Pregam nòstres collègas e, mai generalament, nòstres legeires, de perdonar lo retard de publicacion d’aqueste rendut compte : los meses de novembre e decembre son estats clafits d’obligacions professionalas e militantas.

 

 

 

 

 

 

 

 

Presents

Gerard-Joan Barcelo, Benoit Bolano, Beatritz Bringué, Sylvan Chabaud, Lionel Cayrol, Jean-Baptiste Courcelle, Bruno Duranton, Frédéric Jolibois, Virginie Lago, Mélanie Laupies, Sarah Laurent, Jérémie Marçais, Jacqueline Martin, Frédéric Martron, Olivier Pasquetti, Matthieu Poitavin, Aymeline Recours, Isabelle Théron, Marie-Jeanne Verny

Desencusats

Muriel Batbie, Maria Boivert, Laura Bonnet, Olivier Caponi, Denis Galvier, Maxime Juniet, Julien Konopnicki, Philippe Martel, Patrici Roques

Conselh d’administracion preparatòri a l’AG

La question de la convencion-cadre a menat abans l’AG fòrça debats al dintre de la FELCO. Lo tèxt tal coma deu èsser adoptat fin de novembre es pas satisfasent e las demandas presentadas per los representants de la FELCO e dels CREOs son pas estadas – o an pas pogut èsser – ausidas… Las espèras se pòrtan ara sus las declinasons academicas.

Discutida a l’entorn de l’interès de signar o pas aquesta convencion e eventuaument de poder atacar o pas al tribunau administratiu. Les punts de vista son partatjats : signar de vuege, dison d’unes e d’unas, perqué ? Signar pr’amor nos podem pas permetre de nos confrontar ambe l’OPLO. Es melhor que res ? Pas de consensus al dintre de la discussion, mai que mai estent la dificultat de mesurar los rapòrts de fòrça FELCO / OPLO / Ministèri…

Un acòrd de principi se fai sus l’idèa qu’una convencion sens mejans afectats risca de mostrar sos limits, d’aquí l’importància de bastir lo rapòrt de fòrça.

Lo president pausa tanben la question del biais de portar las revindicacions al nivèl academic.

Proposicion es facha (e adoptada)

• d’un corrièr de la FELCO a l’OPLO per manifestar nòstra vigilànica e exprimir las nòstras exigéncias
• de la redaccion d’una mocion de resèrva
• d’un mandadís ulterior als deputats concernits per lor demandar d’insistir sus nòstras demandas de declinasons academicas dinamicas.

Aqueles documents

• portaràn l’exigéncia d’objectius chifrats academics ;
• portaràn la demanda de dinamisma sus la question de la part de l’OPLO

Assemblada generala

1-    Rapòrt financièr

Es presentat per Bruno Duranton, clavaire : https://www.felco-creo.org/wp-content/uploads/2025/11/2511-07-COMPTES-FELCO-2025.pdf

Adoptat a l’unanimitat. L’AG balha lo quitus al tresorièr.

2-    Rapòrt moral presentat per lo president Olivier Pasquetti

Veire en linha : https://www.felco-creo.org/08-11-25-raport-moral-2025-olivier-pasquetti-president-felco/ Adoptat a l’unanimitat

3-    Rapòrt d’activitat

Lo trobaretz en linha a l’adreiça https://www.felco-creo.org/08-11-25-raport-dctivitat-felco-2025/

4-    Eleccions del CA e del burèu.

Lo CA es votat suls principis seguents

• Vòte suls candidats presents
• Vòte de principi suls absents que presentarián lor candidatura immediatament après l’AG
• NB : cada academia a lo poder, segon los estatuts, de designar 2 representant.as, de preferéncia de 2 nivèls diferents. Aqueles noms son pas sotmeses al vòte.

