar au grop de trabalh. Ensajaram de trobar le biais ende poder consultar au mílhor los collègas.

Besonh que las plaquetas arriben.

  1. Accions passadas :

CF document.

Cachar au nivèu deus departaments tanben : rapòrt de fòrça.

Collectiu ende l’ensenhament de l’òc : serà recebut au rectorat dins le mes de noveme. Lo CREO TLS serà recebut a l’interior d’un collectiu damb associacions, elegits.

  1. Bilanç de la rentrada.

  • L’Òut :

  • Avairon :

  • Dins lo primièr gra roergàs, pel bilinguisme, los efectius se mantenon mas los projèctes de dubèrtura de sites bilingues suplementaris (en particular d’un tresen site bilingue sus Rodés) son blocats per la marida volontat de la DASEN (que s’en va).

  • Avèm agut dos gropes de trabalh despartementals (un en genièr, l’autre en setembre) e doas amassadas de trabalh especificas sus la continuitat dels percorses en mars. Es al cors d’aquestas amassadas que l’escòla FOCH-PARAIRE de Rodés foguèt identificada coma possible site bilingue, informacion confirmada per l’IEN en carga de las lengas al CAEOC de junh…amb la resulta que sabèm (dubèrtura previsat d’un SB en anglés !).

  • Dins lo primièr gra totjorn, de notar lo bon trabalh fach per ADOC 12 qu’interven dins las escòlas e tòca 23 % dels enfants amb l’objectiu de montar en carga dins los cinc ans a venir a 33 % (volontat del Conselh Despartemental).

  • Dins lo segondari roergàs, qualquas grandas dralhas pel bilan :

  • – progression del bilinguisme al collègi que concernís ara 296 escolans mas amb de grandas disparitats e de fragilitats identificadas.

  • – al collègi l’ensenhament opcional se pòrta plan diferentament d’un endrech a l’autre amb una realitat, foncciona plan melhor ont l’iniciacion generalizada es prepausada ! Coma pertot, l’opcional patís de la baissa de l’envelòpa dels mejans sagetats.

  • – al licèu, baissa generala dels efectius amb de menaças realas sus un licèu « istoric » de Rodés, flaquesa tanben sul liçèus de Milhau e de La Vila.

  • Al nivèl de la ressorga umana en Roèrgue, un professor certificat de fisica-quimia es estat abilitat e ara ensenha qualquas oras al liçèu de La Sala e al collègi de Cransac. Una regenta (Sebrazac) es en formacion per èsser abilitada tanben.

  • Tarn e Garona :

Draubida au licèu de Montuèg. Question deu seguit deu bilinguisme a Montauban : quin collègi ?

Remèrcas derrogacions collègi – licèu ende contunhar l’occitan de NRB : Es un vertadèr problèma. Dins la realitat se passa mau, n’i a qu’an pas accès au licèu on i a d’occitan.

  • Tarn :

Daubunas derogacions mauagidas. Situacion complicada : pas d’ensenhaire ende 4 collègis pr’amor d’ua demanda de disponibilitat tardiva. Fin finau, se podón trobar quauqu’un mès totas las oras son pas asseguradas.

Efectius licèus : plan febles.

Seccion bilingua : manteng o aumentacion deus efectius.

Una situacion complicada a Castras : le problèma eterna. Òc-Bi contactèc donc lo CREO TLS ende se poder associar a la signatura d’una letra peticion. Lectura de la letra.

Pas mès de CPD dins Tarn. Perlogament de conjat malaudia. Pausa problema important : seguit deus estagiaris. La continuitat deus projèctes dins le 1er grad. Pas de responsa de la direccion academica. Lo departament diu perpausar una solucion.

  • Gèrs :

Seccion bilingua Vic Fesensac draubida enfin ! CP occitan afortit.

Prevision d’ua draudida possibla.

Avem un CPD deus bons.

Collègi : mancam d’oras en collègi. N’i a pas avut les ajustaments de julhet. A maugrat de las letras, encontre dambe lo DASEN.

Licèu : Draubida EDS OC en terminala a l’Isla de Baish mès sense las oras pagadas.

Positiu : Nicolas Foix hòrt favorable a l’occitan e qu’ajuda a crear dins lo prumèr grad.

  • Hauta-Garona :

Problèma a Sent Gaudens > Véser pb de l’EDS.

I a pas que Sent Sarnin a Tolosa dambe chepics dambe las derogacions. Problèma de la continuitat de la seccion bilingua. I es pas arren a Murèth en licèu mentre que i a ua calandreta e ua SB en collègi.

Prumèr grad : Draubida d’una seccion bilingua a Tolosa pr’amor de bonas relacions que hèn pression.

Çò que ne ditz D. Agard raportat per NRB : evocacion de la draubida d’un EDS a Sent Gaudenç, mès i a la question de l’efectiu tròp flac. A Mont Rejau : Volón plaçar oras en dehòra de l’orari normau. Seré un exemple d’experimentacion de cors en visio… Estoc evocat tanben lo problèma de l’abilitacion de professors en occitan que sembla en pana quan se parla de generalizacion. Caleré tanben, coma lo rector l’avèva promés, que professors exteriors a l’acadèmia podessen dintrar pr’amor qu’an ua competéncia en occitan.

