Adieussiatz plan collègas, sètz totes convidats a l’AG del CREO de l’Academia de Tolosa que se tendrà lo dissabte 10 d’octobre (cf. çai-jos), amb moments convivials a partir de 9:30 : acuèlh cafè-coquets, e a 12:30 :aperitiu/tasta-còca ofèrt pel CREO +
Presentacion del calendièr 2027 La Beluga per nòstre collèga Joan Tomàs
Mercés plan de difusir l’informacion al prèp de vòstres collègas (1èr e 2nd grases dins cada departament !
CREO Tolosa — Convòca a l’Amassada Generala 2026
En acòrd amb los estatuts, totes los ensenhaires d’occitan dins l’acadèmia de Tolosa son convidats a participar a l’Amassada Generala (AG) ordinària deu Centre Regionau dels Ensenhaires d’Occitan de l’acadèmia de Tolosa (CREO Tolosa) de 2026.
lo dissabte 10 d’octobre de 2026 a 10 oras
sala Antonin Perbòsc de l’Ostal d’Occitania, (en presencial o en visio), Mètro Esquiròl. 11, carrièra Malcosinat. Tolosa.
Òrdre del jorn
1- Primièra partida (de 10 a 11 oras) :
- rapòrt d’activitat (moral), accions passadas
- rapòrt financièr, aprovacion dels comptes
- modificacion dels estatuts
- renovelament del CA
- cotisacions 2026/27 : ongan, l’adesion permetrà als membres d’avantatges,gràcias a partenaris novèls (remesas a la librariá La Tuta e a cò de Boudu boutique)
2- Segonda partida (de 11 oras a miegjorn e mièja) : en preséncia de l’IPR Thierry Doussine :
Bilanç de dintrada 2026 (demandam un punt rapide per departament, amb un escrit mèi detalhat mandat en amont al burèu pels representants del CA o referents de cada departament). La preséncia de l’IPR per aquesta partida de reunion permetrà de li far remontar los problemas encontrats e de li far proposicions.
Autres sicuts
- representants pel CA FELCO
- Collòqui FLAREP. (Bascoat del 17 al 19 d’octobre)
- Carrièras occitanas (17 e 18 d’octobre)
- AG Felco 7 de novembre
- questions divèrsas
Se vesètz punts de tractar en question divèrsa, esitetz pas de nos far saber..
Lo burèu e lo CA son de renovelar e seretz plan braves d’anonciar la vòstra candidatura al burèu per avança Se non podètz pas venir, podètz balhar lo vòste poder a una persona presenta. Atencion ! un sol poder possible per persona presenta.
LA PRESÉNCIA DE TOTS ES NECESSÀRIA. COMPTAM SUS VOSAUTRES. MERCÉS DE NOS CONFIRMAR A L’AVANÇA LA VÒSTRA PARTICIPACION A L’AG : creotoulouse@gmail.com
Plan coralament e al plaser de vos veire, lo burèu
CREO de l’Académie de Toulouse
Centre Régional des Enseignants d’Occitan
Ostal d’Occitania
11 rue Malcousinat
31000 TOULOUSE