Lo CA 2026, adoptat a l’unanimitat, es lo seguent

Representants academics

• Ais Marselha : Sarah Laurent(2^nd gra), Matthieu Poitavin (2^nd gra)
• Aquitania : Nancy Capelle (1^er gra), Nadège Pehau (2^nd gra)
• Auvèrnhe : Laure Bonnet (1^er gra)
• Granòble : Joan Barcelò (2^nd gra)
• La Talvèra : Patrici Roques (2^nd gra)
• Montpelhièr : Benoit Bolano (1^er gra) ; Beatritz Bringué (2^nd gra)
• Niça : Jérémie Marçais (1^er gra), Frédéric Martron (2^nd gra)
• Tolosa : Jean-Baptiste Courcelle (1^er gra), Virginie Lago (2^nd gra)

Membres elegits

• Muriel Batbie – 2^nd gra (Tolosa)
• Maria Boivert – 2^nd (Tolosa)
• Delphine Castaing – 2^nd gra (Tolosa)
• Lionel Cayrol – 2^nd gra (Tolosa)
• Sylvan Chabaud – fac (Montpelhièr)
• Marie-Anne Chateaureynaud – INSPE (Bordèu)
• Bruno Duranton – 2^nd gra (Tolosa)
• Frederic Jolibois – 2^nd gra (estagiari CAPES Montpelhièr)
• Maxime Juniet – 2^nd gra (Tolosa)
• Julien Konopnicki – 2^nd gra (Montpelhièr)
• Philippe Martel – fac (Montpelhièr)
• Jacqueline Martin – 1^er gra (Montpelhièr
• Olivier Pasquetti – 2^nd gra (Nissa)
• Aymeline Recours – 2^nd gra (Ais)
• Patrice Roques – 2^nd gra La Talvèra
• Isabelle Théron – 2^nd gra (Tolosa)
• Marie-Jeanne Verny – fac (Montpelhièr)

Eleccion del burèu

Lo president fai un apèl a candidaturas novèlas. Dins l’abséncia d’aquestas, lo burèu es recondusit a l’unanimitat :

• Bruno Duranton e Laure Bonnet : clavaires
• Marie-Jeanne Verny e Lago Virginie : co secretàrias
• Gérard-Joan Barcelo : Vice president :
• Olivier Pasquetti : president :

Comissions de trabalh

• 1^er gra : Benoît Bolano e Jérémie Marçais
• 2^nd gra : Virginie Lago
• Universitat : Sylvan Chabaud

5-    Torn de las acadèmias

Ais Marselha

2° gra

Dins l’acadèmia d’Ais-Marselha, pas de cambiament notable. Pas de perda d’oras mai pas de creacion tanpauc. Quauquei professors son sollicitats per faire d’oras dins sa valència per parar a sa situacion de sota-servici e a l’abséncia de professors de letras modèrnas mai que mai. La situacion d’Aups onte cap de professor d’occitan lenga d’òc es afectat durablament demòra la mema, amb una abséncia totala d’ensenhament dempuèi d’annadas.

Avèm pas encara agut de CALR aquest an e l’an passat tanpauc.

L’acadèmia bota l’accent mai que mai sus lei projèctes pedagogics.

Bordèu

L’AG prevista dissabte le 15 de novembre. Pas de representants mandatats, ni cap de bilanç mandat per l’AG.

Clarmont

1er gra

L’ensenhament es prepausat unencament dins lo Cantal, amb un pòste e mièg de mèstras barrutlairas que fan de sensibilizacion, los effectius d’escolans e d’escòlas concernidas contunhan de progressar. Un CALR se debanèt en abriu amb una novèla DASEN encargada LR e un novèl rector que coneissiá pas encara tròp los destalhs. Los escambis – en visio – foguèron malaisits per de rasons tecnicas. En decembre, i aurà una novèla discutida ambe la Region. Serà tanben l’escasença de faire le punt suls efectius.

2nd gra

Lo – sol – collèga en pòste interven sus 5 establiments. Dins un collègi, la demanda èra talament fòrta que l’administracion impausèt una seleccion dels escolans après evaluacion, çò que pausa una question grèva de principi.

