L’inscripcion als concorses es dubèrta fins al 25 de novembre de 2026. Lo nombre de candidat.as marcats/adas e present.as a las espròvas escrichas es l’argument màger per obténer de pòstes, e mai se quitam pas de sotlinhar, la FELCO, los besonhs immenses de ressorsas umanas per respondre als besonhs.
Avètz lo CAPES e vos sentissètz pas, per l’ora, lèst.a a preparar l’agregacion. Mas benlèu qu’un jorn o l’autre vos vendrà aquesta idèa de melhorar vòstre estatut e vòstras condicions de trabalh. En 2026, a calgut una batèsta granda de la FELCO per obténer la dubertura de la session (https://www.felco-creo.org/25-09-25-agregation-langues-de-france-2026-ouverture-de-la-session-occitan-langue-doc/).
De pas oblidar : los concorses son una conquista de l’engatjament militant de las generacions qu’ensenhavan l’occitan en mai de lor disciplina de recrutament e que se mobilizèron per que las novèlas generacions pòscan aver un estatut.
Aquesta conquista es totjorn menaçada.
