AG FELCO 7-12-2026 – Sintèsi situacions academicas

CREO-Talvera

Relacions regularas ambe las autras associacions occitanas de la Talvera parisenca – e d’endacòm mai

• Comunicacion de las activitats de la FELCO a las / als sòci.a.s e simpatizair.a.e.s del CREO-Talvera.
• Visita (rapida) del clavaire Joan MASSIP a l’estand FELCO de l’Estivada de Sebasac en julhet de 2026.
• Presa de paraula de PQVNL a Villers-Cotterêts lo 26 de setembre de 2026 : lo secretari Guy MATHIEU representava nòstre CREO e la FELCO.
• Se pòt ajustar la participacion futura de Guy MATHIEU al collòqui organizat a l’Universitat Pau Valèri per Laurenç ALIBERT los 26 e 27 de novembre de 2026 : Occitan, poésie et traduction.
• Lo CREO-Talvera insistís sus la necessitat del restabliment de corses d’occitan, dins totes los nivèls d’ensenhament, dins la Talvera parisenca e d’endacòm mai. Segon l’article 75-1 de la Constitucion, las lengas dichas « regionalas » fan partida del patrimòni vivent de la Republica francesa. Lor ensenhament es doncas juridicament legitime e de drech sus l’ensems del territòri francés. Dins lo quadre de l’ensenhament de l’occitan dins tot l’espaci occitanofòn, mas tanben sus tot lo territòri de la Republica, se pòt desirar la creacion de pòstes d’ensenhament non solament dins las regions occitanas, mas tanben al mens dins las metropòlis principalas, particularament en Iscla-de-França, per populacions escolaras / estudiantas d’origina occitana, o simplament desirosas de descobrir las riquesas de la diversitat culturala francesa. Per segur aquesta proposicion empacha pas la prioritat absoluda de l’espandiment de l’ensenhament occitan en Occitania. Es pas brica una vision utopica, mas una vision d’avenidor.

Academia d’Ais

Rapòrts amb l’administracion

• Pas de CALR dempuèi 2026 malgrat demandas repetidas de l’AELOC, donc pas de chifras de comunicar

RH

• Pas de perda de pòste, ni de creacion

2nd gra

• Pas de resson de perdas d’oras
• Pb de las opcions dins l’encastres de las revidicacions liceanas d’emplec del temps mens dificils : risca de supression dels « pichons grops »

INSPE (del 13)

• Elodie Soulié (que parla la lenga) succedís a Thierry Illy coma cargada de mission

Formacion AELOC (dins lo 13)

• Contunha per aquest an per los candidats a Bac + 5, mas en linha. l’organizacion del concors a cambiat, lo concors a Bac +5 vai disparéisser. Dins la licéncia LPE, la formacion AELOC serà pas mai possibla.
• L’AELOC a demandat que l’UE bonus d’ensenhament de la lenga d’òc siá tornar prepausada, demanda plan aculhida per la Direccion de l’INSPÉ, l’AELOC es dins l’espèra de son oficializacion.

Academia de Bordèu

Punts positius

• Los effectius contunhan de pujar doçament malgrat la baissa de la demografia.
• Los mejans umans pujan tanben
• Duberturas e seguidas de cordièra dins tots los departaments dins lo primari e dins lo segondari ( Òlt e garonna : 2 / Dordonha : 3 /  Gironda : 2 /  Lanas : 4 /  Pirenèus Atlantics : 13)
• Ressorgas pedagògicas en desvelopament ambe lo cap’oc pel primari e pel segondari (malgrat la baissa de subvencion)
• 7 professors en formacion Ensenhar

• creacion de pòstes de CPD occitan (a mièg-temps) sus la Dordonha, l’Òlt e Garona e la Gironda

Punts negatius e dificultats

• Recrutament insufisent per cobrir los besonhs notadament lo CAPES
• Fragilitat de percors de formacion : formacion Ensenhar insufisenta e inegalament repartida sul territòri
• Dificultats localas de remplaçament e d’afectacion (Sud gironda / Pirenèus Atlantics/ Dordonha)
• Inegalitats territòrialas dins l’ofèrta : manca d’òras d’ensenhament en collègi
• continuitat de percors a renforçar entre lo primari, lo segondari e l’universitat
• accompanhament pedagogica a renforçar : sostenir la formacion continua
• Mantunes projectes damòran condicionats als mejans umans

Academia de Clarmont

Situacion dins lo sup (fac e Inspe)

res a l’Inspe, una animacion pedagogica pels PE l’an passat dins Cantal, qualquas oras a la fac jos forma d’UE, cap de contacte amb la collèga, ven pas al CALR (mas es convidada).