Granòble

Es una acadèmia subreviventa. Un sol ensenhaire per 2 oras / setmana dins le secondari. I a d’iniciacions en primari dins le sector de Nions.

Una informacion es passada sus un projècte d’iniciacion dins Dròma Cevenòla. Jaumelina Martin, anciana conselhièra pedagogica per GARD es en contacte amb le monde concernits. Una persona es a se formar ende poder balhar cors d’iniciacions sus medish modèle coma l’ADOC en Avairon.

Montpelhièr

De notar que los 2 grops de trabalh departamentals preparatòris als 2 CALRs son plan actius e eficaces, en defòra de Gard ont i a un blocatge evident.

1er gra

I a un vertadièr besonh e una volontat d’obrir de sites bilingues novèls mes tanben una manca crudèla de ressorças umanas que pesa tanben suls remplaçaments. 3 DSDEN jògan lo jòc (Aude, Erau, Losera), mas dins Gard, i a de reticéncias de la DSDEN sus la formacion contunhada : refús de laissar partir de collègas per lo dispositiu Ensenhar / professors, retencion sus lo nombre de participants a l’estagi academic annadièr.

2nd gra

Los effectius se mantenon, mas demòran basses en licèu, per causa d’emplecs del temps inadaptats, per los escolans coma per los mèstres, los professors estagiaris, entre autres. La concurrència amb las autras opcions es fòrta. Las possibilitats de cumuls son diferentas d’un establiment a l’autre.

Universitat Paul Valéry

La formacion MEEf 2^nd gra es estada menaçada en causa d’una volontat de mutualizar sus una soleta universitat (Tolosa) los masters MEEF (çò qu’es una resulta de la baissa dels pòstes al CAPES dempuèi 2013). L’ajuda de la presidenta de l’universitat permetèt de sauvar la formacion. Mas la crenta per tla filèra demòra per las annadas aveidoiras : los masters MEEF per l’allemand e l’italian son pas estats sauvats.

En ensenhament d’opcion, 3 grops son estats barrats en 3 ans en causa d’efectius flacs.

Proposicion es facha d’escriure al Ministèri per un nombre de pòstes mai important al CAPES.

Remarca post AG : lo corrièr es aquí : https://www.felco-creo.org/17-12-25-postes-au-capes-2026-la-felco-sadresse-au-ministere-pour-une-augmentation-de-leur-nombre/ e es estat acompanhat d’una sollicitacion dels parlamentaris qu’an començat de reagir : https://www.felco-creo.org/16-12-25-pour-un-nombre-de-postes-au-capes-doccitan-langue-doc-conforme-aux-besoins-les-parlementaires-repondent-a-la-felco/

Niça

1^er gra

Le problèma de la ressorça umana se pausa aquí tanben. Ça que là, aquest an i a dos professors en formacion çò que laissa pensar que seràn donc dos professors de mai a la dintrada venenta. Se pòt pensar que d’autres collègas seràn interessats per seguir aquesta formacion e ensenhar l’occitan.

Per l’ora, un centenat d’escolans seguisson un percors bilingue sus dos sites.

I a pas de conselhièr pedagogic… L’encastre de trabalh es donc mal assegurat. Per exemple, a l’escòla de formacion i a dos percors de formacion que prepausan de moduls en occitan, mas lo monde que los seguisson son puèi perduts per manca de seguit.

2^nd Gra

La rectritz es fòrça respectuosa de la lei e atentiva a la situacion de l’occitan. Los CALR se tenon e definisson las dralhas de seguir. Ça que là coma pertot en Occitània se pausa la question de las ressorças umanas : i a pas de capesians novèls per remplaçar los collègas que partisson a la retirada. L’abilitacion dels collègas d’autras matièras sufirà pas. Qualques oras sagetadas permeton de manténer la situacion al meteis nivèl.

