Veire lo document al format PDF : COMPTES 2021

1- Bilanç general de l’exercici 2021.

Los comptes que vos son presentats aquí son estats arrestats a la data del 31 de decembre de 2021. L’exercici comptable 2022 comença doncas lo 1^er de genièr de 2022 e s’arrestarà lo 31 de decembre de 2022.

L’annada 2021 es estada marcada encara per la pandemia mas se las activitats an pogut se far dins lor granda majoritat dins de condicions adaptadas (Pass Sanitari per exemple) : n’es aital de l’Estivada de Rodés ont los collègas an agut plaser de se tornar trobar del 22 al 24 de julhet. Las accions son doncas estadas nombrosas tot lo long d’aquesta annada e nos son estadas presentadas pel president.

L’exercici 2021 presenta un sòlde negatiu de 906.17 EURÒS. Es lo primièr còp dempuèi 2016. Aquò s’explica per la presa en carga per la FELCO d’una part del fraisses del collòqui FLAREP sus l’iscla de La Reunion (al total 630 euròs a la carga de la FELCO, 1170 euròs remborsats er la FLAREP). De notar enfin una baissa importanta dels escotissons aquesta annada (i tornarem mai luènh).

Bilanç annadièr general (istoric)

è La situacion financièra globala de la FELCO demòra caquelà bona : dispausam al 1^er de genièr d’un fons de rotlament de 4358.07 euròs.

Sòlde del compte al 1^er de genièr de 2021 : 5254.24 EURÒS

Sòlde del compte al 1^er de genièr de 2022 : 4358.07 EURÒS

Sòlde del compte al 1^er de genièr (istoric)

2- Estat de las despensas en 2021.

En 2021, las despensas se mòntan a 3027.17 EURÒS contra 4988.80 € l’an passat qu’èra jà d’aqueste punt de vista una annada excepcionala. Aqueste nivèl elevat de las despensas s’explica en partida pel collòqui FLAREP que se debanèt en octobre a La Reunion. La FELCO decidiguèt d’avançar la moneda al collèga que siaguèt volontari per la representar. Una granda partida dels fraisses engatjats son estats remborsats per la FLAREP (65 % de la somma totala engatjada) : al final, la contribucion financièra de la FELCO s’elèva a 630 euròs sus una despensa totala de 1800 euròs. De notar que dempuèi tres ans las despensas augmentan bravament.

Las autras despensas concernísson las cotisacions divèrsas (veire tablèu) es a dire :

• Escotissons al prèp d’associacions amigas (FLAREP, Lo Congrés, APLV, Los amics del CIRDOC…) e assegurança obligatòria al prèp de la MAIF. Avèm pas pagat als AMICS DEL JORNALET ongan
• Fraisses bancaris fòrça basses aquesta annada.
• Remborsament de fraisses de desplaçaments ponctuals (desplaçament al ministèri, amassadas PQVNL…) ;
• Fraisses divèrses :  repaisses de l’Estivada + de la totalitat dels repaisses del dissabte de ser a l’Estivada per « recompensar » los collègas qu’an balhat de lor temps per montar, téner, demontar l’estand e davalar los libres  sus Montpelhièr per exemple en 2021, fraisses de gestion del site internèt ;

Istoric de las despensas per una annada

DESPENSAS FELCO 2021

3- Estat de las recèptas en 2021.

Las recèptas se mòntan ongan a 2121.00 EURÒS contra respectivament 5380.00 € en 2020, 4084.80 € en 2019, 1574.20 € en 2018, 1673.90 € en 2017, 1209 € en 2016. Per informacion, dempuèi 2016, la mejana de las recèptas per la FELCO es a l’entorn de 2700 euròs.

Los escotissons (856 € contra 1100 € l’an passat) an conegut una baissa de 22 % per rapòrt a l’annada 2020 Rampelam que son la sorga essenciala e gaireben soleta de las recèptas d’ont l’importància per cada CREO o associacion academics de pagar sa contribucion en temps e en ora. A la seguida de l’Amassada Generala de 2021, de novèlas modalitats de calcul son estadas metudas en plaça : los clavaires de cada CREOs / associacions academicas ne son assabentats al moment de la crida a las cotisacions ; de notar tanben que de rampèls regulièrs son faches pel clavaire. Aquesta baissa del volume global dels escotissons es mai que segur ligada en granda partida a la crisi sanitària e notadament a l’impossibilitat encara de rescontres fisics una granda partida de l’annada : sabèm ben qu’es al moment de las AG « en presencial » que los collègas pensan a pagar lor escotisson a lor CREO despartemental o academic. La baissa de la contribucion del CREO TOLOSA es particularament importanta. Pensam que per las annadas futuras tornarem trobar una contribucion plan mai fòrta del CREO TOLOSA, que recampa la granda majoritat dels ensenhaires de l’espaci occitan.

Per n’acabar suls escotissons tenèm coma cada annada de saludar la bona costuma qu’an presa las diferentas associacions academicas de pagar lor escotisson a la FELCO. Totes los CREOs actius contribuisson aital a la vida de la FELCO. Sol lo CREO de Lemòtges, en sòm dempuèi la retirada de la nòstra collèga Domenja Decomps paga pas sa contribucion. Tenèm enfin a saludar la contribucion fidèla del CREO LA TALVERA.

Lo seguit de las cotisacions necessita de relanças regularas (çaquelà amistosas) del clavaire. Es motivant de veire que tot lo monde se sentís concernit per las accions menadas per la FELCO e aquò es fòrça positiu. Balha vam e legitimitat a çò que fasèm.

Istoric de las recèptas per una annada.

RECÈPTAS FELCO 2021

45

4- « Pour que vivent nos langues » : ont ne sèm ?

Al 31 de decembre de 2021, dispausam encara d’una resèrva de 1020.20 euròs

Per aquesta annada pas cap de fraisses foguèron engatjats. Aquesta canhòta deu servir a finançar d’accions dins l’encastre de PQVNL.

5- Quin previsional per 2022 ?

Rapòrt financièr fach per Bruno DURANTON e Laura BONNET (clavaires).