Aquesta conferéncia-lectura a l’entorn del grand autor limosin Jan dau Melhau e de son òbra literària se debanarà lo 6 de mai a l’Ostal d’Occitania de Tolosa, de 15 o a 17 o 30, en preséncia de l’autor.Dins l’encastre d’aquel eveniment del cicle « Autour de la littérature d’oc » (PLH EA 4601), los estudiants de l’Universitat Joan-Jaurès balharàn una lectura de Ma lenga (Chas ilhs, 2012) que serà seguida d’una discutida amb l’autor sus son òbra literària, son occitanisme e sa vida de poèta, d’editor, de musician e d’òme d’una tèrra e d’un pais.
A’n aquela occasion, la Convergéncia occitana li remetrà son prèmi de literatura d’oc.
Aquest eveniment es organizat en associacion amb Ràdio País e la librariá Occitania (Thourel) de Tolosa, e amb lo sosten de la Convergéncia occitana e de l’Ostal d’Occitania.
La preséncia del librari Jérôme Thourel, vos permetrà de vos procurar de libres de l’autor.