Projèctes seccions bilinguas : Cadors, Pinsaguèth, Èunas o Murèth…

Un grop de trabalh 31 que foncionèc de plan.

Salias de Salat (Comenge) : Mercés au grop de trabalh, aus elegits e a l’accion deu CREO TLS Salias se draubiscoc en collègi.

  • Hauts-Pirenèus :

Pas de CREO 65. Un solet licèu sus Tarba. Pas d’EDS pr’amor deus efectius. Ne cau au minimum 6.

Pas tròp d’iniciacion generalizada en 6a. Refus deu DASEN. Problèma d’ua draubida de la DNL tecnologia pr’amor d’un chepic de mutacion : collèga blocat en Biarn.

  • Arièja :

2 seccions bilinguas dins lo prumèr gras. Pas de CPD. Pas de caminaires. Lo departament avèva pas signat la convencion. Urosamement un DASEN favorable ensagèc d’ajudar un pauc. De bonas volontats mès disen que i a pas de mejans.

Tres sites se mantenguen en second grad : Sent Guironç (DNL), Mirapeish, Foish. La manca es a Pàmias : ensenhament barrat en licèu. I auré totun la possibilitat de tornar crear un pòste (dus collègis, ua calandreta e un licèu).

Masèras : Quauquas oras escampilhadas atau.

Long escambis a prepaus de la situacion de l’occitan a Pàmias.

  1. Accions futuras

Presentacion de la comission “projèctes” : ende obténguer moneda ende ajudar la creacion de projèctes e sustot escambis internacionaus. Coma l’EN a pas lo medish calendari que non pas las collectivitats pausa problèma ende poder demandar sòus.

  1. Renovelament deu CA :

Los medishes : Lucile Fortanet se retira. S’ajustan : Maxime Juniet. Sonia Labat. Léo Humbert.

CA deu CREO TLS per 2021- 2022 :

Murièl BATBIE (09- 2°), J-P FERRÈR (31- 2°), Marièla MIRANDA (32- 2°), Cristòl MENASSÒL (46-2°), Elodia PUJÒL (65- 2°), Olivièr CAPÒNI (81-2°), Elodia REYNAUD (82- 1°), Joan-Francés COUROUAU (Universitat), Maria-Sofia BRUN (82- 1°), Eric BARTA (81- 2°), Cecila CHAPDUÈLH (09- 2°), Silvan VALETTE (81- 1°), Maxime JUNIET (81 – 2°), Sonià LABAT (31 – 2°), Lèo HUMBERT, Gwenael CANY (81- 2°), Cyril VEYSSIÈRE (82- 2°)Emmanuèl ISOPET (82- 2°), Virginia LAGO (32- 2°), Magalí HENRI (32- 2°), Bruno DURANTON (12- 2°), Nicolau REI BÈTHVÉDER (32- 2°), Joan-Baptista COURCELLE (81- 1°).

Vòte : 20 per, 0 contra, pas nada d’abstencion. Adoptat a l’unanimitat.

  1. Burèu deu CREO TLS per 2021-2022 :

NRB expliquèc que seré prèst a deishar la sua plaça, digun se prepausa pas entà’u remplaçar. Damòra donc. Lo burèu càmbia pas. Es a díser per 2022 :

Emmanuèl ISOPET pdt (82- 2°), Magalí HENRI clavaira (32- 2°), BÈTHVÉDER secretari general (32- 2°), Virginia LAGO vice pdta (32- 2°), Bruno DURANTON clavaire adjunt (12- 2°), Joan-Baptista COURCELLE secretari adjunt (81- 1°).

Vòte : 20 per, 0 contra, pas nada d’abstencion. Adoptat a l’unanimitat.

  1. Budget previsionau presentat per Magali Henri, dinèrera :

Debit

Montant

Credit

Montant

Cotizacions partenaris :

  • FELCO
  • Convergéncia Occitana

145,00

85,00

60,00

Cotizacions :

  • Sòcis
  • CREO departamentaus

300,00

200,00

100,00

Còstas bancàrias

(29,40 €/trimestre)

117,60

Còstas de gestion :

  • Còstas postalas
  • Papeteria

80,00

50,00

30,00

Accions :

  • Participacion aus EOD

30 €/estagiari

  • 2 jornadas d’escambis ligason inter-gra
  • Commission projècte

2 400,00

300,00

100,00

2000,00

Subvencions :

  • CR

2 000,00

2 000,00

Divèrs :

  • Desfragament desplaçaments
  • AG

300,00

200,00

100,00

Fons pròpis

742,60

TOTAU

3 042,60

TOTAU

3 042,60

  1. Questions divèrsas :

Question de la plaça de l’occitan dins le projècte academic. Coma ac hèr paréisher ? Coma se n’apoderar ? Hèr lobbing.

  1. FELCO :

Dus representants : Virginia Lago e Joan Baptista Courcelle. E. Isopet se retirèc deu CA de la FELCO a la prima de 2020.

  1. Comission sus l’avoloracion en licèu :

Presentacion per Léo Humbert.

CR establit per Virginia Lago e Nicolau Rei Bèthvéder. Anotacions e correccions de E. Isopet.

Ce contenu a été publié dans Actualitats CREO Tolosa, Vida intèrna Tolosa. Vous pouvez le mettre en favoris avec ce permalien.