Tolosa

1^er gra

Las causas se mantenon simplament… I a pas agut cap de dubertura bilingua a la dintrada. De causòtas son estadas fachas per remediar als problèmas de ressorças umanas dins Tarn ambe la dubertura d’un pòste POP (= un pòste dubèrt sus França tota).

2^nd gra

Meteissas inquietuds que dins las autras acadèmias.

De notar dins Tarn l’organizacion de la 1^era edicion de « la passem ».

Le rectorat se centra pel moment sus la declinason academica de la convencion dont es estat quasi unencament questions dins los diferents Grops de trabalh departamentals e sustot au CAEOC (nom del CALR dins l’acadèmia de Tolosa). La fuelha de rota anonciada prepausa subretot de renforçar l’existent e quauquas oberturas.

6-    FLAREP – PQVNL – APLV – CONGRES

Lo president rampèla que la FELCO es implicada e fòrça activa dins d’instàncias federalas ont pòrta la votz de l’ensenhament public de l’occitan

FLAREP

Olivièr Pasqueti nos i representa. Au congrès de Savòia, Olivier Delobel anoncièt que se tornariá pas presentar. Le congrès seguent se passarà al Païs Basc.

PQVNL

Lo collectiu a fòrça trabalhat aquest an (una visio caa mes, al mens, e cada 15 jorns per la preparacion de asa mudason en associacion : redaccion d’estatuts e d’un reglament interior)  Le collectiu es vengut associacion dempuèi la fin d’octòbre. Es important de i faire entendre la votz de l’ensenhament public de l’occitan. Representanta : MJV

Congrès

Lectura deu compte rendut de Maxime Juniet, desencusat : En seguida de la mission que m’es estada fisada per la FELCO de la representar al dintre del Congrès permanent de la lenga occitana dempuèi la darrièra AG, participèri a tres amassadas l’an passat : un CA al mes de novembre, un Conselh dels usatgièrs al mes de març e una amassada generala al mes de mai. A la demanda de la FELCO, lo Congrès a reviscolat son Conselh dels usatgièrs. Aqueste Conselh s’es recampat pel primièr còp lo 12 de març passat, aprèp d’annadas d’inactivitat. La FELCO, en companhiá de Joana-Maria Vazelle del CIRDOC e de Maria-Anna Pojada d’APRENE, es co-presidenta del Conselh dels usatgièrs dins la tòca de participar activament al trabalh de cooperacion entre usatgièrs e tecnicians de la lenga. Pel moment, lo Congrès a demandat a totes los membres del Conselh dels Usatgièrs de testar una novèla version de Verb’Òc, l’aplicacion de conjugason, que deuriá èsser mesa en linha lèu. Soi d’acòrdi per contunhar de representar la FELCO tant al Conselh d’administracion del Congrès coma a son Conselh dels usatgièrs l’annada venenta, mas daissarai ma plaça amb plaser se qualqu’un mai vòl prene lo relai. Lo CA venent se tendrà a la fin del mes. Convidi los e las collègas a me far remontar tota remarca o suggestion a prepaus del Congrès o dels otisses numerics e lingüistics que desvolopa, per que la FELCO pòsca contunhar d’i portar la votz dels ensenhaires e usatgièrs que sèm.

Suggestion MJVerny : coma los ostals d’edicion an pas (pro) de correctors, los libres son clafits d’errors. Demanda donc que i aja au congrès un servici de correccion qu’ajude les editors.

Suggestion adoptada

APLV

Coma anonciat, Patrici Roques que nos representava dinc ara au dintre de l’APLR passa le relai a Beatritz Bringué quemercejam. Patrici es mercejat de son trabalh menimós : rendut compte precís e clar de cada reunion de l’APLV

1-    Sul plan interacademic, l’accion de la FELCO

Rescontre amb la novèla inspectritz generala

Aqueste rescontre, a Paris, en julhet de 2025, se passèt dins un ambient d’escota atentiva. Las relacions contunhan per escambis de corrièls

