Coma decidat a l’AG de l’an passat, l’AG de la FELCO – que fedèra las associacions academicas d’ensenhaires del public (CREOs, APLR, AELOC) se tendrà lo dissabte 8 de novembre a Montpelhièr, Universitat Paul-Valéry en sala A 105 (cf. organizacion de la jornada aqui-sota)
Comptam sus vosautres totes, amb una demanda particulara als collègas de l’academia de Montpelhièr d’èsser nombroses per aculhir los que vendràn de luenh, de Niça, Bordèu, Pau o Clarmont. Per una melhora organizacion, vos demandam de vos marcar sus aqueste ligam : https://framadate.org/HPXOZvVLBPqI8QdS
Las candidaturas al CA e al burèu son esperadas. Rampèl dels estatuts : sus 32 plaças au CA, 16 son reservadas als representants academics (2 per cada CREO, AELOC, APLR) e 16 son dubèrtas a las candidaturas individualas e motivadas.
Nos cal donc saber lo nom dels representants de cada academia (de preferéncia de 2 nivèls diferents).
Coma o a escrich nòstre president als membres del CA 2024-2025 : « avem besonh de cadun, mai que mai en aquelu temps. Ensem li arriberem! Gramaci per la vòstra ajuda preciosa, baietas e amistats, Olivier PASQUETTI »
Organizacion de la jornada òrdre del jorn
- 11h30-12h30, acamp dau CA
- 12h30-13h30: moment conviviau e repaish partatjat : tot lo mond es convidat
13h30-15h30: AG emb òrdre dau jorn
- actualitat FELCO
- ponch sus FLAREP- PQVNL- APLV e lu nòstres rapresentants
- rapòrt moral
- rapòrt financièr
- eleccion dau CA
- eleccion dau burèu
- organizacion de las comissions (1er gra, 2nd gra, inspe/fac
- questions diversas