Situacion dins lo 2^nd gra

situacion establa totjorn un pòste per 5 collègis e un licèu, los efectius se mantenon.

Situacion dins lo 1^er gra

efectius en progression, dubertura d’un segond pòst a temps complet (una sola candidatura, la collèga podriá prene sa retirada a la fin de l’annada escolara)

Rapòrts amb l’administracion de l’EN

inspector sindicat puslèu a l’escota mas trabalh pas pro rigorós, lo grop de trabalh de la fin d’annada s’es pas tengut, lo CALR se faguèt entre monde de l’Educacion Nacionala puèi que lo convit foguèt mandat darrièra minuta, « turnover » important dels personals dins Cantal, en un an e mièg avèm cambiat d’IEN cargat de las lengas, de DASEN (2 còps) e de rectritz.

Estat de l’associacion academica 

lo trabalh del CREO rebat pas brica lo trabalh de terren que fan los dos collègas en pòste, se pòt considerar que lo CREO es en sòm.

Academia de Granòble

L’acadèmia se caracteriza per un ensenhament tras que limitat, simbolic e residuau.

Lo segondari se limita a un collègi REP+ de Pèiralata, en dos grops que recebon una ora setmaniera d’occitan cadun.

Lo primari es un pauc mai desvolopat: sensibilizacion dins 44 classas de 16 escòlas (aperaquí 900 escolans) dins la circonscripcion de Nions per una professora deis escòlas itineranta; començament d’una iniciacion a l’occitan per iniciativa d’una associacion Lenga d’Òc, Lenga viva, dins 8 classas de cicle 3 en Ardecha cevenòla. I a pas agut de CALR en seguida dau cambiament de rector.

Academia de Montpelhièr

1^er gra

après mantuna creacion de sites bilingues novèls fins a 2023, ne demoram als sites existissents, mai que mai en causa de la manca de ressorsas umanas disponiblas per dubrir de novèls sites, malgrat la volontat d’una vilas coma Montpelhièr. Los collègas competents demòran pas totjorn en pòste bilingue, e la consolidacion de l’existent es pas totjorn aisida. La dinamica al nivèl del Projècte pedagogic academic es totjorn aqui

2^nd gra

aqui tanben, patissèm d’una manca de RH (rampèl : de 56 en 2000  auna pichòta trentena ara). Es dificil d’assegurar lo seguit bilingue al nivèl collègi, los efectius son estables en collègi e totjorn plan basses en licèu.

Universitat

Los efectius patisson de la manca de liceans, son pas sufisents per assegurar lo pesquièr dels concorses, que lo mestièr atira gaire… La formacion « ensenhar » agrada als estagiaris e los collègas que la seguisson menan un bon dinamisme dins lo dept.

INSPE

Avèm gaire de visibilitat dempuèi lo recrutament del PRCE en L3 e la formacion dubèrta a Carcassona. La question se pausa del volume d’oras d’occitan insufisent que conten aquela licéncia preparatòria, nombre plan mendre que çò qu’avián los estudints que dintravan en master MEEF après la capitada a la licéncia d’occitan. La localizacion excentrada a Carcassona, luenh de la fac ont se poirián estudiar de possibilitats de mutualizacion es un problèma. Los estudiants que i son formats, e mai se son afectats puèi dins Gard o Losera, i vòlon pas demorar. Donc es necite d’obrir de formacions dins totes los departaments.

Situacion del CREO

E mai s’aimariam mai de collègas militant.as, nos regaudissèm de la montada regulara de las adesions (140 l’an passat), qu’es una pròva de fisança. D’ara en dabans lo CREO fonciona amb 2 co-presidents, que trabalhavan ja en collaboracion (B. Bolano e MJ Verny). L’associacion es plan activa amb de projèctes pedagogics finançats per la bastison de dorsièrs de subvencion (Total Festum, Projècte vila de Montpelhièr sus las femnas occitanas) e tanben amb de trabalh inter-associatiu (Montpelhièr l’Occitana, La Passem Lengadòc-Bas…)

Academia de Niça

Ressorças umani

• Bilinguisme 1^er gra : A-M : 5 professors (4 ai Portegalièrs un a Fònt Cauda), Var: 4 professors escòla Bramerie de Cuers),

Da notar que 2 professors venon d’integrar l’ensenhament bilingue en seguida d’una annada de formacion unica en l’encastre d’un partenariat emb l’universitat de Niça.

