La FELCO e lo CREO Lengadòc son estats interpelats, debuta de julhet, per d’unes de sos aderents, en seguida de la suspension per l’OPLO de las borsas « Ensenhar estudiants ». Nòstres collègas regretavan los efièches dissuasius d’aquela mesura sus los estudiants susceptibles de seguir lo cursus de formacion a l’ensenhament de l’occitan, s’estonavan tanben de la data d’aquesta anoncia, en debuta de vacanças escolaras.
La FELCO a donc pres contact amb l’OPLO. Après un escambi telefonic entre nòstre psdt e lo director de l’OPLO, una visio-conferéncia es estada prepausada per l’Ofici ont foguèt tanben convidat, sus suggestion del CREO Lengadòc, lo CREO Tolosa. I participèron, per l’OPLO, JL Armand, psdt, B. Assié, V. psdt e G. Lagalaye, director, per la FELCO, O. Pasquetti, per lo CREO Lengadòc, MJ Verny, per lo CREO Tolosa, E. Isopet.
Aquesta reunion permetèt de metre sus taula mantuna question tocant l’ensenhament public de l’occitan, la formacion dels mèstres e la question cruciala de las ressorsas umanas.
La direccion de l’OPLO nos faguèt part de la deliberacion votada per la suspension de las borsas « Ensenhar estudiants » e nos diguèt que se soscava a un bilanç d’eficacitat de las borsas « ensenhar » e a un plan global Licèu / Universitats / Formacion dels mèstres.
Per maitas informacion, trobaretz
- lo projècte d’establiment de l’OPLO : 20250306_DoC – projet d’établissement OPLO
- la deliberacion de suspension de las borsas : Délib_CA25-06-25.08-ensenhar – suspensionsDispositifs
- lo reseumit de la decision : 250723_BEE_Resumit – borsas ensenhar
- la deliberacion sul sosten als operators partenaris de l’OPLO (Contam, Congrès, Aprene, Oc-prod, Oc-Tele, OCBI, IEO-OPM) : Délib_CA250625.03_Soutien_opérateurs OPLO