Punt sus la refòrma deu DNB

Vivèm una novèla refòrma que bota a mal la valorizacion de las lengas regionalas au DNB. Fins ara, los escolans que seguisson un ensenhament d’occitan podián aver fins a 20 punts que s’ajustavan als punts del DNB. D’ara en dabans, los solets punts al dessús de la mejana seràn preses en compte amb un coefficient 2. Dins los faches, un escolan deuriá aver 20 de mejana per obténer 20 punts. En mai d’aquò, una sola opcion serà d’ara en dabans presa en compte. L’alèrta foguèt balhada al nivèu de l’Inspeccion generala (https://www.felco-creo.org/08-09-25-des-degradations-sur-la-place-des-langues-regionales-au-dnb-2026-la-felco-alerte-linspection-generale/).

Los collègas qu’ensenhan en collègi son fòrça preocupats per aquesta desvalorizacion. D’autra part, los escolans podián fins ara passar una partida de l’oral en occitan. Aquesta iniciativa era valorizada per la màger partida dels establiments. D’unes collègas se demandan s’aquesta opcion sera encara possibla, coma poiriam armonizar aquò e sustot ajudar dins los establiments ont es pas encara possible

Totjorn au subjècte deu DNB, collègas evocan un besonh d’armonizacion planvolenta de las nòtas deu DNB peus escolans que compausan l’istòria geografia en occitan. Cal pas que les escolans sian penalizats per una redaccion en occitan.

Proposicion 1 : tornar organizar las comissions FELCO per nivèl (en l’occurréncia la comission collègi per poder escambiar mai longaments sus aqueste genre de question ambe collègas qu’o sovetan.

Proposicion adoptada : avèm decidit que cada comission (1er gra, 2nd gra, superior) trabalharà sus de punts precises coma lo DNB per exemple. Lo responsable de la comission escriurà a totes los membres del CA de 2nd gra e als representants academics (que faràn virar au dintre de la lora academia) per lor demandar de particpar a la comission.

Proposicion 2 (de metre en òbra) : Redaccion d’una letra aus IPR ende demandar una armonizacion planvolenta de la part deus correctors.

Agregacion

La bona novèla foguèt l’anóncia per l’IG de la parucion dels programas abans l’estiu, causa que ela demandèt coma la demandèron d’unes Rectorats. Èra una demanda anciana de la FELCO que l’anóncia del programa de l’agregacion lengas de França se faga al meteis moment que las autres disciplinas.

Pasmens, la session de l’agregacion 2026 se trobèt menaçada a la dintrada : foguèt pas publicada sul site « Devenir enseignant ». En 10 jorns, la FELCO abrivèt una mobilizacion: letra al Ministèri, als rectorats concernits, als elegits. Las reaccions nombrosas e lo pes d’unes espacis linguitics (Corsega) faguèron bolegar lo Ministèri e lo concors es estat dubèrt (corrièl de la DGH del ministèri mandat un dijòus a 7 oras e mièja del vèspre : https://www.felco-creo.org/25-09-25-agregation-langues-de-france-2026-ouverture-de-la-session-occitan-langue-doc/).

Es rampelat als collègas que se cal marcar a l’agregacion e anar a las espròvas escritas per justificar los pòstes demandats. Los collègas presents a l’AG an consciéncia d’aquesta exigéncia, mas an d’escrupuls a l’idèa « d’abandonar » tròp sovent lor classa.

Convencion

Lo president torna sus la discussion del matin e la proposicion del CA  de l’escritura d’una mocion en direccion de l’OPLO e d’una letra al president. Causa facha après l’AG : https://www.felco-creo.org/convention-cadre-pour-lenseignement-de-loccitan-motion-felco-ag-du-8-12-25/ e https://www.felco-creo.org/convention-cadre-pour-lenseignement-de-loccitan-la-felco-ecrit-au-president-de-loplo-office-public-pour-la-langue-occitane/

Una letra serà puèi adreiçada als parlamentaris concernits per los demandar d’apuejar la necessitat de declinasons academicas dinamicas.