• Ensenhament 2nd gra: 19 professors en lu collègis e licèus dei Aups-Marìtimos e de Var (11 certificats d’occitan-lenga d’òc, 7 certificats d’una autra disciplina abilitats en lenga d’òc e 1 PLP leterari abilitat en lenga d’òc).

Da notar que la part dei certificats d’occitan-lenga d’òc s’es reducha (5 sortents en 3 ans)

Formacion de contunh

Annada 2025-2026 : 40 estagiaris en lo 1^er gra (9 oras d’iniciacion a la lenga d’òc), 3 estagiaris 1er gra en reactivacion linguistica (6 oras), 61 estagiaris dins Var per lou projèct Zou Cantan (3 oras).

En lo 2^nd gra, 28 estagiaris per lo projèct “patrimòni, lenga e cultura regionali (6 oras), e 3 estagiaris en iniciacion a la lenga d’òc (18 oras).

Efectius escolans

1^er gra

• 1er gra bilingue: escòla Fònt Cauda de Niça: 16 escolans, escòla lu Portegalièrs de Niça: 78 escolans, escòla Bramerie de Cuers: 89 escolans. Total bilingua acadèmia : 181 escolans.
• Sensibilisacion 1^er gra : 20 escòlas dins Var e 58 escòlas dins Aups-Marìtimos.

2^nd gra

• 13 collègis dei Aups-Marìtimos per 417 collegians.
• 10 licèus dei Aups-Marìtimos per 423 liceans.
• 6 collègis de Var per 360 collegians.
• 4 licèus de Var per 26 liceans.

Total academic : 34 establiments dau segond gra per 1226 escolans collegians/liceans.

Situacion generala

• 36 oras flechadi en lo segond gra despi lo 2020.
• 2 CALR per an.
• Cambiament de rector despi la rintrada 2026.
• AG de l’APLR si tenguèt lo 3 d’octobre.
• Pas de cursus universitari nimai de presença a l’INSPE.

Academia de Tolosa

Vida CREO

Cambiaments : 4 CREOS departamentals causiguèron de clavar lor estructura departamentala : 3 CREOS decidiguèron de fusionar amb lo CREO academic. Es lo cas per Tarn, Avairon ; e per Òlt, es en cors. Lo CREO de Garona Nauta, qu’èra tengut pels conselhèrs pedagogics, creèt el son associacion pròpia. A l’ora d’ara, suls 8 departaments de l’Academia, demòran doncas 2 CREOS departamentals : Gèrs e Tarn e Garona.

Lo CREO academic compta un trentenat d’aderents regulars. 26 collègas èran presents a l’AG d’octobre passat.

Rectorat

Relacions majoritariament bonas amb lo Rectorat e los Dasens. Los gropes de trabalh departamentals se tenon dos còps l’an coma, lo CAEOC. Al mes de mars passat, lo CREO foguèt recebut al Rectorat amb una intersindicala.

Una volontat de desvelopar l’ensenhament e un bon ambien son notats dins la màger part dels departament, manca per Olt (supression del pòste de CPD). Las intervencions del CREO e dels partenaris (OcBi, collectivitats) es sempre tibat amb la Dasen.

Primièr gra

La manca de ressorças umanas nos es estada senhalada dins mai d’un departament : dificultats per trobar remplaçants. L’ofèrta en bilingue se manten çaquelà amb una tendéncia al desvelopament : obertura de 3 sites novèls a la dintrada de 2026 : Arièja (St Girons), Garona Nauta (Cadours) Gèrs (Samatan).

Second gra

Los mejans academics se mantenon quasi pertot. Mas la question del seguit e de la pèrta d’efectius es problematica :

• pèrta d’efectius entre lo CM2 e la 6na pels bilingues. (marrida gestion administrativa, sovent)
• pèrta d’efectius per las opcions en collègi e en licèu :

1) multiplicacion d’opcions o d’activitats non compatiblas

2) refòrma del Brevet e devalorizacion (supression dels punts bonificators)

Universitat

• De 50 a 64 estudiants en primièra annada, passam a 12 en mastèr. Pel MEEF : 2 estudiants

Remarca MJV : pensi pas que calga tenir compte de la chifra donada per PARCOURS SUP ; correspond a res, puèi que los liceans pòdon causir de molons de possibilitats ; caldriá aver l’estat dels estudiants que se son marcats.

INSPE

La campanha d’inscripcion per la dintrada 2026 dins cada departament menèt a la constitucion de gropes entre 5 e 10 estudiants. Una sola estudianta dins Olt. De seguir..