Cada annada, sus decision de l’assemblada generala, los collègas o los establiments aderents pòdon demandar una ajuda al CREO per de projèctes pedagogics. Una soma totala de 3000 euros es afectada a aquesta operacion. L’ajuda ten compte del nombre d’escolans concernits, de l’originalitat del projècte, de la soma demandada per finalizar lo projècte e, de segur de la plaça de la lenga e de la cultura occitanas. De notar que i a de condicions per tocar l’ajuda : mencion del CREO dins la comunicacion, article en occitan e en francés per Ensenhad’òc e, de segur, mandadís dels documents comptables indispensables per la clavaira. Veire las demandas sus aqueste document : 2602-08- Letra als collègas per subvencion
Per l’annada 2025-2026, vaquí las ajudas acordadas après examen pel burèu dels projèctes : totes los qu’avèm examinats èran serioses e plan documentats.
-
Escòla bilingua St Privat dels vièlhs
(210 escolans) : organizacion d’un carnaval occitan avec balèti – finalizacion sequéncia culturala e linguistica sus Carnaval
Soma acordada : 400 euros.
-
Escòlas bilinguas mairala e primària Mireval bilingüe
(284 escolans) : Animacion passa-carrièra e balèti Carnaval de las escòlas
Soma acordada : 500 euros.
-
Escòla Lanuejòls
(48 escolans) : Crompa de material d’EPS per l’ensenhament renforçat e bilingüe, s’agís tanben de mostrar als parents que l’occitan es sostengut
Soma acordada : 100 euros.
-
Collègi Lodève
viatge a Tolosa (50 escolans) : descobèrta de la vila tradicionala e modèrna (còr de vila istoric, Lo catarisme, la catedrala Sant Sernin, l’opera del Capitòli° + Carcassona e sa Ciutat pel tornar.
Soma acordada : 500 euros.
-
Collègi Mende
Viatge valadas occitanas Piemont Italia (42 escolans)
Soma acordada : 420 euros
-
Collègi Sète
Visita del CIRDOC e talhiers, visita istorica de Besièrs amb Sèrgi Boyer, guide conferencièr occitanofòn, realizacion podcasts amb Radio Lenga d’òc (20 escolans)
Soma acordada : 90 euros
Collègis Montpelhièr Clemenceau e Clapièrs
- sortida en Camarga : Jornada a la manada-descobèrta de las tradicions camarguencas, trabalh del manadièr puèi corsa camarguenca e rescontre entre collègis (28 escolans).
Soma acordada : 350 euros
-
Collègi Remoulins
15 joves : talhièr auboi lengadocian – amb l’associacion Rivatges – coma vector de la cultura occitana + viatge a Sète per restitucion creacion dels escolans (15 escolans)
Soma acordada : 450 euros
