Estimadas, estimats,
Cars collègas,
Amb aquest an novèl que comença, vos desiram a totes e a cadun(a) una bona annada. Que vos sia joiosa..
de bonaur, e de vam acompanhada, dins cada domèni de la vida.
Las accions per defendre l’ensenhament de l’occitan dins nòstra academia demoraràn al còr dels objectius del Creo.
Tenèm a mercejar totas las personas que se son investidas las annadas passadas e fins ara, en prenent responsabilitats al dintre del burèu, del CA, o d’un autre biais.
En 2026, mai d’un cambiament (convencion-cadre, refòrmas,..) nos demandaràn, sempre, de demorar en vigilància (en collaboracion, ja entre nosautres, puèi amb nòstres partenaris).
Esperam, amb una energia positiva e una ajuda planvenguda de cadun(a) – emai sia modèsta – que poirem contribuir a melhorar situacions dins endreits que s’i fa mestièr. E sabèm totes que non es pas simple. Sèm una associacion e non avèm pas de descarga per seguir los afars de 8 departaments, en mai del nòstre trabalh, amb percòps mai d’una mission.
Moments d’encontres convivials seràn tanben al programa amb los Encontres academics (2nda edicion) portats pel Creo, al mes de mars.
Sètz nombroses tanben a prepausar iniciativas dins vòstres establiments o vòstres parçans.
2026 seriá l’escasença de ne far un ensag de recensament e de comunicar. Trantalhetz pas de nos assabentar..
Los punts a venir
- Aprestar una demanda d’audiéncia al Rector per Òlt (projècte de collectiu en cors de constitucion..)
- Proposicion de creacion d’una delegacion CREO/sindicats sus la question de l’afectacion dels collègas.
- Se questionar suls Creos departamentals e lors fonccionaments. Mancam de visibilitat. La necessitat de ne far un inventari/estat foguèt exprimida per mai d’un collèga. Una discutida serà organizada al 1èr trimestre (assemblada) per saber quina seguida o cambiaments nos caldrà portar per fin d’ésser mai units, nombroses, organizats e eficaçes dins un contèxte general de mai en mai complicat, de la mairala a l’universitat.
- Nòstra federacion (la FELCO) s’encarga tanben de portar las questions nacionalas. Es en demanda de bonas volontats per portar pèira a l’edifici. I podèm totes contribuir, en obrar per sectors tematics (en pichons gropes de reflexion sus una tematica donada, segon las competéncias de cadun).
Bona annada, plan granada, a totas e totes, e bon coratge !
Trobaretz çai-jos un remembre de las accions portadas en genièr
- lo 7 de genièr : acamp visiò amb l’OPLO sus la refòrma dels concorses. Seràn sollicitats los presidents de cada CREO, AELOC, APLR e tanben los collègas d’Universitat e INSPE. (alèrta dels collègas de l’INSPE sul projècte de refòrma de la licéncia Professors de las Escòlas – LPE / percors occitan pel CRPE)
- Mandadís de letras als deputats e senators sus las declinasons academicas de la convencion-cadre.
- lo 14 de genièr : audiéncia de la FLAREP al Ministèri amb lo president de la Felco, Olivièr Pasquetti, que nos representarà.
- relança de totes los parlementaris sul nombre de pòstes al CAPES.
- Reunion en visio amb la Region suls PEACCO (Projèctes d’Educacion Artistica e Culturala en Òc) e lor devenir.. (data en espèra)
Trobaretz tanben çai-jos en linha sul site de la Felco (https://www.felco-creo.org/) e del CREO : Tolosahttps://www.felco-creo.org/creo-tolosa/.
- lo CR del CAEOC (Tolosa 19/12/2025) : https://www.felco-creo.org/19-12-25-cr-creo-tolosa-caeoc/
- los darrièrs corrièrs mandats als parlementaris : 17-12-25 – Postes au CAPES 2026 – La FELCO s’adresse au Ministère pour une augmentation de leur nombre
23-12-25-Pour un nombre de postes au CAPES d’occitan-Langue d’oc conforme aux besoins- Les parlementaires répondent à la FELCO
Nous remercions les député.es, sénateurs et sénatrices qui ont répondu à notre sollicitation d’intervention auprès du Ministère pour un nombre de postes à la session 2026 conforme aux besoins des 32 départements concernés. Nous publions ci-dessous les réponses obtenues dans l’ordre de leur arrivée … Lire l’article
Convention-cadre pour l’enseignement de l’occitan : la FELCO écrit au président de l’OPLO – office public pour la langue occitane
malgré nos différents échanges à propos de l’élaboration de la nouvelle convention cadre, nos préconisations n’ont pas été suivies, aussi la fédération d’enseignants d’occitan de l’Éducation nationale ne peut qu’exprimer son désaccord, sa déception et sa crainte au vu du contenu de cette dernière… Lire l’article
Convention cadre pour l’enseignement de l’occitan – motion FELCO AG du 8-12-25
Les enseignants d’occitan réunis dans la FELCO (enseignement public), réunis à Montpellier le 8 novembre 2025, ont exprimé leur profonde déception devant le contenu de la convention-cadre en passe d’être signée au moment de cette réunion. … Lire l’article
—
