Atencion : per s’insctiure a las preparacions universitàrias, es ara !
Los programas de l’agrèg 2026 son donc pareguts. Los trobaretz en linha a l’adreiça https://www.devenirenseignant.gouv.fr/les-programmes-des-concours-d-enseignants-du-second-degre-de-la-session-2026-1496.
Aquesta publicacion abans l’estiu es una victòria d’un engatjament collectiu que la FELCO i prenguèt sa part, amb los sindicats, l’APLV, la seccion 73 del Conselh Nacional de las Universitats…
Los candidats, fins ara, son totjorn estats de collègas en pòste que lor èra pas simple, quand los programas èran publicats en octòbre, de preparar un concors exigent tot en assegurar lor servici.
Dempuèi las primièras sessions, 10 collègas son venguts agregats, çò que representa una amelhoracion importanta de lor salari e de lor servici. De notar que totes los candidats admeses an beneficiat de formacions de qualitat prepausadas per las Universitats de Tolosa e de Montpelhièr qu’an meses de mejans per aquò.
Pasmens, per contunhar la pression sul nombre de pòstes, es indispensable que lo nombre de candidats se mantenga, e mai qu’aumente. La publicacion dels programas a una data decenta es un atot per aquò.
Le FELCO sona donc les collègas a se marcar al concors, a suscitar d’inscripcions.
Vos informam que de formacions seràn dubèrtas a Montpelhièr e a Tolosa, amb una part de mutualizacion (conferéncias e jornadas d’estudis, escambi de còpias)
Informacions practicas
Montpelhièr
- Responsabla : Gilda Caiti-Russo gilda.russo@univ-montp3.fr.
- Formacion en linha sus la plataforma de corses sus Moodle, visioconferéncias, jornada(s) d’estudis en presencial e visio. Espròvas blancas pels escriches e pels orals.
- Candidatar sus https://candidatures.univ-montp3.fr/ecandidat/#!accueilView UFR2 Prepa Agreg , fins al 24 de junh. En cas de dificultat, s’adreiçar a oc-info@univ-montp3.fr
Tolosa
- Responsabla: Marjolaine Raguin : marjolaine.raguin@univ-tlse2.fr
- Formacion en presencial e/o a distància. Prepa especifica a l’agregacion LDF occitan-lenga d’oc, per d’ensenhaires-cercaires especialistas.
